《押韻啟應詩篇》

 | | | 轉寄

台語押韻啟應詩篇 88

作者 Tīⁿ Jî-gio̍k 2007.10.14

88　　Khó-la̍h hō͘-è ê si-kua , tsiū-sī Í-sū-la̍h-lâng Hi-bān kà-sī ê si ; kau hō͘ Ga̍k-kuaⁿ ;　tiāu , īng Mô͘-ha̍p-la̍h Lī-àm-ngô͘ .

1a　Iâ-hô-hua , kiù guá ê Siōng-tè ah ,
　　耶 和 華， 救 我 的 上 帝 啊，

1b　　　Guá mî-ji̍t tī Lí ê bīn-tsîng kiû-kiò lah,
　　　　我 暝 日 在 你 的 面 前 求 叫 啦，

2a　Guān guá ê kî -tó kàu Lí ê bīn-tsîng;
　　願 我 的 祈 禱 到 你 的 面 前 ；

2b　　　Kiû Lí àⁿ hī-khang thiaⁿ guá ê kiû-tsîng.
　　　　求 你 俯 耳 孔 聽 我 的 求 情 。

3a　In -uī guá ê sim muá-muá huān-lān,
　　因 為 我 的 心 滿 滿 患 難，

3b　　　Guá ê sìⁿ-miā kūn tī im-kan.
　　　　我 的 性 命 近 在 陰 間。

4a　Guá sǹg kap lo̍h-hia̍t ê lâng tâng-lia̍t tī thô͘-khang;
　　我 算 與 落 穴 的 人 同 列 在 土 孔 ；

4b　　　Iā tshin-tshiūⁿ bô tit-tio̍h pang-tsān ê lâng.
　　　　也 親 像 無 得 著 幫 助 的 人。

5a　Guá siū hiat-ka̍k kap sí-lâng tông-tsāi,
　　我 受 棄 擲 與 死 人 同 在，

5b　　　Tshin-tshiūⁿ siū-thâi ê lâng tó tī bōng-lāi;
　　　　親 像 受 殺　　的 人 倒 在 墓 內；

5c　In sī Lí bô koh kì--tit-- ê ,
　　伊 是 你 無 復 記 得 的，

5d　　　Tuì Lí ê tshiú keh-tn̄g--ê .　　
　　　　對 你 的 手 隔 斷 的。

6a　Lí hē guá tī ki̍k-tshim ê hia̍t;
　　你 置 我 在 極 深 的 穴；

6b　　　Tī tshim-ian o͘-àm ê tuē-hng buē hun-pia̍t.
　　　　在 深 淵 黑暗 的 地 方 不 分 別。

7a　Lí ê siū-khì tāng-tāng teh guá;
　　你 的 怒 氣 重 重 壓 我；

7b　　　Lí īng Lí it-tshè ê hái-íng khó͘-tshó͘ khún-pik guá.
　　　　你 用 你 一 切 的 海 浪 苦 楚 窘 迫 我。

8a　Kap guá sio-bat ê lâng Lí hō͘ in m̄-káⁿ kūn-uá guá,
　　與 我 相 識 的 人 你 使 伊 不 敢 近 倚 我，
　　 hō͘ in iàm-ò͘ⁿ guá;
　　 使 伊 厭 惡 我；

8b　　　Guá siū kuaiⁿ-kìm, buē-tit tshut-lâi tshuē ua̍h.
　　　　我 受 關 禁， 不 得 出 來 尋 活。

9a　Guá ê ba̍k-tsiu in-uī khùn-khó͘ phah-pháiⁿ;
　　我 的 眼 睛 因 為 困 苦 打 壞；

9b　　　Iâ-hô-hua ah , guá ji̍t-ji̍t kiû-kiò Lí ê uí -tāi ,
　　　　耶 和 華 啊，我 日 日 求 叫 你 的 偉 大，
　　　　guá ǹg Lí kia̍h-tshiú kuí nā pái.
　　　　我 向 你 舉 手 幾 若 次。

10a　Lí kiám beh kiâⁿ kî-sū hō͘ sí-lâng khuàⁿ mah?
　　　你 豈 要 行 奇 事 使 死 人 看 嗎？

10b　　　Tsóng-bô im-hûn iáu uē khí-lâi o -ló Lí ah ?
　　　　　總 無 陰 魂 猶 會 起 來 讚 美 你 啊？

11a　Kiám uē tī bōng-lāi kóng-khí Lí ê tsû-ài mah?
　　　豈 會 在 墓 內 講 起 你 的 慈 愛 嗎？

11b　　　Kiám uē tī bia̍t-bô ê tiong-kan kóng-khí Lí ê sìn-si̍t mah?
　　　　　豈 會 在 滅 無 的 中 間 講 起 你 的 信 實 嗎？

12a　Tī o͘-àm ê só͘-tsāi, kiám uē tsai Lí ê kî- sū mah?
　　　在 黑 暗 的 所 在， 豈 會 知 你 的 奇 事 嗎？

12b　　　Tī buē-kì-tit tāi-tsì ê tuē-hng,kiám uē tsai Lí ê kong-gī mah?
　　　　　在 不 記 得 事 情 的 地 方，豈 會 知 你 的 公 義 嗎？

13a　Iâ-hô-hua ah , guá ū kî-kiû Lí bô thîng,
　　　耶 和 華 啊，我 有 祈 求 你 無 停，

13b　　　Tī tsá-khí-sî guá ê kî -tó beh thàu kàu Lí ê bīn-tsîng.
　　　　　在 早 起 時 我 的 祈 禱 要 透 到 你 的 面 前。

14a　Iâ-hô-hua ah , Lí siáⁿ-sū khì-sak guá?
　　　耶 和 華 啊， 你 甚 事 棄 捨 我？

14b　　　Siáⁿ-sū ng Lí ê bīn, m̄ khuàⁿ guá?
　　　　　甚 事 掩 你 的 面， 不 看 我？

15a　Guá tuì siàu-liân siū-khó͘, hiám-hiám sí ;
　　　我 對 少 年 受 苦， 險 險 死；

15b　　　Guá siū-tio̍h Lí ê kiaⁿ-hiâⁿ, tì-kàu sim luān-luān--khì.
　　　　　我 受 著 你 的 驚 惶 ， 致 到 心 亂 亂 去。

16a　Lí ê tuā siū-khì im-ba̍t guá;
　　　你 的 大 怒 氣 淹 密 我；

16b　　　Lí īng kiaⁿ-hiâⁿ tû-bia̍t guá.
　　　　　你 用 驚 惶 除 滅 我。

17a　Tsiah-ê thong-ji̍t tshin-tshiūⁿ tsuí uî guá;
　　　諸 些 通 日 親 像 水 圍 我；

17b　　　Tsi̍t-tsuê lâi uî-khùn guá. 　　
　　　一 齊 來 圍 困 我。

18a　Lí tsiong guá ê liông-pîng bi̍t-iú keh-khui hn̄g-hn̄g;
　　　你 將 我 的 良 朋 密 友 隔 開 遠 遠；

18b　　　Hō͘ guá só͘ saⁿ-bat ê lâng ji̍p tī o͘-àm ê tuē-hng.
　　　　　使 我 所 相 識 的 人 入 在 黑暗 的 地 方。