《生活ê台語，台語ê生活》

 | | | 轉寄

雙連教會設教百週年紀念歌

作者 陳茂生 2011.10.09

br>

1) 宣 教 師(suan-kàu-su)設(siat)講 義 所(káng-gī-só͘)，引(ín)tshoā厝 邊(tshù-piⁿ)信(sìn)耶穌(iâ-so͘)；基督(ki-tok)福 音(hok-im)tio̍h宣 揚(suan-iông)，雙 連(siang-liân)地區(tē-khu)最(tsoè)理 想(lí-sióng)。 　神 學 校(sîn-ha̍k-hāu)內(lāi)做(tsòe)禮拜(lé-pài)，o-ló救 主(kiù-tsú)大(toā)仁愛(jîn-ài)；神 學(sîn-ha̍k)教 育(kàu-io̍k)做(tsò)基 礎(ki-tshó͘)，會 友(hoē-iú)信 仰(sìn-gióng)就(tsiū)堅 固(kian-kò͘)。

2) 愛俄拿(ai-o-ná)石(tsio̍h)做(tsò)象 徵(siōng-ting)，雙 連(siang-liân)會 友(hoē-iú)宣 教(suan-kàu)情(tsêng)；良 牧(liông-bo̍k)溪 圳(khue-tsùn)gâu引(ín)tshoā，桌布(toh-pò͘)精 神(tsing-sîn)最(tsoè)充 滿(tshiong-moá)。 　雙 連(siang-liân)教 會(kàu-hoē)重(tiōng)宣 教(suan-kàu)，馬偕(má-kai)病院(pīⁿ-īⁿ)gâu醫療(i-liâu)；手(tshiú)牽 手(khan-tshiú)teh服 事(ho̍k-sāi)主(tsú)，厝 邊(tshù-piⁿ)頭 尾(thâu-boé)得(tit)恩賜(un-sù)。

3) 圓山(îⁿ-suaⁿ)腳 邊(kha-piⁿ)傳(thoân)耶穌(iâ-so͘)，圓 環(îⁿ-khoân)周 圍(tsiu-ûi)tshoā迷路(bê-lō͘)；大 屯(tāi-tūn)山 頂(suaⁿ-téng)愛(ài)靈 修(lêng-siu)，台 北(tâi-pak)社 區(siā-khu)好(hó)模 樣(bô͘-iūⁿ)； 　彈 琴(toâⁿ-khîm)唱 歌(tshiùⁿ-kua)阮(goán)意愛(ì-ài)，o-ló上 帝(siōng-tè)到(kàu)萬(bān)代(tāi)。聖 歌(sèng-kua)宣 揚(suan-iông)主(tsú)疼 痛(thiàⁿ-thàng)，o-ló主(tsú)名(miâ)到(kàu)萬 邦(bān-pang)。

4) 多 元(to-goân)禮拜(lé-pài)福 音(hok-im)傳(thoân)，信 徒(sìn-tô͘)增 長(tsing-tióng)算(sǹg)boē完(oân)；語 言(gú-giân)種 族(tsióng-tso̍k)無(bô)阻 礙(tsó͘-gāi)，同(tâng)甜(tiⁿ)同(tâng)苦(khó͘)主(tsú)所(só͘)愛(ài)。 　兄 弟(hiaⁿ-tī)姊 妹(tsí-moē)相(saⁿ)牽 成(khan-sêng)，服 務(ho̍k-bū)社 會(siā-hoē)gâu見 證(kiàn-tsèng)；彼此(pí-tshú)相(sio)疼(thiàⁿ)主(tsú)交 待(kau-tài)，同 心(tâng-sim)合意(ha̍p-ì)來(lâi)服 事(ho̍k-sāi)。

5) 盲 人(bông-jîn)事 工(sū-kang)真(tsin)看 重(khoàⁿ-tāng)，長老(tiúⁿ-ló)執事(tsip-sū)gâu做 工(tsòe-kang)；幼稚(iù-tì)學 園(ha̍k-hn̂g)最(tsoè)老 牌(láu-pâi)，安 養(an-ióng)園 區(oân-khu)眾 人(tsèng-lâng)知(tsai)。 　雙 連(siang-liân)大 樓(toā-lâu)新(sin)世紀(sè-kí)，福 音(hok-im)廣 傳(kóng-thoân)siōng致意(tì-ì)；tshoā人(lâng)歸(kui)主(tsú)功 勞(kong-lô)成(tsiâⁿ)，榮 光(êng-kng)lóng歸(kui)主(tsú)聖 名(sèng-miâ)。

6) 咱(lán)taⁿ同心(tâng-sim)koh立 志(li̍p-tsì)，遵 趁(tsun-thàn)上 帝(siōng-tè)聖(sèng)旨意(tsí-ì)；暝日(mî-ji̍t)宣 揚(suan-iông)主(tsú)疼 痛(thiàⁿ-thàng)，永 遠(éng-oán)快 樂(khoài-lo̍k)做(tsòe)聖(sèng)工(kang)， 全 心(tsoân-sim)o-ló耶 和 華(iâ-hô-hua)，全 心(tsoân-sim)o-ló耶 和 華(iâ-hô-hua)，高舉(ko-kú)基督(ki-tok)聖(sèng)尊 名(tsun-miâ)，高舉(ko-kú)基督(ki-tok)聖(sèng)尊 名(tsun-miâ)。 哈利 路亞(ha-le-lu-iah)！哈利 路亞(ha-le-lu-iah)！哈利 路亞(ha-le-lu-iah)！