《寧毀不銹─馬偕e5故事》

 | | | 轉寄

回首來時路

作者 曹永洋 2009.06.21

泰戈爾有tsi̍t句話值得hō͘人思考：「真理是tuì 錯誤ê縫內底漏洩..出來..e。」


聽講史懷哲bat hō͘無知ê非洲病患氣kah tshìng煙，有tsi̍t-pái擋buē-tiâu起性地kā聽診器丟tī土腳，kám講偉人就無情感?tsit種ê史懷哲 kám無koh-khah親近真實？馬偕ê門徒吳寬裕，聽tio̍h恩師馬偕行完57歲ê俗世旅程，1901年6月初2 hit工，伊寫..落來tsit篇頌詩，全文真情流露，lóng無虛情假意， ē-tàng講是馬偕it生樸實動人ê寫照。


追念恩師偕叡理（用河洛話讀） 門徒：吳寬裕


一、第it翰才偕叡理 初學土音白話字 新舊聖經lóng總會 教人天理識天父


二、開析道理意思深 男女明白感激心 聲音高低行照甲 舉手合音手the̍h踏


三、吟詩歡喜合手拍 所傳迫切盡力搭 講起悽慘面青紅 用主模樣勉勵人


四、有時威嚴ài利益 Hō͘人關心學道德 常常苦勸兼責備 盡情安慰賢教示


五、天將夫子為木擇 Hō͘人心門知降服 初來到taⁿ 30年 報人道理無歇時


六、外貌顯出好情意 歡喜做主ê tāi-tsì情 親像保羅我深知 是ài學生重頭生


七、平生為人心4正 教會世俗人人敬 耶穌道理其務傳 無靠勢頭來用權


八、公道憐憫款待人 所行仁愛kap主同 交陪朋友內外好 忠信和平thang o-ló


九、o-ló先生偕歡理 克已待人若家己 盡力干證愛救主 伊khiā世間目瞬久


十、割屍兼醫其貫中 天文地tshap曉算 這是真正大知識 已經升天今明白



十一、嗚呼哀哉盡忠死 死忽然同伴今分離 實在是咱無福氣 無koh再得tio̍h伊教示


十二、先生享壽50外 道理名聲不止闊 今作幾句知心詩 時時想tio̍h紀念伊


世間siong無數ê凡夫俗子，lóng是仝款照tio̍h破病老死ê過程行向人生ê終點，了後kap草木仝款爛去。


只有tsió數人因為in ê志業kap精神，思想層面投下ê影響，ē-tàng超越肉體ê腐朽，tī死亡ê起點開始重生，馬偕應該是屬tī tsit類少數ê人傑。 無論khǹg tī屬靈ê神工、宣教師、教育家kap醫療ê奠基kap開拓頂面來講，伊lóng buē消逝。


Tsit-ê 10歲tī加拿大聽tio̍h英國宣教師賓威廉ê演講，就tī心肝底播下日後beh到海外從事宣教工作，kui世人忠誠事主ê少年，果然 tsi̍t步tsi̍t步實現家己ê許諾，tī台灣留..落..來hō͘人永遠感念ê志業。


1百2十guā年前，坐船來東方福爾摩沙ê青年，伊所承受ê試煉，相信任 何tsi̍t-ê文字工作者，m̄管án-tsuaⁿ用心mā真pháiⁿ寫出馬偕心路歷程ê萬分之it。


好佳哉實踐者ê行為，並無需要文字來sî-á-geh，mā m̄免用有形ê碑文去表現，我想koh-khah àn怎to無比卜約翰福音12章24節ê經文koh-khah hō͘人感動ê啟示：

「一粒麥子，若無落tī土nih死去，iáu是一粒，若是死..去，就結出真tsē粒來。」


馬偕博士留..落..來ê種籽，早to̍h開花結果，我知影撰寫tsit本傳記，m̄是beh頌揚伊，因為伊是神ê好僕人，伊m̄免由我來頌揚，我ê文字mā buē-tàng為伊增加tsi̍t分光榮。


我kan-ta想beh hō͘生活tī tsit-ê塊土地ê人，知影有tsi̍t-ê人，遠tuì加拿大牛津郡左拉村飄洋過海，tī淡水住..落..來，用30年精壯ê歲月，付出伊ê汗水，kā「信、望、愛」做活活ê印證。


馬偕是神ê好僕人，我記錄ê無夠伊所做ê萬分之it，伊當年tī台灣各種庄頭播下屬靈ê種子，百guā年了後已經開花結果。


馬偕博士tī地上ê日子，無到60年，tī台灣工作ê時光，扣除2-pái 回鄉ê日子mā無到30年，m̄-koh伊留..落..來ê志業kap影響suah真遠。


德蕾莎修女講：「愛ê相對m̄是恨，是冷漠。」教宗若望保祿jī世指出:「無愛，人bē-tàng生活，伊會成做tsi̍t-ê無瞭解家己ê人。」


[箴言]4章23節有講：「i̍t生ê呆效，是由心發出。」當it切long平靜..落..來，無邊ê沈默照tī馬偕墓園ê時 tsūn，tsit位上帝ê忠僕，已經用伊豐富ê生命，透過實踐詮釋信、望、愛ê真諦。伊安息tī淡水ê馬偕墓園。Tsia是伊熟識ê詩美 麗ê家鄉，由墓園來到淡中校門前ê真理街，ē-tàng遠眺秀麗ê觀音山，日頭爬..起..來、日頭落山ê淡江、山麓ê農家，浪濤沖洗過 ê繫船場‥‥。