《台語kah魔術》

 | | | 轉寄

0508~14阿母ê愛

作者 蘇晏德 2023.05.07

阿母的愛(台語文)

阿母的愛上蓋媠 A-bú ê ài siōng-kài súi
親像春天的花蕊 Tshin-tshiūⁿ tshun-thiⁿ ê hue-lúi
阿母點滴的恩惠 A-bú tiám-tih ê un-hūi
親像甘甜的露水 Tshin-tshiūⁿ kam-tiⁿ ê lō͘-tsúi

阿母無私閣慷慨 A-bú bô-su koh khóng-khài
親像月娘遐可愛 Tshin-tshiūⁿ gue̍h-niû hia khó-ài
阿母對人好款待 A-bú tùi-lâng hó khoán-thāi
親像良善的天使 tshin-tshiūⁿ liông-siān ê thiⁿ-sài

阿母貼心閣溫暖 A-bú tah-sim koh un-loán
予阮全家足安全 Hō͘ goán tsoân-ke tsiok an-tsoân
阿母辛苦無埋怨 A-bú sin-khó͘ bô bâi-oàn
予阮感覺無平凡 Hō͘ goán kám-kak bô pêng-hoân

阿母笑容像春風 A-bú tshiò-iông tshiūⁿ tshun-hong
予阮事事攏亨通 Hō͘ goán sū-sū lóng hing-thong
阿母個性真開朗 A-bú kò-sèng tsin khai-lóng
予阮精神足清爽 Hō͘ goán tsing-sîn tsiok tshing-sóng