《押韻啟應詩篇》

 | | | 轉寄

台語押韻啟應詩篇 29

作者 Tīⁿ Jî-gio̍k 2006.07.23

Tāi-pi̍t ê si.

1a　Tuā kuân-lîng--ê ê kiáⁿ ah ,
　　大　權　能　者 的 子　啊，
　　lín tio̍h tsiong îng-kng khuì-lat, kui hō͘ Iâ-hô-hua,
　　恁　著　將　榮　光　氣　力，歸　給　耶 和 華，
1b　　　Kui hō͘ Iâ-hô-hua.
　　　　歸　給　耶 和 華。


2a　Tio̍h tsiong Iâ-hô-hua ê miâ só͘ ing-kai tit-tio̍h ê îng-kng,
　　著　將　耶 和 華　的 名　所　應　該　得 著　的 榮　光，
　　kui hō͘ I bô suah.
　　歸　給 祂 無　息。
2b　　　Īng sìng-kiat ê tsng-thāⁿ kìng-pài Iâ-hô-hua.
　　　　用　聖　潔　的 裝　飾　敬　拜　耶 和 華。


3a　Iâ-hô-hua ê siaⁿ tī tsuí-bīn; îng-kng ê Siōng-tè khí luî tī tuē-bīn.
　　耶 和 華 的 聲在 水 面；榮 光 的 上 帝 起 雷 在 地 面。
3b　　　Iâ-hô-hua tī tsuē-tsuē tsuí ê tíng-bīn.
　　　　耶 和 華 在 多 多 水 的 頂 面。


4a　Iâ-hô-hua ê siaⁿ ū tuā khuì-la̍t ê lāi-kiàm,
　　耶 和 華 的 聲 有 大 氣 力 的 利 劍，
4b　　　Iâ-hô-hua ê siaⁿ muá-muá ui-giâm.
　　　　耶 和 華 的 聲 滿 滿 威 嚴。


5a　Iâ-hô-hua ê siaⁿ phah-tsi̍h pik-hiuⁿ-tshiū,
　　耶 和 華 的 聲 打 折 柏 香 樹 ，
5b　　　Iâ-hô-hua phah-tshuì Lī-pa -lùn ê pik-hiuⁿ-tshiū.
　　　　耶 和 華 打 碎 利 巴 嫩 的 柏 香 樹 。


6a　I ia̍h hō͘ i tiô-thiàu tshin-tshiūⁿ gû -á tshut-siaⁿ,
　　祂 亦 給 它ｔｉｏ５跳 親 像 牛 仔 出 聲，
6b　　　Hō͘ Lī-pa-lùn kap Se-liân tiô-thiàu tshin-tshiūⁿ iá -gû ê kiáⁿ.
　　　　給 利 巴 嫩 和 西 連ｔｉｏ５跳 親 像 野 牛 的 子。


7a　Iâ-hô-hua ê siaⁿ hō͘ hé-iām pun-tshe tsiò-iáⁿ.
　　耶 和 華 的 聲 給 火 焰 分 叉 照 影。

8a　Iâ-hô-hua ê siaⁿ tín-tāng khòng-iá ;
　　耶 和 華 的 聲 震 動 曠 野；
8b　　　Iâ-hô-hua tín-tāng Ka-te-su ê khòng-iá .
　　　　耶 和 華 震 動 加 低 斯 的 曠 野。


9a　Iâ-hô-hua ê siaⁿ hō͘ lo̍k-bú kiaⁿ--tio̍h, lâi siⁿ-kiáⁿ,
　　耶 和 華 的 聲 給 鹿 母 驚 著， 來 生 子，
　　ia̍h hō͘ tshiū-nâ ê tshiū-hio̍h lak kng-kng tiāⁿ tiāⁿ;
　　亦 給 樹 林 的 樹 葉 落 光 光 定 定；
9b　　　Kìⁿ-nā tī tiān-lāi--ê lóng kóng, “ Îng-kng Tsú-miâ.”
　　　　凡 若 在 殿 內 的 都 說： 「榮 光 主 名。」


10a　Tuā-tsuí huàn-lām ê sî -kong ,
　　大 水 氾 濫 的 時 光，
10b　　　Iâ-hô-hua tsē-teh tsuè ông.
　　　　耶 和 華 坐 著 作 王。


10c　Iâ-hô-hua tsē-teh tsuè ông,
　　耶 和 華 坐 著 作 王，
10d　　　Ti̍t kàu íng-uán tī kiong-tshong.
　　　　直 到 永 遠 在 穹 蒼 。


11a　Iâ-hô-hua beh siúⁿ-sù khuì-la̍t hō͘ I ê peh-sìⁿ;
　　耶 和 華 要 賞 賜 氣 力 給 祂 的 百 姓；
11b　　　Iâ-hô-hua beh īng pîng-an sù-hok I ê peh-sìⁿ.
　　　　耶 和 華 要 用 平 安 賜 福 祂 的 百 姓。