《台語kah魔術》

 | | | 轉寄

0512護士節

作者 蘇晏德 2023.05.07

護士節(台語文) Hō͘-su-tseh

五月十二護士節 Gō͘-gue̍h tsa̍p-jī Hō͘-su-tseh
護士精神傳國際 Hō͘-su tsing-sîn thoân kok-tsè
照顧患者的身體 Tsiàu-kò͘ hoān-tsiá ê sin-thé
安慰病人愛鼓勵 An-ùi pēⁿ-lâng ài kó͘-lē

護理工課足辛苦 Hō͘-lí khang-khòe tsiok sin-khó͘
患者需要伊照顧 Hoān-tsiá su-iàu i tsiàu-kò͘
處事冷靜袂糊塗 Tshú-sū léng-tsing bē hô͘-tô͘
食苦當做是食補 Tsia̍h-khó͘ tòng-tsò sī tsia̍h-pó͘

醫療助理靠護士 I-liâu tsō͘-lí khò hō͘-sū
為著病患來服務 Ūi-tio̍h pēⁿ-hoān lâi ho̍k-bū
護士工課真特殊 Hō͘-sū khang-khòe tsin te̍k-sû
犧牲奉獻閣無私 Hi-sing hōng-hiàn koh bô-su

護理人員真拍拚 Hō͘-lí jîn-oân tsin phah-piàⁿ
關心患者的病痛 Kuan-sim hoān-tsiá ê pēⁿ-thiàⁿ
保全寶貴的性命 Pó-tsoân pó-kùi ê sèⁿ-miā
阮欲共你說多謝 Goán beh kā lí seh to-siā