《賴永祥講書》

 | | | 轉寄

《教會史話》(1_075)甘為霖悼念林紅

作者 賴永祥 2008.12.21

傳道師林紅，koh叫做林朝魁，北斗人，bat tī府城洪公祠ê訓瞽堂任教，真受創辦者甘為霖牧師（Rev. William Campbell）ê看重.，後來轉任傳道師，tī 1900年9月22日死tī新港街（今嘉義縣新港鄉）。

甘為霖牧師一聽著林紅過生ê消息，就用白話文寫悼念ê文章，登tī《台南府城教會報》第188號（1900年11月刊）.，tsit篇文章由楊士養牧師翻譯做中文，收錄tī「台灣信仰名人略傳」第1集（第164~165頁）。甘為霖寫「台灣素描」（Skettses from Formosa, 1915. p.372）mā有一篇悼念ê文章。

林紅，好學識一kuá漢字，m̄-koh因為伊ê目睭有問題，tsiah由北斗到府城（台南）醫館去看醫生，m̄-koh suah看buē好。但有機會聽道理，所以tī 1891年6月22日受洗而歸主。伊m̄是全盲，所以依靠微弱ê目光來學習萊爾（Loois Braille）六點式點字，m̄若會讀，mā會曉鑿成製字ê技巧。koh加上伊本來就有淡薄仔學讖，去讀羅馬字浮凸版ê書也無困難，tī當時誠難得ê盲校教員ê候選者。廈門宣道區ê黎姑娘Lilias Graham）為beh創辦二間盲校，由甘牧師推介，林紅應聘赴泉州協助，總共住9個月；該校稱「盲光堂」，後來交由David Cook來管理。林紅tńg來台灣了後就tī洪公祠教冊，教士會ê正式任用是tī 1892年9月，一直到1897年3月該校停辦為止，實際上負責盲校ê教務kap雜務，甘牧師評曰「忠誠任職，利益該校學生buē少。」

林紅自洪公祠盲校辭任了後，同年4月教土會就派伊到灣仔內常傳道師。根據教土會議事錄，伊ê月薪是6元。伊雖然視力弱，m̄-koh有淡薄仔恢復，猶koh會使做傳道ê工作。灣仔內離北港無遠，是一ê偏僻村落。伊就tī灣仔內kap鄰近各村社，辛勤努力引人歸主。後來伊tī新港街租堂作為佈道所.，1899年甘牧師tshuā牧師娘訪問新港，住10天，看著先後有15人受洗歸主，稱「皆林紅努力之果子也」。

論伊ê做人，甘牧師謂：斯時林紅先生不若受會友o-ló，就連教外人士亦讚揚伊ê善行、溫柔、謙卑，善用合適道理來勸勉人。伊一生熱心盡力作工，每週有二、三日外出佈道，從;來無驕慢、發睥氣。性情溫和、不固執、不顧己事，所以不啥beh接受阮ê安慰，從來無會凍hō͘責備ê所在，iah是損害名譽ê代誌。伊講話真頂真，不以人o-ló iah是責難為重，只是恬恬仔做自己該做ê代誌。因為按呢會凍大大榮耀上帝，使人享主恩。因此，同道應該感謝上帝，因為好友林紅先生已經聽見主聲音講：「汝善良忠信之僕人，吾重任者，今可偕入吾屋，回享永福矣。」

《台灣教會公報》 1957期 主後1989年9月3日