《Kahui ê Tâi-bûn Phû-tô-hn̂g》 |
 |
 |
|
 轉寄 |
成大台語認證
作者 Ko Ka-hui 2021.09.26
Nā-sī kóng-tio̍h Sêng-tāi jīn-tsèng, góa tō siūⁿ-tio̍h tsún-pī ê kòe-têng kap sng kam khó͘ tiⁿ.
Sī-án-tsóaⁿ kóng--neh? In-ūi tong-tsho͘ teh o̍h Tâi-gí Lô-má-jī, góa ê lāu-su kā góa kóng góa ê thêng-tō ū ki-hōe khó--kòe, hāi góa huaⁿ-hí ka̍h! Kiat-kó tē it kài khó--tshut-lâi bô kòe, tùi ka-tī sī tsiok sit-bōng--ê.
M̄-koh lāu-su kó͘-lē góa kè-sio̍k piàⁿ--lòe. Tsóng-sǹg tī tē 2 tang ê sî hō͘ góa khó--kòe tiong-ko kip, koh khì Pîn-tong khó tsi-oân kàu-su, si̍t-tsāi sī put-tsí-á khí-mo͘-giang. Tsò 2、3 tang ê Tâi-gí lāu-su liáu, góa koh kè-sio̍k piàⁿ Sêng-tāi jīn-tsèng, bo̍k-piau sī khó-tio̍h ko-kip, sui-bóng góa tē 2 kài tsiah khó--tio̍h, m̄-koh tùi góa lâi kóng sī tsi̍t kiāⁿ tōa hí-sū--ah!
In-ūi góa tī 30 hòe tsìn-tsêng ta̍t-sêng góa jîn-sing ê sim-goān tsi it. Ū-kàu thiòng, góa kā ha̍k-sing tsèng-bêng lāu-su bô teh nńg--ê! Góa ē koh kè-sio̍k siá-tshut tsiok tsē Tâi-bûn, lâi thn̂g-thòaⁿ Bú-gí!
漢羅版 若是講著成大台語認證，我就想著準備 ê 過程 kap 酸甘苦甜。 Sī-án-tsóaⁿ kóng--neh? 因為當初 teh 學台語羅馬字，我 ê 老師 kā 我講我 ê 程度有機會考過，害我歡喜ka̍h! 結果第一改考出來無過，對家己是足失望--ê。
M̄-koh 老師鼓勵我繼續piàⁿ--lòe。總算第2 冬ê時hō͘ 我考過中高級，koh 去屏東考支援教師，實在不只仔 khí-mo͘-giang。
做2、3 冬 ê 台語老師了，我koh 繼續piàⁿ 成大認證，目標是考著高級，sui-bóng 我第2 改tsiah 考--著， m̄-koh 對我來講是tsi̍t 件大喜事--ah!
因為我tī 30 歲進前程達成我人生ê 心願之一。有夠 thiòng，我kā 學生證明老師無 bô teh nńg--ê! 我會koh 繼續寫出 tsiok tsē 台文，來 thn̂g-thòaⁿ 母語!
