《台語kah魔術》

 | | | 轉寄

情人節0707

作者 蘇晏德 2023.08.20

情人節(台語文)
Tsêng-jîn-tseh

七月初七情人節
Tshit-gue̍h tshe-tshit Tsêng-jîn-tseh
甜言蜜語有夠濟
Tiⁿ-giân-bi̍t-gí ū-kàu tsē
情話綿綿講規瞑
Tsêng-ōe mî-mî kóng kui-mê
今生只愛你一个
Kim-sing tsí ài lí tsi̍t-ê

七月初七的暗暝
Tshit-gue̍h tshe-tshit ê àm-mî
攑頭仰望看天星
Gia̍h-thâu gióng-bōng khòaⁿ thiⁿ-tshiⁿ
恩愛情人譜情詩
Un-ài tsêng-jîn phó͘ tsêng-si
孤單男女心稀微
Ko͘-tuaⁿ lâm-lú sim hi-bî

七月初七來約會
Tshit-gue̍h tshe-tshit lâi iok-hōe
雙人牽手行做伙
Siang-lâng khan-tshiú kiâⁿ tsò-hóe
糖甘蜜甜訴情話
Thn̂g-kam bi̍t-tiⁿ sò͘ tsêng-ōe
男女相約來賞花
Lâm-lú siong-iok lâi siúⁿ-hue

七月初七會情人
Tshit-gue̍h tshe-tshit hōe tsêng-jîn
期待促成好婚姻
Kî-thāi tshiok-sêng hó hun-in
山盟海誓愛守信
San-bêng hái-sè ài siú-sìn
共渡良宵好落眠
Kiōng-tō͘ liông-siau hó lo̍h-bîn