《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 使徒行傳第四章

作者 巴克禮普世版小組 2014.03.23

彼得(pí-tik)Kah約 翰(iok-hān)Tī議會(gī-huē)Hông審 問(sím-mn̄g)
1彼得(pí-tik)Kah約 翰(iok-hān)對(tuì)群 眾(kûn-tsiòng)teh講 話(kóng-uē)ê時(sî)，tsiah-ê祭司(tsè-si)kah聖 殿(sìng-tiān)ê守衛長(siú-uē-tiúⁿ)，以及(í-ki̍p)撒都該 派(sat-to͘-kai-phài)ê人(lâng)忽 然(hut-jiân)來到位(lâi kàu-uī)。2 In非 常(hui-siông)受氣(siū-khì)，因為(in-uī)tsit兩個(nn̄g-ê)使徒(sù-tô͘)teh教示(kà-sī)群 眾(kûn-tsiòng)，koh根據(kin-kì)耶穌(iâ-so͘)ê koh活(ua̍h)來 傳(lâi thuân)tuì死 人 中(sí-lâng tiong)koh活(ua̍h)ê道理(tō-lí)。3所以(só͘-í)in就 下 手(tsiū hē-tshiú)掠(lia̍h)tsit兩個(nn̄g-ê)使徒(sù-tô͘)，kā in拘留 到(lâu-kàu)隔(keh)tńg日(ji̍t)，因為(in-uī)天(thiⁿ)已經(í-king)暗(àm)à。4 M̄-koh聽(thiaⁿ)道理(tō-lí)來信(lâi sìn)ê人(lâng)真(tsin)tsē，tsa-po͘人(lâng)lóng總(tsóng)差 不多(tsha-put-to)有(ū)五 千(gō͘-tshing)。5隔(keh)tńg日(ji̍t)，猶 太 人(iû-thài-lâng)ê頭 人(thâu-lâng)、長老(tiúⁿ-ló)kah經 學 教 師(king-ha̍k kàu-su)，聚 集(tsū-tsi̍p)tī耶路撒 冷(iâ-lō͘-sat-líng)。6大 祭司(tuā-tsè-si)亞那(a-ná)kah該亞法(kai-a-huat)、約 翰(iok-hān)、亞力山大(a-li̍k-san-tāi)，以及(í-ki̍p)大 祭司(tuā-tsè-si)ê家 族(ka-tso̍k)mā lóng tī hia。7 In叫(kiò)hit兩個(nn̄g-ê)使徒(sù-tô͘)khiā tī in中 央(tiong-ng)，問 講(mn̄g kóng)：「Lín靠 甚 麼(khò sím-mi̍h)權 能(kuân-lîng)，奉(hōng)甚 麼 名(sím-mi̍h miâ)，來做(lâi tsò)tsit項(hāng)tāi-tsì？」8 Hit時(sî)，彼得(pí-tik)受 聖 神(siū sìng-sîn)充 滿(tshiong-muá)，對(tuì)in講(kóng)：「各位(kok-uī)民 間(bîn-kan)ê頭 人(thâu-lâng)kah長老(tiúⁿ-ló)ah，9阮(guán)今(kin)á日(ji̍t)若是(nā-sī)為(uī)tio̍h tsit-ê跛 腳(pái-kha).ê得(tit)tio̍h醫好(i-hó)ê好(hó)tāi-tsì來(lâi)受 審 問(siū sím-mn̄g)，10 lín大家(tāi-ke)kah所有(só͘-ū)以色列(í-sik-lia̍t) 人民(jîn-bîn)lóng tio̍h知(tsai)，tsit-ê人(lâng)好好(hó-hó)khiā tī lín ê面 前(bīn-tsîng)，是(sī)奉(hōng)拿撒勒 人(ná-sat-li̍k-lâng)耶穌基督(iâ-so͘ ki-tok)ê名(miâ)。Lín kā Tsit位(uī)耶穌(iâ-so͘)釘(tìng)tī十字架(si̍p-jī-kè)，m̄-koh上 主(siōng-tsú)hō͘祂(i)tuì死 人 中(sí-lâng tiong)koh活(ua̍h)。11祂(i)就是(tsiū-sī)聖 經(sìng-king)所 講(só͘ kóng)：Lín tsiah-ê起 厝(khí-tshù)師傅(sai-hū)所棄(só͘ khì)sak ê石(tsio̍h)，已經(í-king)成 做(tsiâⁿ-tsò)厝 角 頭(tshù-kak-thâu)ê基 石(ki-tsio̍h)。12除了(tû-liáu)耶穌(iâ-so͘)以外(í-guā)lóng無(bô)拯 救(tsín-kiù)，因為(in-uī)tī天下(thiⁿ-ē)人 間(jîn-kan)，上 主(siōng-tsú)無賞賜(bô siúⁿ-sù)別(pa̍t)ê名(miâ)tī人(lâng)ê中 間(tiong-kan)，hō͘咱(lán)thang靠(khò)hit-ê名(miâ)來得救(lâi tit-kiù)。」13參 會(tsham-huē)ê人(lâng)看(khuàⁿ)tio̍h彼得(pí-tik)kah約 翰(iok-hān)ê好膽(hó-táⁿ)，koh知(tsai)in是(sī)無學 問(bô ha̍k-būn)ê普 通 人(phó͘-thong-lâng)，lóng真(tsin)tio̍h驚(kiaⁿ)，in koh會(ē)-認得(jīn-tit)彼得(pí-tik)kah約 翰(iok-hān)bat跟(kin)tuè耶穌(iâ-so͘)，14 mā有 看(ū khuàⁿ)tio̍h hit-ê得(tit)tio̍h醫好(i-hó)ê人(lâng)khiā tī in ê身邊(sin-piⁿ)，就無話(tsiū bô-uē)thang辯 駁(piān-pok)。15參 會(tsham-huē)ê人(lâng)就 叫(tsiū kiò)in離開(lī-khui)議會(gī-huē)，然 後(jiân-āu)做(tsò)伙(hué)議論(gī-lūn)，16講(kóng)：「咱(lán)tio̍h án怎(tsuáⁿ)處 理(tshú-lí)tsiah-ê人(lâng)？In顯 然(hián-jiân)是(sī)行 神 跡(kiâⁿ sîn-jiah)，耶路撒 冷(iâ-lō͘-sat-líng)所有(só͘ ū)ê人(lâng)lóng知(tsai)，咱(lán)無法 度(bô͘-huat-tō͘)否認(hó͘ⁿ-jīn)。17 M̄-koh為(uī)tio̍h mài hō͘ tsit-ê tāi-tsì tī人民(jîn-bîn)中 間(tiong-kan)ná傳(thuân)ná闊(khuah)，咱(lán)tio̍h kā in警 告(kíng-kò)，一定(it-tīng)m̄-thang koh奉(hōng)耶穌(iâ-so͘)ê名(miâ)來 傳(lâi thuân)講 道理(kóng tō-lí)。」18 In就 叫(tsiū kiò)hit兩個(nn̄g-ê)使徒(sù-tô͘)來(lâi)，禁 止(kìm-tsí)in m̄-thang koh奉(hōng)耶穌(iâ-so͘)ê名(miâ)來(lâi)講 道理(kóng tō-lí)á是(sī)教示人(kà-sī lâng)。19 M̄-koh彼得(pí-tik)kah約 翰(iok-hān)應 講(ìn-kóng)：「Tī上 主(siōng-tsú)ê眼 中(gán-tiong)，聽(thiaⁿ)lín ê話(uē)á是(sī)聽(thiaⁿ)上 主(siōng-tsú)ê話(uē)tsiah tio̍h？lín家己(ka-kī)判 斷(phuàⁿ-tuàn)。20因為(in-uī)阮(guán)所 看(só͘ khuàⁿ)tio̍h kah所聽(só͘ thiaⁿ)tio̍h.ê，無 講(bô kóng)bē用得(īng-tit)。」21 Hiah-ê參 會(tsham-huē)ê人(lâng)想(siūⁿ)無步(bô-pō͘)thang kā in刑 罰(hîng-hua̍t)，koh因為(in-uī)群 眾(kûn-tsiòng)kā in所行(só͘ kiâⁿ)ê神 跡(sîn-jiah)歸 榮 光(kui îng-kng)hō͘上 主(siōng-tsú)，就(tsiū)koh嚴 格(giâm-keh)kā in警 告(kíng-kò)了 後(liáu-āu)放(pàng)in出 去(tshut-khì)。22眾 人(tsìng-lâng)án-ne teh o-ló上 主(siōng-tsú)，是因為(sī in-uī)tuì tsit-ê神 跡(sîn-jiah)得(tit)tio̍h醫好(i-hó)ê人(lâng)，已經(í-king)四 十(sì-tsa̍p)外(guā)歲(huè)。

信徒(sìn-tô͘)ê祈禱(kî-tó)
23彼得(pí-tik)kah約 翰(iok-hān)得(tit)tio̍h tháu放(pàng)了 後(liáu-āu)，就 去(tsiū khì)tshuē in ê朋 友(pîng-iú)，將(tsiong)tsiah-ê祭司長(tsè-si-tiúⁿ)kah長老(tiúⁿ-ló)所 講(só͘ kóng)ê話(uē)，lóng對(tuì)in報告(pò-kò)。24 In聽 了(thiaⁿ-liáu)就 同 心(tsiū tâng-sim)出 聲(tshut-siaⁿ)對(tuì)上 主(siōng-tsú)祈禱(kî-tó)講(kóng)：「創 造(tshòng-tsō)天(thiⁿ)、地(tē)、海(hái)，kah其 中(kî-tiong)萬 物(bān-bu̍t)ê主 宰(tsú-tsáiⁿ)ah，25祢(lí)通 過(thong-kuè)聖 神(sìng-sîn)用(īng)祢(lí)ê奴僕(lô͘-po̍k)，阮(guán)ê祖 先(tsó͘-sian)—大衛(tāi-pi̍t)ê嘴(tshuì)講(kóng)：列 國(lia̍t-kok)án怎(tsuáⁿ)大 受氣(tuā siū-khì)，tsiah-ê人民(jîn-bîn)án怎(tsuáⁿ)計謀(kè-bô͘)無效果(bô-hāu-kó)ê tāi-tsì？26地 上(tē-tsiūⁿ)ê列 王(lia̍t-ông)排陣(pâi-tīn)備 戰(pī-tsiàn)，tsiah-ê官 員(kuaⁿ-uân)mā做(tsò)伙(hué)聚 集(tsū-tsi̍p)，來 攻 擊(lâi kong-kik)上 主(siōng-tsú)kah祂(i)ê基督(ki-tok)。(註(tsù)：詩(si)2：1-2) 27希律(hi-lu̍t)、本 丟(pún-tiu)彼拉多(pí-lia̍p-to)，kah外 邦 人(guā-pang-lâng)，以及(í-ki̍p)以色列 人(í-sik-lia̍t-lâng)，果 然(kó-jiân)聚 集(tsū-tsi̍p)tī tsit-ê城(siâⁿ)，來 攻 擊(lâi kong-kik)祢(lí)所選 立(só͘ suán-li̍p)ê神 聖(sîn-sìng)奴僕(lô͘-po̍k)耶穌(iâ-so͘)，28 In聚 集(tsū-tsi̍p)來做(lâi tsò)，祢(lí)ê權 能(kuân-lîng)kah祢(lí)ê旨意(tsí-ì)所定(só͘ tiāⁿ)tio̍h會 發 生(ē huat-sing)ê一 切(it-tshè)tāi-tsì。29 Taⁿ主(tsú)ah，in teh kā阮(guán)恐 嚇(khióng-hat)，求(kiû)祢(lí)鑑 察(kàm-tshat)，hō͘祢(lí)tsiah-ê奴僕(lô͘-po̍k)koh-khah好膽(hó-táⁿ)，來 傳 講(lâi thuân-káng)祢(lí)ê道理(tō-lí)，30求(kiû)祢(lí)伸 手(tshun-tshiú)來醫病(lâi i-pēⁿ)，koh通 過(thong-kuè)祢(lí)神 聖(sîn-sìng)ê奴僕(lô͘-po̍k)耶穌(iâ-so͘)ê名(miâ)來(lâi)行 神 跡(kiâⁿ sîn-jiah)奇事(kî-sū)。」31祈禱(kî-tó)suah，聚 集(tsū-tsi̍p)ê所 在(só͘-tsāi)大 搖動(tuā iô-tāng)，群 眾(kûn-tsiòng)lóng受 聖 神(siū sìng-sîn)充 滿(tshiong-muá)，好膽(hó-táⁿ)傳 講(thuân-káng)上 主(siōng-tsú)ê道理(tō-lí)。

信徒(sìn-tô͘)ê共 同(kiōng-tông)生 活(sing-ua̍h)
32全 體(tsuân-thé)信徒(sìn-tô͘)lóng同 心 合意(tâng-sim ha̍p-ì)，無 人(bô-lâng)講(kóng)伊(i)ê財 物(tsâi-bu̍t)是(sī)家己(ka-kī)ê，ta̍k項(hāng)物 件(mi̍h-kiāⁿ)lóng公 家 用(kong-ke īng)。33使徒(sù-tô͘)用(īng)大 權 能(tuā kuân-lîng)見 證(kiàn-tsìng)主耶穌(tsú iâ-so͘)ê koh活(ua̍h)，群 眾(kûn-tsiòng)mā lóng得(tit)tio̍h大 恩典(tuā un-tián)。34 In中 間(tiong-kan)無 人(bô-lâng)有 欠 缺(ū khiàm-khueh)，因為(in-uī)有(ū)田 園(tshân-hn̂g)厝 宅(tshù-the̍h)ê人(lâng)lóng賣掉(bē-tiāu)，35將(tsiong)所(só͘) 得(tit)tio̍h ê錢(tsîⁿ)the̍h來交(lâi kau)hō͘使徒(sù-tô͘)，照(tsiàu)ta̍k人(lâng)所需要(só͘ su-iàu)分(pun)hō͘ in。36有一個(ū tsi̍t-ê)出 世(tshut-sì)tī居比路(ku-pí-lō͘)(現 今(hiān-kim)ê塞 浦路斯(sài-phó͘-lō͘-su))利未族(lī-bī-tso̍k)ê人(lâng)，名 叫(miâ-kiò)約 瑟(iok-sik)，使徒(sù-tô͘)kā伊(i)叫 做(kiò-tsò)巴拿巴(pa-na-pa)(意思(ì-sù)是(sī)「安慰(an-uì)者(tsiá)」)。37伊(i)kā田 園(tshân-hn̂g)賣掉(bē-tiāu)，將(tsiong)所賣(só͘-bē)ê錢(tsîⁿ)帶來(tuà-lâi)交(kau)hō͘使徒(sù-tô͘)。