《賴永祥講書》

 | | | 轉寄

《教會史話》修訂1_027, 養心神詩59首ê頭句

作者 賴永祥 2019.08.25

早期台灣長老教會所用ê《養心神詩》收有hiah-ê詩？茲根據光緒元年（1875）福州美華書局刻本，列出所收每首詩之頭句。原冊採「字邊有kho͘-á讀本字，字邊無kho͘-á讀白話」ê表記法，m̄-koh製此目ê時略去字邊之kho͘-á。同治14年（1875）福州美華書局活版本，內容仝款。同治12年（1873）有白話字本，冊名 “Ióng Sim Sîn Si”是格拉斯哥W.G. Blackie & Co.所承印ê，共47頁，除了未錄序文以外，內容mā仝，只是全部用羅馬拚音拼出。

第1首到13首，結集已經見tī咸豐4年（1854）《養心神詩新編》。它ê頭句：（一）上帝創造天kah地、（二）律法條誡頭一个、（三）真主—上帝造天地、（四）耶穌尊名入我耳孔、（五）上帝原本是我牧者、（六）上帝真正是我上帝、（七）天下萬邦萬國萬民，同齊來倚上帝面前、（八）率（tshōa）到天堂永活所在、（九）世人紛紛罪惡多端、（十）我目gia̍h起向天（《新編》改做「我目仰望向天」）、（十一）離開惡人道路、（十二）我心實在o-ló（《新編》改做「我心實在稱祝，邊註音窩惱）、（十三）天下萬邦萬國萬民，敬拜上帝父Κiáⁿ聖神。

第14首以下to̍h是：（十四）吾父上帝坐天上、（十五）咱人既然帶罪出世、（十六）咱人家己詳細問、（十七）在昔上帝有記聖經、（十八）天地創造總全備、（十九）願咱救主耶穌基督、（二十）耶穌原本是上帝、（二十一）懇求聖神降臨、（二十二）上帝人民在曠野、（二十三）耶穌身軀代咱釘死、（二十四）屬tī耶穌朋友過往、（二十五）同心讚美天父，自然永活上帝、（二十六）天光日出不可愛睏、（二十七）救主耶穌基督，救咱脫離罪惡、（二十八）懇求上帝憐憫，共吾施恩賜福、（二十九）我罪極重不得推辭、（三十）願主—上帝掌權、（三十一）當歕禧年號筒、（三十二）我認救主無驚愧恥、（三十三）救主耶穌有萬權能、（三十四）耶穌真正死再活、（三十五）上帝慈悲無窮無盡、（三十六）歎氣始祖逆天法度、（三十七）至尊上帝到仁愛、（三十八）咱人在地面上，着學天使之樣、（三十九）可惜我心烏暗，遇看魔鬼迷惑、（四十）咱人性命無定看、（四十一）永遠與主居處，正是是我心所願、（四十二）耶穌真活上帝，替咱受苦萬般、（四十三）收餉之人上帝面前，來認家己罪過、（四十四）天地主宰傳落命令、（四十五）天堂永無苦難、（四十六）救主開路更設法度、（四十七）上帝之子基督，永做萬福源頭、（四十八）上帝自然至尊無對、（四十九）至聖至高上帝，榮光滿滿天地、（五十）祈禱實在是人本分、（五十一）上帝命令眾人看聽、（五十二）安息聖日第一好、（五十三）異邦啥事亂亂喧嘩、（五十四）安然koh過一禮拜、（五十五）又過一工時刻平安、（五十六）耶穌聖會上帝設立、（五十七）天頂高高耶穌坐位、（五十八）天下萬國得罪上帝、（五十九）天下遍遍各邦國。


──《台灣教會公報》1901期 主後1988年8月7日