《台語kah魔術》

 | | | 轉寄

偉大的女性

作者 蘇晏德 2015.06.21

Uí-tāi ê lú-sèng
Lí sī góa ê thiⁿ. jia-khàm góa. ê tsi̍t-phiàn thiⁿ
Lí sī góa ê hûn. jia-tsa̍h góa. ê tsi̍t-phìⁿ hûn
Lí sī góa ê hái. ûi-lûi góa. ê tsi̍t-phiàn hái
Lí sī góa ê tshiûⁿ. phik-kok góa. ê tsi̍t-phìⁿ tshiûⁿ

Lí jia-khàm góa. thiⁿ pang--lo̍h-lâi. lí pang góa thèⁿ-tiâu
--leh
Lí jia-tsa̍h góa. hûn sòaⁿ--khì. lí pang góa jia-tiâu--leh
Lí ûi-lûi góa. hái tiòng--khí-lâi. lí pang góa tòng-tiâu--
leh
Lí phik-kok góa. tshiûⁿ tó--lo̍h-khì. lí pang góa kēng-tiâu--
leh

Lí tī gōa-kháu piān ki-su̍t (mô͘-su̍t). góa pang lí hōaⁿ-ke
Góa pàng lí tī gōa-kháu tsū-iû tsū-tsāi ê pue. góa ē thè lí
kî-tó
Góa pàng lí tī gōa-kháu tsū-iû tsū-tsāi ê pue. hō͘ lí bô-
hoân-bô-ló
Lí kóng：góa siáⁿ-mi̍h lóng bē-hiáu！Góa ē-hiáu pang lí hōaⁿ-
ke

Lí tī gōa-kháu kà Tâi-gí-bûn. góa pang lí hōaⁿ-ke
Góa pang lí iúⁿ-tshī nn̄g-ê tsin gâu kóng Tâi-gí ê Tâi-gí-
kiáⁿ
Góa pang lí iúⁿ-tshī nn̄g-ê ē-hiáu iōng Lô-má-jī siá Tâi-bûn
ê Tâi-bûn-kiáⁿ
Lí kóng：góa siáⁿ-mi̍h lóng bē-hiáu！Góa ē-hiáu pang lí hōaⁿ-
ke