《押韻啟應詩篇》

 | | | 轉寄

台語押韻啟應詩篇 76

作者 Tīⁿ Jî-gio̍k 2007.07.08

76　　A-sat ê si-kua, kau hō͘ Ga̍k-kuaⁿ; īng si-hiân ê ga̍k-khì.

1a　Tī Iû-tāi Siōng-tè hián-hiān I ka-kī hō͘ lâng tsai;
　　在 猶 大 上 帝 顯 現 祂 自 己 使 人 知；

1b　　　Tī Í -sik-lia̍t I ê miâ tsuè uí -tāi.
　　　　在 以 色 列 祂 的 名 做 偉 大。

2a　Tī Sat-líng ū I ê tiùⁿ-pâng khiā-tsāi,
　　在 撒 冷 有 祂 的 帳 房 khiā 在，

2b　　　Tī Sik-an ū I khiā-khí ê só͘-tsāi.
　　　　在 錫 安 有 祂 居 起 的 所 在。

3a　I tī hia at-tsi̍h king ê tsìⁿ,
　　祂 在 彼 遏 折 弓 的 箭，

3b　　　Kap tîn-pâi, to-kiàm, í -ki̍p kau-tsiàn ê ke -si .
　　　　與 盾 牌，刀 劍， 以 及 交 戰 的 机 俬。

4a　Lí tuì tshiúⁿ-mi̍h ê suaⁿ-tsē lâi ,
　　你 對 搶 物 的 山 寨 來，

4b　　　Ū îng-kng kap ui-giâm tè--lâi .
　　　　有 榮 光 與 威 嚴 跟 來。

5a　Sim ióng-kám ê lâng lóng siū tshiúⁿ-kiap;
　　心 勇 敢 的 人 攏 受 搶 劫；

5b　　　In khùn kú-kú ba̍k-tsiu iáu-kú siap-siap.
　　　　伊 睡 久 久 目 珠 尚 且 澀 澀。

5c　Ing-hiông ê lâng,
　　英 雄 的 人，

5d　　　Bô tsi̍t-ê uē tshut-tshiú lâi kiù-lâng.
　　　　無 一 個 會 出 手 來 救 人。

6a　Ngá-kok ê Siōng-tè ah, Lí ê tsik-pī tsi̍t-ē huat-tshut,
　　雅 各 的 上 帝 啊，你 的 責 備 一 下 發 出，

6b　　　Tshia, bé , lóng khùn tāng-bîn tsiū ta̍h-thu̍t.
　　　　車 ， 馬，攏 睡 重 眠 就 踏 脫。

7a　To̍k-to̍k Lí sī thang kiaⁿ ê Tsú lah;
　　獨 獨 你 是 通 驚 的 主 啦；

7b　　　Lí ê siū-khì tsi̍t-ē huat-tshut,
　　　　你 的 受 氣 一 下 發 出，
　　　　siáⁿ-lâng tī Lí ê bīn-tsîng khiā-uē-tiâu lah?
　　　　誰 人 在 你 的 面 前 立 會 稠 啦？

8a　Lí tuì thiⁿ--ni̍h hō͘ lâng thiaⁿ phuàⁿ-tuàn;
　　你 對 天 裡 使 人 聽 判 斷；

8b　　　Tuē tsiū kiaⁿ-hiâⁿ tsīng-tsīng m̄-káⁿ huán-luān;
　　　　地 就 驚 惶 靜 靜 不 敢 反 亂；

9a　Tsiū-sī Siōng-tè khí-lâi sím-phuàⁿ bān-pang,
　　就 是 上 帝 起 來 審 判 萬 邦，

9b　　　Beh kiù tuē-tsiūⁿ it-tshè khiam-pi ê lâng.
　　　　要 救 地 上 一 切 謙 卑 的 人。

10a　Liân lâng ê siū-khì, iā tio̍h ài o -ló Lí ,
　　　連 人 的 怒 氣，也 著 愛 讚 美 你，

10b　　　M̄-sī án-ni ê siū-khì, Lí beh kìm-tsí. 　　
　　　不是 按 呢 的怒 氣， 你 要 禁 止。

11a　Lín tio̍h tuì lín ê Siōng-tè Iâ-hô-hua hē-guān koh siā-guān;
　　　恁 著 對 恁 的 上 帝 耶 和 華 下 願 又 謝 願；

11b　　　Sì -uî ê lâng tio̍h tuà lé -mi̍h
　　　　　四 圍 的 人 著 帶 禮 物
　　　　hiàn hō͘ thang kìng-uì ê Tsú tsuè kuân.
　　　　　獻 給 通 敬 畏 的 主 做 高。

12a　I beh at-tsí kuì-tso̍k ê kiau-khì,
　　　祂要 遏 止 貴 族 的 驕 氣，

12b　　　 I hō͘ sè-tsiūⁿ ê lia̍t-ông kiaⁿ-uì tsáu--thè--khì.
　　　　　祂使 世 上 的 列 王 驚 畏 走 退 去。