《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 約翰福音第二十章

作者 巴克禮普世版小組 2014.02.16

空 空(khang-khang)ê墓(bōng) (太28：1-8；可16：1-8；路(lō͘)24：1-12)
1七 日(tshit-ji̍t)ê頭 一 日(thâu tsi̍t-ji̍t)透 早(thàu-tsá)，天(thiⁿ)Iáu未(buē)光(kng)，抹 大 拉(bua̍t-tāi-la̍h)ê馬利亞(má-lī-a)來到(lâi-kàu)墓 地(bōng-tē)，看(khuàⁿ)tio̍h墓 口(bōng-kháu)ê石(tsio̍h)已經(í-king)徙 開(suá-khui)。2她(i)就 走 去(tsiū tsáu-khì)tshuē西門彼得(se-bûn-pí-tik)kah hit-ê耶穌(iâ-so͘)所 疼(só͘ thiàⁿ)ê門徒(bûn-tô͘)，kā in講(kóng)：「有人(ū lâng)將(tsiong)主(tsú)tuì墓 裡(bōng-ni̍h)徙 走(suá-tsáu)，阮(guán)m̄知(tsai)in kā祂(i)hē tī tó位(uī)。」3彼得(pí-tik)kah hit-ê門徒(bûn-tô͘)就(tsiū)去 墓 地(khì bōng-tē)。4兩 人(nn̄g-lâng)做(tsò)伙(hué)走(tsáu)，hit-ê門徒(bûn-tô͘)走(tsáu)khah緊(kín)，先(sing)到(kàu)墓 地(bōng-tē)。5伊(i)àⁿ落去(lo̍h-khì)看(khuàⁿ)墓 內(bōng-lāi)，看(khuàⁿ)tio̍h幼苧布(iù-tē-pò͘)hē tī hia，m̄-koh伊(i)無(bô)入去(ji̍p-khì)。6西門彼得(se-bûn-pí-tik)tuè後(āu)到(kàu)，入去(ji̍p-khì)墓 內(bōng-lāi)，看(khuàⁿ)tio̍h幼苧布(iù-tē-pò͘)hē tī hia。7伊(i)koh看(khuàⁿ)tio̍h包(pau)耶穌(iâ-so͘)頭 殼(thâu-khak)ê巾(kin)，無(bô)kah幼苧布(iù-tē-pò͘)hē做(tsò)伙(hué)，捲(kńg)teh另 外(līng-guā)hē。8 Hit時(sî)hit-ê tāi先(sing)到(kàu)墓 地(bōng-tē)ê門徒(bûn-tô͘)mā入去(ji̍p-khì)，看 了(khuàⁿ-liáu)就(tsiū)相 信(siong-sìn)。9因為(in-uī)in Iáu未(buē)了 解(liáu-kái)聖 經(sìng-king)ê話(uē)，講(kóng)耶穌(iâ-so͘)一定(it-tīng)tio̍h tuì死 人 中(sí-lâng tiong)koh活(ua̍h)。10然 後(jiân-āu)，in兩 人(nn̄g-lâng)就(tsiū)tńg去(khì)in tau。

耶穌(iâ-so͘)對(tuì)抹 大 拉(bua̍t-tāi-la̍h)ê馬利亞(má-lī-a)顯 現(hián-hiān) (太28：9-10；可16：9-11)
11馬利亞(má-lī-a)khiā tī墓 外(bōng-guā)teh啼 哭(thî-khàu)，她(i)ná哭(khàu)ná àⁿ落去(lo̍h-khì)看(khuàⁿ)墓 內(bōng-lāi)。12她(i)看(khuàⁿ)tio̍h兩個(nn̄g-ê)穿(tshīng)白 衫(pe̍h-saⁿ)ê天使(thiⁿ-sài)，坐(tsē)tī原 來(guân-lâi)hē耶穌(iâ-so͘)身屍(sin-si)ê所 在(só͘-tsāi)，一個(tsi̍t-ê)tī頭(thâu)tsit-pîng，一個(tsi̍t-ê)tī腳(kha)hit-pîng。13天使(thiⁿ-sài)kā她(i)講(kóng)：「婦人 人(hū-jîn-lâng)ah，ná會(ē)teh哭(khàu)？」她(i)應 講(ìn-kóng)：「有人(ū lâng)kā我(guá)ê主(tsú)徙 走(suá-tsáu)，我(guá)m̄知(tsai)in kā祂(i)hē tī甚 麼(sím-mi̍h)所 在(só͘-tsāi)。」14 Tsiah-ê話(uē)講(kóng)suah，馬利亞(má-lī-a)ua̍t-tńg身(sin)，看(khuàⁿ)tio̍h耶穌(iâ-so͘)khiā tī hia，m̄-koh認(jīn)bē出(tshut)祂是(i sī)耶穌(iâ-so͘)。15耶穌(iâ-so͘)kā她(i)講(kóng)：「婦人 人(hū-jîn-lâng)ah，ná會(ē)teh哭(khàu)？你(lí)teh tshuē啥 人(siáⁿ-lâng)？」馬利亞(má-lī-a)想 講(siūⁿ-kóng)祂是(i sī)顧 園(kò͘-hn̂g)ê人(lâng)，就 應 講(tsiū ìn-kóng)：「頭 家(thâu-ke)ah，你(lí)若有(nā ū)kā祂(i)徙 走(suá-tsáu)，請(tshiáⁿ)kā我 講(guá kóng)你(lí)kā祂(i)hē tī甚 麼(sím-mi̍h)所 在(só͘-tsāi)，我(guá)thang來去(lâi-khì)kā祂(i)收(siu)tńg來(lâi)。」16耶穌(iâ-so͘)叫 一 聲(kiò tsi̍t-siaⁿ)「馬利亞(má-lī-a)ah。」她(i)就(tsiū)ua̍t-tńg身(sin)，用(īng)希伯來話(hi-pik-lâi-uē)講(kóng)："Lia̍p-pho-nî！"意思(ì-sù)就是(tsiū-sī)「老師(lāu-su)」。17耶穌(iâ-so͘)kā伊(i)講(kóng)：「M̄-thang摸(bong)我(guá)，因為(in-uī)我(guá)Iáu未(buē)上 天(tsiūⁿ thiⁿ)去(khì)天父(thiⁿ-pē)hia。你(lí)tio̍h去(khì)tshuē我(guá)ê兄弟(hiaⁿ-tī)kā in講(kóng)：「我(guá)上 天(tsiūⁿ thiⁿ)去(khì)我(guá)ê天父(thiⁿ-pē)hia，mā是(sī)lín ê天父(thiⁿ-pē)hia，去(khì)我(guá)ê上 主(siōng-tsú)hia，mā是(sī)lín ê上 主(siōng-tsú)hia。」18抹 大 拉(bua̍t-tāi-la̍h)ê馬利亞(má-lī-a)就 去(tsiū khì)kā門徒(bûn-tô͘)講(kóng)：「我 已經(guá í-king)看(khuàⁿ)tio̍h主(tsú)à。」Koh講(kóng)主(tsú)有(ū)kā她(i)講(kóng)hiah-ê話(uē)。

耶穌(iâ-so͘)對門徒(tuì bûn-tô͘)顯 現(hián-hiān) (太28：16-20；可16：14-18；路(lō͘)24：36-49))
19 Hit日(ji̍t)就是(tsiū-sī)七 日(tshit-ji̍t)ê頭 一 日(thâu tsi̍t-ji̍t)ê暗時(àm-sî)，門徒(bûn-tô͘)因為(in-uī)驚(kiaⁿ)猶 太 人(iû-thài-lâng)，就(tsiū)tī in tuà ê所 在(só͘-tsāi)kā門(mn̂g)關(kuaiⁿ)teh。耶穌(iâ-so͘)來到(lâi-kàu)in中 間(tiong-kan)kā in講(kóng)：「願(guān)lín平 安(pîng-an)！」20 Tsiah-ê話(uē)講 了(kóng-liáu)，耶穌(iâ-so͘)就 將(tsiū tsiong)手(tshiú)kah胸 坎 邊(hing-khám- piⁿ)hō͘ in看(khuàⁿ)。門徒(bûn-tô͘)看(khuàⁿ)tio̍h主(tsú)，真 歡 喜(tsin huaⁿ-hí)。21耶穌(iâ-so͘)koh kā in講(kóng)：「願(guān)lín平 安(pîng-an)！親 像(tshin-tshiūⁿ)天父(thiⁿ-pē)有(ū)差 派(tshe-phài)我(guá)，我(guá)mā beh差 派(tshe-phài)lín。」22耶穌(iâ-so͘)講(kóng)suah，就 對(tsiū tuì)in pûn氣(khuì)，講(kóng)：「Lín領受(niá-siū) 聖 神(sìng-sîn)。23 Lín赦 免(sià-bián)啥 人(siáⁿ-lâng)ê罪(tsuē)，in就得(tsiū tit)tio̍h赦 免(sià-bián)。Lín若無(nā-bô)赦 免(sià-bián)人(lâng)ê罪(tsuē)，in就(tsiū)bē得(tit)tio̍h赦 免(sià-bián)。

耶穌(iâ-so͘)對(tuì)多馬(to-má)顯 現(hián-hiān)
24 多馬(to-má)，mā叫 做(kiò-tsò)Té-thó͘-má(雙 生(siang-seⁿ)á ê意思(ì-sù))，是(sī)十 二(tsa̍p-jī)門徒(bûn-tô͘)ê一個(tsi̍t-ê)，耶穌(iâ-so͘)到(kàu)ê時(sî)，伊(i)無做(bô tsò)伙(hué)tī hia。25其他(kî-tha)ê門徒(bûn-tô͘)就(tsiū)kā伊(i)講(kóng)：「阮(guán)已經(í-king)有 看(ū khuàⁿ)tio̍h主(tsú)à。」M̄-koh多馬(to-má)kā in講(kóng)：「我(guá)若無(nā-bô)看(khuàⁿ)tio̍h祂(i)手 中(tshiú-tiong)ê釘 跡(ting-jiah)，無用(bô īng)指 頭(tsíng-thâu)á摸(bong)hit-ê釘 跡(ting-jiah)，無用(bô īng)手(tshiú)摸(bong)祂(i)ê胸 坎 邊(hing-khám- piⁿ)，我(guá)絕 對(tsua̍t-tuì)m̄相 信(siong-sìn)。」26一 禮拜(tsi̍t lé-pài)後(āu)，門徒(bûn-tô͘)koh再(tsài)聚 集(tsū-tsi̍p)tī厝 內(tshù-lāi)，多馬(to-má)mā做(tsò)伙(hué)tī hia。門(mn̂g)關 起來(kuaiⁿ khí-lâi)，耶穌(iâ-so͘)就 到(tsiū kàu)，khiā tī in中 央(tiong-ng)，講(kóng)：「願(guān)lín平 安(pîng-an)！」27耶穌(iâ-so͘)kā多馬(to-má)講(kóng)：「伸(tshun)指 頭(tsíng-thâu)á來 摸(lâi bong)我(guá)ê手(tshiú)，伸 手(tshun-tshiú)來 摸(lâi bong)我(guá)ê胸 坎 邊(hing-khám- piⁿ)。M̄-thang無信(bô sìn)，tio̍h相 信(siong-sìn)。」28多馬(to-má)應 講(ìn-kóng)：「我(guá)ê主(tsú)ah，我(guá)ê上 主(siōng-tsú)ah。」29耶穌(iâ-so͘)kā伊(i)講(kóng)：「你 看(lí khuàⁿ)tio̍h我(guá)tsiah相 信(siong-sìn)，hiah-ê無 看(bô khuàⁿ)tio̍h都(to)來信(lâi sìn)ê人(lâng)，真有(tsin ū) 福 氣(hok-khì)。」

Tsit本(pún)冊(tsheh)ê目 的(bo̍k-tik)
30耶穌(iâ-so͘)tī門徒(bûn-tô͘)ê面 前(bīn-tsîng)有(ū)koh行(kiâⁿ)真(tsin)tsē神 跡(sîn-jiah)，無記(bô kì)tī tsit本(pún)冊(tsheh)。31記載(kì-tsài)tsiah-ê tāi-tsì，是(sī)beh hō͘ lín信(sìn)耶穌(iâ-so͘)是基督(sī ki-tok)，是(sī)上 主(siōng-tsú)ê Kiáⁿ，koh hō͘ lín通 過(thong-kuè)信(sìn)，靠(khò)祂(i)ê名(miâ)來得(lâi tit)tio̍h活 命(ua̍h-miā)。