巴克禮普世版（試讀本） 約翰福音第十九章
1然 後，彼拉多叫人kā耶穌tshuā出 去用鞭phah。2 Hiah-ê兵-á用 刺á辮做一 頂冕 旒，kā它戴tī耶穌ê頭 殼，koh kā祂mua一 領紫 色ê長 袍。3 In來到耶穌ê面 前，講：「猶 太 人ê王，平 安！」Koh再siàn耶穌ê嘴phué。4彼拉多koh出 去外 面kā in講：「Lín看，我tshuā祂出 來hō͘ lín，hō͘ lín知我查 了結 果，祂無 罪。」5耶穌戴刺á ê冕 旒，mua紫 色ê長 袍，出 來外 面。彼拉多kā in講：「Lín看，tsit-ê人tī tsia！」6祭司長kah聖 殿ê警 衛，看tio̍h耶穌就大 聲huah：「Kā祂釘十字架！Kā祂釘十字架！」彼拉多kā in講：「Lín家己tshuā祂去 釘，因為我tshuē無理由kā祂定 罪。」7 Hiah-ê猶 太 人應 講：「阮有律 法，照 律 法祂應 該死，因為祂自 稱家己是上 主ê Kiáⁿ。」8彼拉多聽tio̍h in án-ne講就koh-khah驚。9伊koh入去總 督 府問耶穌講：「祢tuì tó位來？」M̄-koh耶穌無應。10彼拉多kā祂講：「祢m̄ kā我 講ho͘h？祢Kám m̄知我有權thang放祢，mā有權kā祢釘十字架？」11耶穌應 講：「若m̄是上 主賜你權 柄，你無 權thang辦我，所以將我交hō͘你ê人，伊ê罪koh-khah重。」12彼拉多聽tio̍h tsiah-ê話，就jú想beh放耶穌，m̄-koh hiah-ê猶 太 人koh大 聲huah：「你若放tsit-ê人，就m̄是羅馬皇 帝ê朋 友，因為若封家己做 王，就是背 叛羅馬皇 帝。」13彼拉多聽tio̍h tsiah-ê話，就tshuā耶穌出 來，家己坐tī審 判 席。Hit-ê所 在叫 做「鋪 石 地」。希伯來話叫 做「Lik-pa-tāi」。14 Hit日是Puâⁿ過 節ê前 一 日，差 不多中 晝ê時。彼拉多對hiah-ê猶 太 人講：「Lín看，這是lín ê王！」15 In大 聲huah：「Hō͘祂死！Hō͘祂死！Kā祂釘十字架。」彼拉多kā in講：「Lín ài我kā lín ê王釘十字架是無？」Tsiah-ê祭司長應 講：「羅馬皇 帝以外，阮無王。」
耶穌Hông釘十字架 (太7：32-44；可15：21-32；路23：26-43)
16然 後，彼拉多將耶穌交hō͘ in去 釘十字架。In就kā耶穌押去。17耶穌giâ家己ê十字架出 去，來到一個叫 做「頭 殼 碗」ê所 在。希伯來話叫 做「各 各 他」。18 In tī hia kā耶穌釘十字架，koh有兩 人kah祂做伙釘，一pîng一個，耶穌tī中 央。19彼拉多寫一塊罪 狀hē tī十字架 頂 面，寫 講：「拿撒勒 人耶穌，猶 太 人ê王。」20耶穌受 釘ê所 在近uá耶路撒冷 城，所以有真tsē猶 太 人讀tio̍h tsit-ê罪 狀。Hit-ê罪 狀koh是用希伯來 文、拉 丁 文、希 臘 文寫.ê。21猶 太 人hiah-ê祭司長kā彼拉多講：「M̄-thang寫：『猶 太 人ê王』。Tio̍h寫：『伊家己講：我是猶 太 人ê王。』」22彼拉多應 講：「我寫落去就好à。」23兵á kā耶穌釘十字架了 後，the̍h祂ê外 袍來分 做四份，一 人一 份。In koh the̍h祂ê內衫，tsit領內衫無kap-tsuā，是頂下相 透織 做一塊。24 In做伙參 詳講：「M̄-thang拆 裂，咱tio̍h來拈鬮，看 啥 人得tio̍h kui領。」這是beh應 驗聖 經所 講：In做伙分我ê外 袍，為tio̍h我ê內衫來拈鬮。(註：詩22：18)兵á果 然照án-ne做。25耶穌ê老母，祂ê阿姨，Kik-liû-pa ê bó͘馬利亞，kah抹 大 拉ê馬利亞lóng khiā tī耶穌ê十字架邊。26耶穌看tio̍h老母kah所 疼ê門徒khiā tī邊á，就 對老母講：「阿母ah，看，你ê kiáⁿ！」27 Koh對hit-ê門徒講：「看，你ê老母！」Tuì hit時起，hit-ê門徒就kā耶穌ê老母接tńg去in tau。
耶穌ê死 亡 (太27：45-56；可15：33-41；路23：44-49)
28 Tsit-ê tāi-tsì以後，耶穌知一 切ê tāi-tsì lóng完 成ā。為tio̍h beh應 驗聖 經ê話就 講：「我嘴 乾。」29 Tī hia有一個貯滿酸 醋ê瓶，in就the̍h海綿浸醋，縛tuà牛 漆 草尾，tu去 到耶穌ê嘴。30耶穌tam醋了 後，就 講：「Taⁿ一 切lóng完 成ā。」Án-ne講suah，頭就tàm落去，氣斷。
耶穌ê胸 坎 邊受 鑿
31 Hit日是拜五，猶 太 人無ài tī隔tńg日ê大安息 日，留身屍tī十字架 頂，所以in求彼拉多叫人kòng斷受 刑 人ê腳 骨，thang kā身屍收 落來。32就 去，將kah耶穌做伙釘十字架hit兩 人ê腳 骨kòng斷。33來到耶穌hia，看tio̍h祂已經死，就 無kòng斷祂ê腳 骨。34 M̄-koh有一個兵用 鎗鑿耶穌ê胸 坎 邊，血kah水隨時流 出 來。35親 目看 見ê人已經有做 見 證，是beh hō͘人相 信。祂家己知tsit-ê見 證是真，祂所 講ê lóng是事實。36 Tsit-ê tāi-tsì ê完 成是beh應 驗聖 經所 講：祂ê骨無一支會hō͘人phah碎。(註：出12：46) 37 Koh有另 外一 句聖 經講：人會仰 望in所鑿ê人。(註：亞12：10)
耶穌ê埋 葬 (太27：56-61；可15：42-47；路23：50-56)
38 Tsiah-ê tāi-tsì了 後，有一個A-lī-má-thài-人約 瑟。祂因為驚猶 太 人tsiah偷 偷á做門徒。祂來求彼拉多准伊去收耶穌ê身屍。彼拉多允 准。約 瑟就 去收耶穌ê身屍。39 Koh有前bat暗時來見耶穌ê尼哥底某mā來，伊帶差 不多三 十公 斤ê沒 藥tshiau沉 香ê芳 料來。40 In兩 人將耶穌ê身屍收 落來。照猶 太 人埋 葬ê慣 例kā身屍抹芳 料，koh用幼苧布包 起來。41耶穌釘十字架ê所 在有一 坵園，園內有一個iáu m̄-bat葬 過人ê新 墓。42 Hit日是猶 太 人準 備節ê日，墓koh無遠，in就kā耶穌埋 葬tī hia。
|
|
|
轉寄