《賴永祥講書》

 | | | 轉寄

《教會史話》(2_101) 台灣今昔

作者 賴永祥 2009.06.14

英文冊內底，頭一本無偏南北，kā英國長老教會kap加拿大長老教會tī台灣ê傳道史，kap述通者sio-kap，可能tio̍h是明有德牧師ê「台灣今昔」（Then till now in Formosa）。

明有德牧師（Rev．Hugh Mac Millan，1892-1970年）sī加拿大安大略省布魯士人，1924年用加拿大長老教會宣教師ê身分來台灣，uì 1960年11月離開台灣uî止，中間雖然有放假kap戰爭ê時陣tǹg來國內，前後38年內底，盡心uì台灣宣教。Bat tī台北神學校做校長（1927-1931年）、淡水中學校做校長（1935-1936年）、馬偕醫院做董事kap董事長等等ê職務。伊bat推動聖經研究、基督教青年會（YMCA）事工、學生運動、傳教師靈修會、長執聯合會等等，lóng tsioh盡心。他tiāⁿ-tiāⁿ擔任聖詩部ê委員，對聖詩改訂lóng tsiaⁿ有貢獻。

「台灣今昔」是1953年uì英國長老教會加拿大長老教會二ê教士會共作伙出版..ê。讀者應該注意tio̍h 1951年3月7-8日tī雙連教會有南北合一ê總會第一屆會議召開。冊tio̍h應趨勢來完成，所以他探討二ê會ê根，kiōng同ê目標kap事工。全書分做六章：（一）紹介遠東美麗島，（二）革命主義運動ê第一pho（描述荷蘭人ê宣數），（三）近代宣教ê開端，（四）醫療傳道，（五）教會事工（六）教育事工，koh附有駐台宣教師名單kap參考書目，lóng總有102頁。

1963年，明有德牧師koh giâ筆補充一章，描述10年來ê事工，宣教師名單mā添kàu 1962年。冊名就改做「tī台灣ê上尾初一世紀」（First Century in Formosa），lóng總有136頁，uì台北中國主日學協會刊行。

明有德牧師另guā一本傳記著作「海外ê建造家—台灣ê吳威簾」（Builder Abruad： William Gauld of Formosa），mā tsiaⁿ有介紹ê價值。這是一本細本冊簿á，本文49頁，1956年由英國kap加拿大長老教會tī台宣道會刊行。Khah-su講偕叡理牧師是北部教會ê開拓者，吳威廉牧師tio̍h是北部教會ê組織者。吳威廉牧師（1861-1923年）是加拿大安大略省倫敦人，16歲ê時陣tio̍h聽tio̍h偕牧師講起台灣宣教，受tio̍h伊ê感動。1892年8月結婚，10月ang-á-bó tio̍h來台灣，做加拿大長老教會宣教師。Tī台灣做khang-khuè lóng總有31年。北部中會ê成立，tio̍h是伊輔導、申請、組織成功..ē﹔1904年中會成立，伊擔任頭一屆會正（議長）。伊申請母會派女宣教師來台灣，提kuân婦女教育，mā申請開辦中學。伊是牧師，mā是建築家，伊bat建造禮拜堂、學校kap病院。