《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 使徒行傳第二章

作者 巴克禮普世版小組 2014.03.09

聖 神(sìng-sîn)降 臨(kàng-lîm)
1五旬 節(gō͘-sûn-tseh)到(kàu)，信徒(sìn-tô͘)lóng聚 集(tsū-tsi̍p)tī一 所 在(tsi̍t só͘-tsāi)。2忽 然 間(hut-jiân-kan)有聲(iú-siaⁿ)tuì天 頂(thiⁿ-tíng)來(lâi)，親 像(tshin-tshiūⁿ)teh透 大 風(thàu tuā-hong)，充 滿(tshiong-muá)in teh坐(tsē)ê kui間(kan)厝(tshù)。3 Koh有(ū)親 像(tshin-tshiūⁿ)分 開(pun-khui)ê火 舌(hué-tsi̍h)對(tuì)in出 現(tshut-hiān)，歇(hioh)tī ta̍k人(lâng)ê頂 面(tíng-bīn)。4 In lóng受 聖 神(siū sìng-sîn)充 滿(tshiong-muá)，照(tsiàu)聖 神(sìng-sîn)賞賜(siúⁿ-sù)in ê恩賜(un-sù)，開 嘴(khui-tshuì)講(kóng)別 種(pa̍t-tsióng)ê語 言(gí-giân)。5 Hit時(sî)有(ū)kuá虔 誠(khiân-sîng)ê猶 太 人(iû-thài-lâng)，tuì世界(sè-kài)ta̍k國(kok)tńg來(lâi)，tuà tī耶路撒 冷(iâ-lō͘-sat-líng)。6群 眾(kûn-tsiòng)聽(thiaⁿ)tio̍h tsit-ê聲(siaⁿ)就(tsiū)lóng聚 集(tsū-tsi̍p)uá來(lâi)，因為(in-uī)ta̍k人(lâng)聽(thiaⁿ)tio̍h信徒(sìn-tô͘)照(tsiàu)in家己(ka-kī)本地(pún-tē)ê話(uē)，來對(lâi tuì)in講 話(kóng-uē)suah gāng起來(khí-lâi)。7 In tio̍h驚(kiaⁿ)koh奇怪(kî-kuài)，講(kóng)：「你 看(lí khuàⁿ)，tsiah-ê teh講 話(kóng-uē)ê人(lâng)kám m̄是(sī)lóng加利利人(ka-lī-lī-lâng)？8咱(lán)ná會(ē)lóng聽(thiaⁿ)tio̍h Kā in照(tsiò) kā咱(lán)ta̍k人(lâng)本地(pún-tē)ê語 言(gí-giân)teh講 話(kóng-uē)？9咱(lán)tsiah-ê Phàⁿ-thê-a人(lâng)、Bí-thài人(lâng)、Í-lân人(lâng)，kah tiàm-tī米(bí)所(só͘)波大(tuā)米(bí)、猶太(iû-thài)kah Ka-phàⁿ-to-ka，Pún-to͘ kah亞西亞(a-se-a)，10 Hut-lū-ka kah Pông-hui-lī-a，埃及(ai-ki̍p)近(kīn)uá古利奈(kó͘-lī-nāi)ê Lū-pí-a，tsiah-ê地方(tē-hng)ê人(lâng)，以及(í-ki̍p)tuì羅馬(lô-má)來(lâi)ê出 外 人(tshut-guā-lâng)，有(ū)ê是(sī)猶 太 人(iû-thài-lâng)，有(ū)ê是(sī)改 宗(kái-tsong)入(ji̍p)猶 太 教(iû-thài-kàu)ê人(lâng)，11 Kik-lí-tí人(lâng)，A-lat-pik-人(lâng)，lóng聽(thiaⁿ)in用(īng)咱(lán)ê語 言(gí-giân)teh講(kóng)上 主(siōng-tsú)所做(só͘ tsò)偉大(uí-tāi)ê tāi-tsì。」12大家(tāi-ke)tio̍h驚(kiaⁿ)koh奇怪(kî-kuài)，問 來(mn̄g-lâi)問 去(mn̄g-khì)講(kóng)：「這(tse)是甚 麼(sī sím-mi̍h)tāi-tsì？」13 Mā有人(ū lâng)恥 笑(thí-tshiò)in講(kóng)：「In是(sī)lim新 酒(sin-tsiú)teh醉(tsuì)。」

彼得(pí-tik)ê講 道(káng-tō)
14 M̄-koh彼得(pí-tik)kah十一個(tsa̍p-it-ê)使徒(sù-tô͘)khiā起來(khí-lâi)，大 聲(tuā-siaⁿ)對(tuì)in講(kóng)：「猶 太 人(iû-thài-lâng)kah所有(só͘-ū)tuà tī耶路撒 冷(iâ-lō͘-sat-líng)ê人(lâng)ah，lín tio̍h知(tsai)tsit-ê tāi-tsì，mā tio̍h注意 聽(tsù-ì thiaⁿ)我(guá)ê話(uē)。15 Tsiah-ê人(lâng)m̄是(sī)lín所 講(só͘ kóng)ê酒 醉(tsiú-tsuì)，因為(in-uī)tsit-má tsiah早起時(tsá-khí-sî)九 點(káu-tiám)。16其實(kî-si̍t)這是(tse sī)先知(sian-ti)約珥(iok-jíⁿ)所 講(só͘ kóng).ê。17上 主(siōng-tsú)講(kóng)：Tī終 末(tsiong-bua̍t)ê時日(sî-ji̍t)，我(guá)beh用(īng)我(guá)ê聖 神(sìng-sîn)，降 落 去(kàng lo̍h-khì)hō͘世 間 人(sè-kan-lâng)。Lín ê後 生(hāu-seⁿ)，lín ê tsa-bó͘-kiáⁿ會講(ē kóng)預言(ī-giân)，lín ê少 年 人(siàu-liân-lâng)會看(ē khuàⁿ)tio̍h異 象(īⁿ-siōng)，lín ê老 人(lāu-lâng)會得(ē tit)tio̍h託 夢(thok-bāng)。18 Koh tī hiah-ê日(ji̍t)，我(guá)mā beh將(tsiong)我(guá)ê聖 神(sìng-sîn)降 落 去(kàng lo̍h-khì)hō͘我(guá)ê奴僕(lô͘-po̍k)kah女婢(lú-pī) 女婢，in mā會講(ē kóng)預言(ī-giân)。19我(guá)tī天 頂(thiⁿ-tíng)顯 出(hián-tshut)奇事(kî-sū)，tī地 上(tē-tsiūⁿ)我(guá)beh顯 示(hián-sī)神 跡(sîn-jiah)，有(ū)血(hueh)、火(hué)kah煙霧(ian-bū)。20 Tī主(tsú)大(tuā)koh榮 耀(îng-iāu)ê日(ji̍t)降 臨(kàng-lîm)tsìn前(tsîng)，日頭(ji̍t-thâu)會變 做(ē piàn-tsò)暗(àm)，月(gue̍h)會變 做(ē piàn-tsò)ná血(hueh)hiah-ni̍h紅(âng)。21 Hit時(sî)，所有(só͘-ū)求叫(kiû-kiò)主(tsú)ê名(miâ)ê人(lâng)lóng會得救(ē tit-kiù)。」(註(tsù)：珥2：28-32) 22「以色列 人(í-sik-lia̍t-lâng)ah，lín tio̍h聽(thiaⁿ)我(guá)ê話(uē)：照(tsiàu)lín所 知(só͘ tsai)，上 主(siōng-tsú)通 過(thong-kuè)拿撒勒 人(ná-sat-li̍k-lâng)耶穌(iâ-so͘)，tī lín中 間(tiong-kan)顯 示(hián-sī)祂(i)ê權 能(kuân-lîng)、奇事(kî-sū)kah神 跡(sîn-jiah)，來對(lâi tuì)lín證 明(tsìng-bîng)祂是(i sī)上 主(siōng-tsú)所設立(só͘ siat-li̍p).ê。23上 主(siōng-tsú)照(tsiàu)祂(i)定(tiāⁿ)tio̍h ê旨意(tsí-ì)kah預定(ī-tīng)ê計畫(kè-uē)，kā祂(i)交(kau)hō͘ lín。Lín借 用(tsioh-īng)不 法(put-huat)ê人(lâng)ê手(tshiú)，kā祂(i)釘(tìng)十字架(si̍p-jī-kè)，kā祂(i)害死(hāi-sí)。24 M̄-koh上 主(siōng-tsú)tháu放(pàng)祂(i)死 亡(sí-bông)ê痛 苦(thòng-khó͘)，hō͘祂(i)koh活(ua̍h)，因為(in-uī)死 亡(sí-bông)bē-tàng kā祂(i)控 制(khòng-tsè)。25關 係(kuan-hē)耶穌(iâ-so͘)ê tāi-tsì，大衛(tāi-pi̍t)有講(ū kóng)：我(guá)看 見(khuàⁿ-kìⁿ)主(tsú)常 常(siông-siông)tī我(guá)ê面 前(bīn-tsîng)；祂(i)tiàm tī我(guá)ê正(tsiàⁿ)pîng，hō͘我(guá)bē搖動(iô-tāng)。26所以(só͘-í)我(guá)ê心(sim)歡 喜(huaⁿ-hí)，我(guá)ê舌(tsi̍h)快 樂(khuài-lo̍k)，koh我(guá)ê肉 體(jio̍k-thé)mā會(ē)tī ǹg望(bāng)中(tiong)安 然(an-jiân)過 日(kuè-ji̍t)。27因為(in-uī)祢(lí)bē kā我(guá)ê靈 魂(lîng-hûn)放(pàng)sak tī陰 間(im-kan)，mā bē hō͘祢(lí)神 聖(sîn-sìng)ê奴僕(lô͘-po̍k)朽 瀾(hiú-nuā)。28祢(lí)已經(í-king)指示(tsí-sī)我(guá)活 命(ua̍h-miā)ê路(lō͘)。Hō͘我(guá)tī你(lí)ê面 前(bīn-tsîng)滿 心(muá-sim)快 樂(khuài-lo̍k)。」(註(tsù)：詩(si)16：8-11) 29「兄弟 姊 妹(hiaⁿ-tī tsí-muē)ah，關 係(kuan-hē)先 祖(sian-tsó͘)大衛(tāi-pi̍t)ê tāi-tsì，我(guá)好膽(hó-táⁿ)對(tuì)lín講(kóng)，伊(i)已經(í-king)死(sí)koh埋 葬(bâi-tsòng)，伊(i)ê墓(bōng)到(kàu)今(kin)á日(ji̍t)iáu tī咱(lán)tsia。30伊(i)既然是(kì-jiân sī)先知(sian-ti)，koh知(tsai)上 主(siōng-tsú)bat kah伊(i)tsiù-tsuā應允(ìng-ún)，beh tī伊(i)ê kiáⁿ孫(sun)中(tiong)，設立(siat-li̍p)一個 人(tsi̍t-ê lâng)做 王(tsò ông)，來坐(lâi tsē)祂(i)ê寶座(pó-tsō)。31大衛(tāi-pi̍t)有先(ū sing)看 出(khuàⁿ-tshut)tsit-ê tāi-tsì，關 係(kuan-hē)基督(ki-tok)ê koh活(ua̍h)有講(ū kóng)：祂(i)無受(bô siū)放(pàng)sak tī陰 間(im-kan)，祂(i)ê肉 體(jio̍k-thé)mā無(bô)朽 瀾(hiú-nuā)去(khì)。(註(tsù)：詩(si)16：10) 32 Tsit-ê耶穌(iâ-so͘)，上 主(siōng-tsú)有(ū)hō͘祂(i)koh活(ua̍h)，阮(guán)tsiah-ê人(lâng)lóng做(tsò)祂(i)ê見 證 人(kiàn-tsìng-jîn)。33祂(i)已經(í-king)受 高 升(siū ko-sing)到(kàu)上 主(siōng-tsú)ê正(tsiàⁿ)pîng，koh tuì天父(thiⁿ-pē)領受(niá-siū)所應允(só͘ ìng-ún)ê聖 神(sìng-sîn)。祂(i)tsit-má將(tsiong)tsit-ê聖 神(sìng-sîn)piàⁿ落來(lo̍h-lâi)hō͘阮(guán)，就是(tsiū-sī)lín tsit-má所 看(só͘ khuàⁿ)tio̍h，所聽(só͘ thiaⁿ)tio̍h-.ê。34大衛(tāi-pi̍t)m̄-bat上 天(tsiūⁿ thiⁿ)，m̄-koh伊(i)講(kóng)：上 主(siōng-tsú)對我(tuì guá)ê主(tsú)講(kóng)：祢(lí)坐(tsē)我(guá)ê大(tuā)pîng，35到(kàu)我(guá)hō͘祢(lí)ê對敵(tuì-ti̍k)做(tsò)祢(lí)ê腳 踏(kha-ta̍h)。(註(tsù)：詩(si)110：1) 36「所以(só͘-í)以色列(í-sik-lia̍t)全 家(tsuân-ke)lóng tio̍h確 實(khak-si̍t)知(tsai)，tsit-ê lín kā祂(i)釘(tìng)十字架(si̍p-jī-kè)ê耶穌(iâ-so͘)，上 主(siōng-tsú)已經(í-king)設立(siat-li̍p)祂(i)做 主(tsò tsú)，做(tsò)基督(ki-tok)à。」37眾 人(tsìng-lâng)聽(thiaⁿ)tio̍h tsiah-ê話(uē)，心 內(sim-lāi)真(tsin)刺 鑿(tshì-tsha̍k)，對彼得(tuì pí-tik)kah其他(kî-tha)ê使徒(sù-tô͘)講(kóng)：「兄弟 姊 妹(hiaⁿ-tī tsí-muē)ah，阮(guán)tio̍h án怎(tsuáⁿ)做(tsò)？」38彼得(pí-tik)kā in講(kóng)：「Lín tio̍h悔 改(hué-kái)，ta̍k人(lâng)lóng tio̍h奉(hōng)耶穌基督(iâ-so͘ ki-tok)ê名(miâ)受洗禮(siū sé-lé)，hō͘ lín ê罪(tsuē)得(tit)tio̍h赦 免(sià-bián)。Lín就(tsiū)ē-tàng領(niá)受 上 主(siū siōng-tsú)賞賜(siúⁿ-sù)ê聖 神(sìng-sîn)。39因為(in-uī)tsit-ê應允(ìng-ún)是(sī)beh hō͘ lín kah lín ê kiáⁿ孫(sun)，以及(í-ki̍p)所有(só͘-ū)tī遠 遠(hn̄g-hn̄g)ê人(lâng)。就是(tsiū-sī)咱(lán)ê上 主(siōng-tsú)呼 召(ho͘-tiàu)來 歸 向(lâi kui-hiòng)祂(i)ê人(lâng)。」40彼得(pí-tik)koh另 外(līng-guā)用(īng)真(tsin)tsē話(uē)出 力(tshut-la̍t)見 證(kiàn-tsìng)，來 苦 勸(lâi khó͘-khǹg)in，講(kóng)：「Lín tio̍h救家己(kiù ka-kī)脫 離(thuat-lī)tsit-ê邪惡(siâ-ok)ê世代(sè-tāi)。」41就(tsiū)án-ne，接 納(tsiap-la̍p)in ê話(uē)ê人(lâng)lóng受洗禮(siū sé-lé)，hit日(ji̍t)信徒(sìn-tô͘)大約(tāi-iok)加添(ke-thiⁿ)三 千(saⁿ-tshing)人(lâng)。42 In專 心(tsuan-sim)領受(niá-siū)使徒(sù-tô͘)ê教示(kà-sī)，參 與(tsham-ú)信徒(sìn-tô͘)團 契(thuân-khè)生 活(sing-ua̍h)，領受(niá-siū)聖 餐(sìng-tshan)，祈禱(kî-tó)。

信徒(sìn-tô͘)ê團 契(thuân-khè)生 活(sing-ua̍h)
43使徒(sù-tô͘)koh行(kiâⁿ)真(tsin)tsē奇事(kî-sū)神 跡(sîn-jiah)，引起(ín-khí)眾 人(tsìng-lâng)起(khí)敬 畏(kìng-uì)ê心(sim)。44信徒(sìn-tô͘)lóng聚 集(tsū-tsi̍p)tī一 所 在(tsi̍t só͘-tsāi)，所有(só͘ ū)ê物(mi̍h)lóng公 家 用(kong-ke īng)。45 Koh賣(bē)家產(ka-sán)kah家 業(ka-gia̍p)，照(tsiàu)ta̍k人(lâng)所需要(só͘ su-iàu).ê分(pun)hō͘ in。46 In ta̍k日(ji̍t)tī聖 殿 內(sìng-tiān lāi)同 心 合意(tâng-sim ha̍p-ì)聚 會(tsū-huē)，mā去(khì)家家戶戶(ke-ke hō͘-hō͘)舉 行(kí-hîng)聖 餐(sìng-tshan)peh餅(piáⁿ)，用(īng)歡 喜(huaⁿ-hí)誠 實(sîng-si̍t)ê心(sim)做(tsò)伙(hué)lim食(tsia̍h)，o-ló上 主(siōng-tsú)。47 Koh得(tit)tio̍h眾 人(tsìng-lâng)歡 喜(huaⁿ-hí)接 納(tsiap-la̍p)。主(tsú)將(tsiong)得救(tit-kiù)ê人(lâng)日日(ji̍t-ji̍t)加添(ke-thiⁿ)hō͘ in。