《賴永祥講書》

 | | | 轉寄

《教會史話》(1_007) 台灣教會公報

作者 賴永祥 2007.05.27

br>
巴克禮牧師，tī 1926年tī教會報五百期紀念特刊講：「光緒11年6月（1885年7月）創刊教會報。當初有幾項目的......報導教會消息，hō͘眾信徒週知，藉此hō͘大家同心協力為主服務......亦有論講，hō͘讀者koh-khah能明白聖經教示......創刊時tī中國大陸另有kuí-nā種教會刊物，但是hiah-ê刊物現在大部分lóng停刊，所以目前所出版ê kuí-nā千種報刊中，咱教會報是歷史siōng悠久ê。咱應該感謝上帝，伊保護咱ê刊物，tī四十guā年中間每月lóng ē-tàng按期發刊。」

無m̄-tio̍h！教會報是台灣第一個大眾傳播工具，歷經滿清、日據到現在，是教會在台灣成長ê活見證，信徒應該感謝，治史者應該koh-khah重視。

台南教士會，發刊「台灣府城教會報」第一號，是1885年7月。由巴克禮牧師主持，使用羅馬白話字，聚珍堂（俗稱新樓書房）印刷，月刊。第一號有四面，第二號起有八面，以後數年lóng維持八面。1895年改隸日本，iáu照常發行。為tio̍h beh正式得tio̍h日本政府之許可發行，1905年5月起名稱改為「台南教會報」，同年7 月總督府核准。1913年9月（342號）起易名「台灣教會報」。1928年1月，kap北部中會發行之「芥菜子報」合刊。1932年5月，koh再合刊「教會新報」（高雄中會所辦）kap「福音報」（台中中會所屬），易名為「臺灣教會公報」，並改屬南部大會。二次大戰中，日本政府tsiông án-ne命令關閉公報社，公報最後一期是1942年 3月所刊之684號。戰後高金聲牧師向南部大會申請借用公報社建築物kap其他動產，以「光復印書局」名義，復刊「台灣教會公報」，1945年12月發行號685號。伊獨立經營到1948年1月，tī第九屆南部大會，將其經營權無條件奉還大會。1957年南部大會撒消，公報社歸屬總會。公報iáu以白話字發行，到 1049、1050合併號（1969年3月）止。原為月刊，1962年1月到1969年3月間為半月刊。為配合華語推行運動，1955年3月起有副刊「瀛光」問世，到1970年1月始全部改用中文發行「臺灣教會公報」，其號數為1051號。1973年改為週刊到taⁿ。

臺灣府城教會報ê正名是Tâi-uân-hú-siâⁿ Kàu-huē-pò，英文名是 Taiwan Prefectural City Tsurts News。 臺灣教會公報，白話字正名是Tâi-uân Kàu-huē Kong-pò,今使用英文名是 Taiwan Tsurts News。
(華語原載：臺灣教會公報第1878期　主後1988年2月28日)