《台語kah魔術》

 | | | 轉寄

螺絲王國~路竹

作者 蘇晏德 2016.01.31

螺絲王國~路竹(台語文)

路竹在地ê鄉親有真濟人毋知,路竹有一項世界第一~螺絲,路竹ê螺絲出口是全世界
佔有率第一,路竹是名符其實ê螺絲王國,你毋thang看袂起細細ê一粒螺絲m̄管是你
手--nih所攑 ê手機á,抑是佇天頂飛ê飛lêng機lóng需要螺絲,全國螺絲生產量上
大ê所在著是佇路竹,路竹所生產ê螺絲著佔總出口量ê一半,而且外銷到140 kúi-ê
國家,會得通講：有人ê所在著有路竹ê螺絲,路竹ê螺絲毋但產量濟,品質嘛是世界第
一,在地螺絲工場ê頭家講：台灣本身所做ê品質ē-tàng kah世界各國pí-phēng,
路竹生產螺絲ê時間已經將近60年,螺絲品質會受著世界肯定,除了路竹鄉親本身拍
拚以外,上重要是因為路竹有利便ê交通,而且離鋼鐵ê大本營中鋼無遠,所以tsiah
會變成螺絲工場設廠ê地點,因為路竹有2 ê交流道beh運送真方便,按呢路竹著形成
一ê螺絲窟,螺絲工場ê模á好.線材好.技術好,所以路竹ê螺絲佔有率是全世界第一
名,細漢ê時若佇路竹ê郊外聽著 khin-khin-khiang-khiang ê聲音感覺真吵.
嘛感覺真趣味,因為這種聲音著是路竹土地ê聲sàu,這是路竹在地ê文化,嘛是路竹ê
特產,螺絲對路竹ê經濟有真大ê幫贊,你若佇路竹聽著khin-khin-khiang-
khiang ê聲音毋免大驚小怪,過去路竹上興ê時陣大大細細有kúi若百間工場佇
tsia設廠,著因為按呢路竹ê螺絲董--ê特別濟,蘇董--ê.王董--ê.林董--ê.一大
堆,大工場共小工場ê螺絲包--起來行銷到全世界,上.中.下游做伙拍拚,想袂到一支
細細ê螺絲替路竹替台灣佇世界ê舞台頂拚出好名聲,這種khin-khin khiang-
khiang ê機hâi聲,著是路竹tsit-phiàn土地在地ê聲sàu。