《押韻啟應詩篇》

 | | | 轉寄

台語押韻啟應詩篇 38

作者 Tīⁿ Jî-gio̍k 2006.10.01

Tāi-pi̍t ê kì-liām-si.

1a　Iâ-hô-hua ah , kiû Lí m̄-thang tī siū-khì-tiong tsik-pī guá;
　　耶 和 華　啊，求　Ｌｉ２不 通　在　怒　氣　中　責 備　我；
1b　　　M̄-thang tī tuā siū-khì-tiong kíng-kài guá.
　　　　不 通　在 大　怒　氣　中　警　誡　我。


2a　In -uī Lí ê tsìⁿ siā guá ê sing-khu,
　　因 為　ＬＩ２ 的 箭　射　我　的 身　軀，
2b　　　Lí ê tshiú tāng-tāng tshi̍h guá kàu ku-ku .
　　　　Ｌｉ２的 手　重　重　壓　我　到　痀 痀。


3a　In -uī Lí ê siū-khì,
　　因 為 (fa50) 的 怒 氣，
3b　　　Guá ê bah bô tsi̍t-uī uân-tsuân;
　　　　我 的 肉 無 一 位 完 全；


3c　In -uī guá ê tsuē-gia̍t só͘ tì ,
　　因 為 我 的 罪 孽 所 致，
3d　　　Guá ê kut ia̍h bô pîng-an teh sng-suan.
　　　　我 的 骨 亦 無 平 安 在 酸 痠 。


4a　Guá ê tsuē-ok puâⁿ-kè guá ê thâu-khak,
　　我 的 罪 惡　Ｌｉ２ 過 我 的 頭 殼，
4b　　　Tshin-tshiūⁿ tāng-tàⁿ hō͘ guá taⁿ-buē-khí, kiông beh phak.
　　　　親 像 重 擔 使 我 擔 不 起， 強 要 仆。


5a　In -uī guá ê gû-gōng teh àu ,
　　因 為 我 的 愚 憨 在 臭，
5b　　　Guá ê siong, nuā koh tshàu.
　　　　我 的 傷 ， 爛 又 臭 。


6a　Guá thàng-thiàⁿ koh khiau-ku ,
　　我 疼 痛 又 曲 痀，
6b　　　Thong-ji̍t ai-siong kiû jîn-tsû.
　　　　通 日 哀 傷 求 仁 慈。


7a　In -uī guá muá-io sī hé-khuân,
　　因 為 我 滿 腰 是 火 環 ，
7b　　　Guá ê bah bô tsi̍t-uī uân-tsuân.
　　　　我 的 肉 無 一 位 完 全 。


8a　Guá siū phah-siong, tsin bô la̍t koh bô pîng-an,
　　我 受 打 傷 ， 真 無 力 又 不 平 安，
8b　　　In -uī guá ê sim put-an , tsiū tuā ai-tshan.
　　　　因 為 我 的 心 不 安，就 大 哀 顫。


9a　Tsú ah , guá ê sim-guān lóng tī Lí ê bīn-tsîng,
　　主 啊，我 的 心 願 攏 在Ｌｉ２的 面 前 ，
9b　　　Guá ê thó͘-khuì bô tuì Lí ún-muâ, sī án-ni teh piáu-bîng.
　　　　我 的 吐 氣 無 對　Ｌｉ２隱 瞞，是 按 呢 在 表 明。


10a　Guá ê sim pho̍k-pho̍k-tshíng, guá ê la̍t sue-bî ;
　　我 的 心 嚗 嚗 喘， 我 的 力 衰 微；
10b　　　Liân guá ba̍k-tsiu ê kng-bîng, ia̍h lī- khui guá sit-sī .
　　　　連 我 目 珠 的 光 明， 亦 離 開 我 失 視。


11a　Thiàⁿ guá ê lâng kap guá ê pîng-iú ,
　　愛 我 的 人 與 我 的 朋 友，
11b　　　In -uī guá ê pháiⁿ tsìng-thâu bīn iu ,
　　　　因 為 我 的 歹 症 頭 面 憂，


11c　In lóng siám tī piⁿ-á hia,
　　　伊 攏 閃 在 邊 仔 彼，
11d　　　Guá ê tshin-tshik ia̍h hn̄g-hn̄g teh khiā.
　　　　我 的 親 戚 亦 遠 遠 在 站。


12a　Hiah-ê siàu-siūⁿ guá ê sìⁿ-miā--ê , siat lô -bāng;
　　那 些 數 想 我 的 性 命 的，設 羅 網；
12b　　　Siūⁿ beh hāi guá--ê , kóng tshut ok-to̍k ê uē tshin-tshiūⁿ thâng;
　　　　想 要 害 我 的，講 出 惡 毒 的話 親 像 蟲；
　　　　Thong-ji̍t siūⁿ khuí-khiat ê kè-bô͘ teh siòng phāng.
　　　　通 日 想 詭 訐 的 計 謀 在 相 縫 。


13a　Tsóng-sī guá tshin-tshiūⁿ tshàu-hī-lâng--ê , bô thiaⁿ-kìⁿ siaⁿ-sueh,
　　總 是 我 親 像 臭 耳 人 的，無 聽 見 聲 息，
13b　　　Tshin-tshiūⁿ é -káu--ê , bô khui tshuì kóng uē .
　　　　親 像 啞 巴 的，無 開 嘴 講 話。


14a　Guá ia̍h tshin-tshiūⁿ bô thiaⁿ-kìⁿ ê lâng,
　　我 亦 親 像 無 聽 見 的 人，
14b　　　Tshuì bô ìn -tap ê lâng.
　　　　嘴 無 應 答 的 人。


15a　Iâ-hô-hua ah , guá thìng-hāu Lí bô suah,
　　耶 和 華 啊， 我 等 候　Ｌｉ２ 無 息，
15b　　　Tsú, guá ê Siōng-tè ah , Lí beh thiaⁿ guá.
　　　　主， 我 的 上 帝 啊，　Ｌｉ２要 聽 我。


16a　In -uī guá bat kóng khí,
　　因 為 我 曾 講 起，
16b　　　Kiaⁿ-liáu in tuì guá khua-kháu;
　　　　驚 了 伊 對 我 誇 口；


16c　Guá ê kha ta̍h-thu̍t ê sî ,
　　我 的 腳 踏 脫 的 時，
16d　　　Tuì guá in tsun-tuā ka-kī.
　　　　對 我 伊 尊 大 自 己。


17a　In-uī guá hiám-hiám pua̍h-tó pho̍k-pho̍k-tshíng,
　　因 為 我 險 險 跌 倒 嚗 嚗 喘 ，
17b　　　Guá ê iu- būn siông-siông tī guá ê bīn-tsîng.
　　　　我 的 憂 悶 常 常 在 我 的 面 前 。


18a　In -uī guá beh jīn guá ê tsuē-ok lâi thòng-hūn,
　　因 為 我 要 認 我 的 罪 惡 來 痛 恨，
18b　　　Koh uī -tio̍h guá ê tsuē lâi iu-būn.
　　　　又 為 著 我 的 罪 來 憂 悶。


19a　Tsóng-sī tuì-ti̍k guá--ê , iā ua̍h-tāng, ia̍h ióng-bíng;
　　總 是 對 敵 我 的，也 活 動 ， 亦 勇 猛；
19b　　　Bô lí -iû uàn-hūn guá-- ê , ke-thiⁿ ná tsuē ná kiông-sīng.
　　　　無 理 由 怨 恨 我 的, 加 添 愈 多 愈 強 盛。


20a　Īng pháiⁿ pò hó--ê , kap guá tsuè tuì-thâu;
　　用 歹 報 好 的，與 我 做 對 頭；
20b　　　In-uī guá sī tui-tshē hó--ê , tio̍h ài siám-tsáu.
　　　　因 為 我 是 追 尋 好 的，著 要 閃 走。


21a　Iâ-hô-hua ah , m̄-thang pàng-sak guá tsuè phah-sǹg,
　　耶 和 華 啊， 不 通 放 捨 我 做 打 算，
21b　　　Guá ê Siōng-tè ah , m̄-thang lī- khui guá hn̄g-hn̄g.
　　　　我 的 上 帝 啊，不 通 離 開 我 遠 遠。


22a　Tsú ah , tsín-kiù guá ê tsio̍h-puâⁿ,
　　主 啊， 拯 救 我 的 石 磐，
22b　　　Kiû Lí kín- kín pang-tsān guá.
　　　　求　Ｌｉ２ 緊　緊　幫　助　我。