《用咱ê話唸Ιn ê詩》

 | | | 轉寄

踏話頭/Ta̍h-ōe-thâu

作者 陳蘼 2019.02.24

Ta̍h-ōe-thâu：
Góa sī Tâi-lâm gín-á, sè-hàn kah a-má kóng Tâi-gí, siū Tiong-hua-bîn-kok kàu-io̍k liáu, hiám-á bē-kì-tit ka-kī ê bó-gí. Ka-tsài tī Lí Κang Κhioh Tâi-gí Bûn-kàu Ki-kim-hōe ê Tâi-gí pan koh kah tsi̍t-tīn ūi bó-gí phah-piàⁿ tsáu-tsông ê iú-tsì tsò-hóe kā bó-gí khioh tńg-.lâi. 　

Tùi pêng-iú hia tsai-iáⁿ ū tsi̍t tīn Tâi-ôan lâng iōng Jı̍t-gí siá ê bûn-ha̍k tsok-phín hō͘ ROC Bûn-hòa pō͘ huan-e̍k tsò Hôa-gí lâi tshut-pán, góa sim-lāi kám-kak tsin hi-bî; bē-sái kan-taⁿ ū Hôa-gí huan-e̍k, ing-kai iōng Tâi-gí tsiah tio̍h, tsiū ka-kī ka huan-e̍k khòaⁿ māi. 　

Tùi góa lâi kóng, gí-giân sī sing-o̍ah ê bûn-hòa, bûn-ha̍k to̍h sī bûn-hòa ê gí-giân. Bó-gí m̄-nā sī sing-o̍ah-.ê, mā-sī bûn-hòa-.ê. Ǹg-bāng lán tsò-tīn tsioh Lîm Siu-jī ê si, lâi se̍k-sāi hit-tang-tsūn ê bûn-hòa, mā ē-sái koh khah se̍k-sāi lán Tâi-gí ê súi.

踏話頭：
我是台南gín-á，細漢kah阿媽講台語，受中華民國教育了，hiám-á bē記得家己ê母語。佳哉tī李江却台語文教基金會ê台語班koh kah一陣為母語phah拚走tsông ê有志做伙kā母語拾tńg來。　

Tùi朋友hia知影有一陣台灣人用日語寫ê文學作品hō͘ ROC文化部翻譯做華語來出版，我心內感覺真稀微，bē-sái kan-taⁿ有華語翻譯，應該用台語tsiah tio̍h，就家己ka翻譯看māi。　
對我來講，語言是生活ê文化，文學to̍h是文化ê語言。母語m̄-nā是生活ê，mā是文化ê。Ǹg望咱做陣借林修二ê詩，來熟sāi hit-tang-tsūn ê文化，mā ē-sái koh khah熟sāi咱台語ê súi。


踏 話 頭(ta̍h-uē-thâu)：
我(guá)是(sī)台南(tâi-lâm)gín-á，細漢(sè-hàn)kah阿媽(a-má)講(kóng)台語(tâi-gí)，受(siū)中 華 民 國(tiong-huâ bîn-kok)教 育(kàu-io̍k)了(liáu)，hiám-á bē記得(kì-tit)家己(ka-kī)ê母語(bó-gí)。佳 哉(ka-tsài)tī李(lí)江(kang)卻(khioh)台語(tâi-gí) 文 教(bûn-kàu)基金 會(ki-kim-huē)ê台語(tâi-gí)班(pan)koh kah一 陣(tsi̍t-tīn)為(uī)母語(bó-gí)phah拚(piàⁿ)走(tsáu)tsông ê有志(iú-tsì)做 伙(tsò-hué)kā母語(bó-gí)拾(khioh)tńg來(lâi)。　

Tùi朋 友(pîng-iú)hia知 影(tsai-iáⁿ)有(ū)一 陣(tsi̍t-tīn)台 灣(tâi-uân)人(lâng)用(īng)日語(ji̍t-gí)寫(siá)ê文 學(bûn-ha̍k)作 品(tsok-phín)hō͘ ROC文 化(bûn-huà)部(pō͘)翻 譯(huan-i̍k)做(tsò)華語(huâ-gí)來(lâi)出 版(tshut-pán)，我(guá)心 內(sim-lāi)感 覺(kám-kak)真(tsin)稀微(hi-bî)，bē-sái kan-taⁿ有(ū)華語(huâ-gí)翻 譯(huan-i̍k)，應 該(ing-kai)用(īng)台語(tâi-gí)tsiah tio̍h，就(tsiū)家己(ka-kī)ka翻 譯(huan-i̍k)看(khuàⁿ)māi。　

對(tuì)我(guá)來(lâi)講(kóng)，語 言(gí-giân)是(sī)生 活(sing-ua̍h)ê文 化(bûn-huà)，文 學(bûn-ha̍k)to̍h是(sī)文 化(bûn-huà)ê語 言(gí-giân)。母語(bó-gí)m̄-nā是(sī)生 活(sing-ua̍h)ê，mā是(sī)文 化(bûn-huà)ê。Ǹg望(bāng)咱(lán)做 陣(tsò-tīn)借(tsioh)林(lîm)修(siu)二(jī)ê詩(si)，來(lâi)熟(si̍k)sāi hit-tang-tsūn ê文 化(bûn-huà)，mā ē-sái koh khah熟(si̍k)sāi咱(lán)台語(tâi-gí)ê súi。