《巴克禮普世版聖經（試讀本）》

 | | | 轉寄

巴克禮普世版（試讀本）_馬太福音第一章

作者 巴克禮普世版小組 2011.03.27

1) Tse sī Iâ-so͘ Ki-tok ê ka-phó͘, Iâ-so͘ sī Tāi-pi̍t ê kiáⁿ-sun, Tāi-pit sī A-pik-la̍h-hán ê kiáⁿ-sun,.
2) A-pik-la̍h-hán seⁿ Í-sat; Í-sat seⁿ Ngá-kok; Ngá-kok seⁿ Iû-tāi kap i ê hiaⁿ-tī;
3) Iû-tāi tuì Tāi-má seⁿ Huat-li̍k-sū kap Sat-la̍h; Huat-li̍k-sū seⁿ Í-sū-lûn; Í-sū-lûn seⁿ A-lân;
4) A-lân seⁿ A-bí-ná-ta̍t; A-bí-ná-ta̍t seⁿ Ná-sūn; Ná-sūn seⁿ Sat-bûn;
5) Sat-bûn tuì Lat-ha̍p seⁿ Pho-sū; Pho-sū tuì Lō͘-tik seⁿ O-pik; O-pik seⁿ Iâ-se;
6) Iâ-se seⁿ Tāi-pi̍t ông.
7) Tāi-pi̍t tuì O͘-lī-a ê bó͘ seⁿ Só͘-lô-bûn; Só͘-lô-bûn seⁿ Lô-pho-àm; Lô-pho-àm seⁿ A-pí-a; A-pí-a seⁿ A-sat
8) A-sat seⁿ Iok-sa-huat; Iok-sa-huat seⁿ Iok-lân; Iok-lân seⁿ O͘-se-a;
9) O͘-se-a seⁿ Iok-tàn;Iok-tàn seⁿ A-hap-sū; A-hap-sū seⁿ Hi-se-ka;
10) Hi-se-ka seⁿ Má-ná-se; Má-ná-se seⁿ A-bûn; A-bûn seⁿ Iok-se-a;
11) Í-sik-lia̍t jîn-bîn hō͘ lâng lia̍h kàu Pa-pí-lûn ê sî, Iok-se-a seⁿ Iâ-ko-nî-a kap i ê hiaⁿ-tī.
12) Í-sik-lia̍t jîn-bîn hō͘ lâng lia̍h kàu Pa-pí-lûn liáu-āu, Iâ-ko-nî-a seⁿ Sat-lia̍p-thiat; Sat-lia̍p-thiat seⁿ Só͘-lô-pá-pik;
13) Só͘-lô-pá-pik seⁿ A-pí-ut; A-pí-ut seⁿ Í-lī-a-kim; Í-lī-a-kim seⁿ A-só͘;
14) A-só͘ seⁿ Sat-to̍k; Sat-to̍k seⁿ A-kim; A-kim seⁿ Í-lu̍t;
15) Í-lu̍t seⁿ Í-lī-a-sat; Í-lī-a-sat seⁿ Má-tàn; Má-tàn seⁿ Ngá-kok;
16) Ngá-kok seⁿ Má-lī-a ê tiōng-hu Iok-sik; hō͘ lâng tshing tsò Ki-tok ê Iâ-so͘, sī tuì tsit ê Má-lī-a seⁿ ê.
17) Án-ne tuì A-pik-la̍h-hán kàu Tāi-pi̍t, kiōng tsa̍p-sì tāi; tuì Tāi-pi̍t kàu Í-sik-lia̍t jîn-bīn hō͘ lâng lia̍h khì Pa-pí-lûn ia̍h ū tsa̍p-sì tāi; tuì Í-sik-lia̍t jîn-bīn hō͘ lâng lia̍h khì Pa-pí-lûn kàu Ki-tok ê tàn-sing, iā ū tsa̍p-sì tāi.
18) Iâ-so͘ Ki-tok ê tshut-sì, kì tī ē-té: I ê lāu-bú Má-lī-a í-king kap Iok-sik tīng-hun, iáu-bē kiat-hun, tsiū tuì Sìng Lîng lâi huâi-īn.
19) I ê tiōng-hu Iok-sik sī Siōng-tè kah-ì ê gī-lâng, bô ài kong-khai kō͘ i kiane-siàu, siūⁿ bueh thau-thau-á kái-tû hun-iok.
20) Tng teh siūⁿ ê sî, ū Tsú ê thiⁿ-sài tī i ê bîn-bāng-tiong tshut-hiān kóng, Tāi-pi̍t ê kiáⁿ-sun, Iok-sik à, m̄-bián kiaⁿ, tio̍h tshuā lí ê bó͘ Má-lī-a kè-mn̂g; in-uī i só͘ huâi-īn ê sī tuì Sìng Lîng lâi ê.
21) I bueh seⁿ kiáⁿ, lí tio̍h kā I hō-miâ kiò-tsò Iâ-so͘; in-uī I bueh kiù I e tsú-bîn thuat-tshut in ê tsuē-ok.
22) Tsit ê tāi-tsì ê huat-sing, sī bueh ìng-giām Tsú thok sian-ti só͘ kóng ê uē, kóng,
23) Lí khuàⁿ, tsāi-sik-lú bueh huâi-īn seⁿ kiáⁿ; Lâng bueh kiò I ê miâ tsò Í-má-luē-lī;huan-i̍k tsiū-sī Siōng-tsú kap lán tông-tsāi.
24) Iok-sik tshéⁿ khí-lâi liáu-āu, tsiū tsiàu Tsú ê thiⁿ-sài só͘ bīng-līng ê khì tshuā Má-lī-a lâi tsò bó͘;
25) tān-sī tsit-ê eⁿ-á tshut-sì í-tsîng bô kap i tâng-pâng. Eⁿ-á tshut-sì, Iok-sik tsiū kā I hō miâ kiò-tsò Iâ-so͘.