《《原鄉．夜合》 客語詩集》

 | | | 轉寄

羊尾仔看詩 Yòng mî é khon sṳ̂

作者 曾貴海 白話字：邱淑華 2008.03.02

時間空海ke某一點
Sṳ̀ kiân khûng hói ke mêu yit tiám
存在二千二百年
Tshùn tshai lióng tshiên lióng pak ngiàn
那點時空紀錄著
Ke tiàm sṳ̀ khûng ki liu̍k tén
二千一百年已經死了
Lióng tshiên yit pak ngiàn yí kîn sí è
包括我
Pâu kuat ngài
同我所愛ke人
Thùng ngài só oi ke ngìn

所有死了ke生命
Só yû sí liáu ke sên miang
全沒計較
Tshiòn mò ki káu
只有人類
Tsṳ́ yû ngìn lui
毋甘願放手離開世間
M̀ kâm ngian piong sú lì khôi sṳ kiân


在歷史ke牆壁上
Tshai li̍t sṳ́ ke siòng piak hong
留下一大堆洗不淨ke故事
Liù hâ yit thai tôi sé m̀ tshiang ke ku sṳ

春雨過後ke清早
Tshûn yí ko heu ke tshîn tsó
一隻羊尾仔
Yit tsak yòng mî é
停立睡蓮面上
Thìn li̍p soi lièn mien hong
羊尾拍水波
Yòng mî phok suí pô
那時節，天頂下
Ke sṳ̀ tsiet，thiên táng hâ
我佇湖邊
Ngài thê fù piên
恬恬將景色變做詩
Tiâm tiâm tsiông kín set pien tso sṳ̂

羊尾仔，閒閒靜靜
Yòng mî é, hàn hàn tshin tshin
飛來飛去
Pî lòi pî hi

停佇詩上
Thìn thê sṳ̂ hong
看詩
Khon sṳ̂
看我
Khon ngài
看天色
Khon thiên set




羊尾仔＝蜻蜓