《《原鄉．夜合》 客語詩集》

 | | | 轉寄

Tē-47-tsiuⁿ,Iâ-so͘ huah hong kap hái

作者 Ko Kim-sing. 2009.03.01

listen

(Má-thài 8:18-27; Má-khó 4:35-41;Lō͘-ka 8:22-25).
Beh àm ê sî Iâ-so͘ kà-sī bîng-pi̍k，kā ha̍k-sing kóng，"Tio̍h lo̍h tsûn saⁿ-kap kè hit pîng huāⁿ.
"Kiâⁿ bô juā hn̄g，hut-jiân khí tuā hong，hit ê hong put-tsí thàu，íng tsin tuā，tsûn tsha-put-to beh tîm-lo̍h-khì，ha̍k-sing tsin kiaⁿ.Iâ-so͘ tī tsûn-bé teh khùn，ha̍k-sing kiò I tshíⁿ，kóng，"Sian-siⁿ bô beh tsàiu-kò͘ guán mah？beh bia̍t-bô lah. "Iâ-so͘ khí-lâi huah hong，kā kái kóng，"Tio̍h tsīng-tsīng. "Hong liâm-piⁿ suah，tuā pîng-tsīng.Iâ-so͘ tsiū kā ha̍k-sing kóng，" Siáⁿ-sū kiaⁿ kàu án-ni？Tsáiⁿ-iūⁿ m̄-sìn？
"Tsìng-lâng put-tsí kiaⁿ，saⁿ-kap kóng，"Tsit ê sím-mi̍h hō ê lâng？Hong kap hái ia̍h sūn I. " Uē huah hong kap hái hō͘ i thàn，tsí-ū sī Siōng-tè nā-tiāⁿ.Iâ-so͘ án-ni tsuè sī hián-bîng ka-kī sī Siōng-tè.

Tse sī hō͘ lán thang tsai，lán tú-tio̍h guî-hiám ê sî，nā Iâ-so͘ kap lán tī-teh tsin ún-tàng，lóng m̄-sái kiaⁿ.