《台語chit條路》

 | | | 轉寄

《台語tsit條路》--建立台語文ê文學批評─林央敏訪問(十一）

作者 謝瑞華 2008.12.28

黃春明he是中文lah！

江：你頭＝a開始有講著mài潑冷水，我sīng至對用he足 tsē我根本m̄ bat ê漢字ê人基本上koh會凍忍一下，但是你講像宜蘭縣黃春明he

林：伊hit種＝ēm是teh推廣台文lah！伊he是口頭上ê推廣niâ。

江：所以你ê意思是像黃春明推廣ê方式是m̄？

林：伊hit種＝e愛批判，伊ê是中文lah！潑冷水kap批判無仝，批判是真理上ê爭論，伊he是錯誤，台語文除了tsit-ê音tsit-ê話以外符號應該是台文，音kap字結合做伙，愛用台語讀tsiah會通。黃春明he m̄是lah！讀ê時tsūn先經過翻譯ê過程，tsiah用台語iah是台語音唸出來，tse m̄是台語文。伊he課本用台語讀buē通，tse著愈m̄著＝a。

散文是尚基本ê物件

言：老師你tī寫以前kám有看過別人寫ê台文作品？

林：真少lah！看過一sut仔，我認為歌詞mā是台文作品，hit tsūn台文作品tsiok少，除了民間文學以外，作家寫出來ê作品iahtsiok少＝e，所以進步真慢。我tsit-má對台文ê散文khah重視，詩khah少寫，目前是khah tsē人寫以外，散文tsiok少人寫，我想散文不管寫了suí、寫了bái，尚少伊道是基本ê物件，beh kā發展，beh用台文來寫論文、科學性、文學性、報導性＝e也好，散文愛kā建立起來，所以我個人認為現階段台文散文創作khah重要。所以我目前用台文寫ê物件，大部分是散文。

言：老師你tse beh做華語ê對照，iah是按怎？

林：無lah！無對照，若有對照he無beh合做一本，特加是有幾篇仔uan-ná翻做華語發表＝e，無的確若有機會出冊，我會註明tī toh一本冊會凍tshuē著中譯本，原本是台文。像我最近tī聯合報、中國時報發表＝e是我幾年前寫ê台文作品，hit tsūn台文iah無發表過，tsit-má若叫我寫我絕對無hit ê閒工，he是最近teh整理ê時tsūn，想講：有ê所在用電腦改改leh tsiok緊＝e、tsiok方便＝e，我道翻做中文發表。若講有出冊特加是按呢，以台文為主。

言：像老師頂kái出【駛向台灣の航路】道有人問講，tsit-má台語kap華語攏寫，著無，對伊來講看華文著好，按呢道失去效果。

林：可能會按呢，我會按呢編主要是講，伊若台文接觸少，tī台文beh直接吸收tsit-ê文學，欣賞khah無ê時tsūn，伊會凍方便uì邊＝a來看。我ê本意是按呢，你講ê現像事實是會造成，tse道變做本意khah無達成，但是算做伊beh我ê詩ê人，伊m̄是愛台文＝e，伊道看中文。興趣台文ê人自然會讀台文，若有lio̍h-lio̍h仔無理解，會凍看邊＝a，iah是按怎。所以我後手著無愛對照，sīng至譬如講tsit本散文算做有二十篇，hit五篇至十篇來kā錄做錄音帶，我家治來讀幾篇，koh請幾ê人，一人讀一篇。