《台灣人e5先覺─黃彰輝傳》

 | | | 轉寄

編後語

作者 張瑞雄 2009.06.07

讀了黃彰輝牧師ê《回憶kap回顧錄》，深感伊對台灣鄉土愛ê真摯kap台灣人ê信心ê深切，koh-khah湧起對恩師ê愛慕kap尊敬。同時，mā倍感有關伊生平kap信念ê記錄異常短缺，tuì án-ne決心先tī日本開始收集伊ê有關資料。He是一九八八年，我駐日宣教師ê任期幾近結束。回顧過去六年，一方面時間流逝快速，另外一方面自愧文才泛泛，suah致使bē-tàng寫出內容充實ê作品。現今終於ē-tàng kā《黃彰輝傳》完成問世．而欣喜心跳。

筆者薄藝泛才，流浪海外四十guā年，敢以生疏ê中文執筆，實有期待朋友ê協助。Tī收集資料編冊ê過程當中，bē少朋友貢獻了寶貴ê時間kap才華。為tio̍h求文章達意kap記述ê正確，勞煩了蔣中山、陳寬墀、張村樑、王愛蘭、魏瑞明、黃俊德等諸位ê閱讀kap指正。另外台中一中同學賴柏峰先生數次校讀原稿，又koh hō͘我用字上ê修正、建議。

本冊ê特色是內含真tsē相片kap史料。起初是東京大學YMCA學生宿舍總幹事德久俊彥先生，查出1934年代ê寮生「日誌－早拜記錄」，隨後koh tshuē tio̍h黃彰輝牧師tuà寮時ê同學三輪和敏先生，意外ê伊提供了十guā張相片。Tī台灣，起先遇tio̍h黃能傑牧師僅存ê kiáⁿ兒黃祺昌先生ang-á-bó͘，經由in得tio̍h黃能傑牧師晚年kap黃彰輝牧師幼年時代ê相片。其次，黃彰輝牧師ê堂弟黃懷義先生提供了黃彰輝牧師留英前ê一kuá珍貴相片。Tī日本ê韓裔畫家金斗鉉先生惠予兩張畫，其他貢獻者iáu有黃澄輝先生、高俊明牧師kap張千惠女士。黃彰輝牧師五弟黃澄輝先生特別惠予校閱全傳原稿，又koh核對冊內史料惠予修正kap建言。

為tio̍h beh讀英格蘭長老教會海外宣道史料，筆者bat前往倫敦大學亞非語言歷史研究所研究兩pái。意外發現四百六十guā件有關黃彰輝牧師ê寶貴資料。為tio̍h得tio̍h全部資料，只好委託該院製作顯微膠片，koh由軟體技術資料公司製成光牒，tsiah ē-táng tī厝詳讀全部資料。製片所需費用，幸得周宏毅牧師kap東灣台灣基督教會ê資助。有關電腦ê使用技術mā得tio̍h東灣台灣教會張漢廷先生協助。本傳記原稿大多數是由姪女梁麗芳小姐phah字。Koh每pái為傳記工作到台灣，lóng承陳寬墀先生安排tuà宿。其他真tsē朋友ê協助kap支持，并此由衷感謝。

最後感謝望春風出版社承擔出版ê安排kap作業。