《賴永祥講書》

 | | | 轉寄

《教會史話》(1_014)馬偕台灣傳道記

作者 賴永祥 2007.07.29

偕叡理牧師著 J. A. Macdonald牧師所編 “From Far Formosa”一冊，是根據著者ê筆記、語錄、日記、報告、研究、文章、人物素描等所完成ê，是馬偕在台灣ê傳道紀錄kap見聞。著者tī 1893年8月18日tshuā眷屬離開台灣作第二次例假，到1895年11月19日tsiah tńg來台，其間台灣改隸日本。編者tī伊ê序言（1895年11月寫）云，數個月前馬偕kā一大批資料交hō͘伊，託伊整理組織。Tsit本冊初版刊tī 1895年。

全冊分六篇：導言、島嶼、漢人、平埔族、「生番」、傳道中心；共三十六章：（一）著者ê早年，（二）tī普林斯頓kap愛丁堡，（三）自多倫多到淡水，（四）抵台觀點，（五）地理kap歷史，（六）地質，（七）樹木、植物、kap花卉，（八）動物（九）種族，（十）住民，（十一）政治kap司法，（十二）實業kap社會生活，（十三）宗教生活，（十四）傳道ê開始，（十五）首任本地牧師kap其教堂，（十六）教堂ê建設，（十七）略取艋舺，（十八）北部ê旅行，（十九）附屬島嶼，（二十）法人侵台，（二十一）平埔族ê特徵，（二十二）台灣ê稻作，（二十三）平埔族間ê傳道，（二十四）東部海岸ê旅行，（二十五）對「熟番」ê傳道，（二十六）南勢番ê生活，（二十七）「生番」ê生活習慣，（二十八）kap獵人頭者ê交往，（二十九）淡水素描，（三十）訓練本地傳道者，（三十一）牛津學堂（Oxford College），（三十二）本地婦人傳道工作者，（三十三）醫療工作kap病院，（三十四）外國人kap宣道會，（三十五）kap英國長老教會ê關係，（三十六）、回顧kap前瞻。

馬偕門徒柯玖（柯維思）所hip相片，包括馬偕全家福、kap門徒旅遊或越山嶺、挽嘴齒、舟過奇萊平原、牛津學堂、新店教堂kap其他有關民情土著等，有淡薄á珍貴。所附台灣島地圖是由英國海軍部原圖翻印ê。另外有馬偕自製北部台灣地質圖、北部台灣植物地圖kap北部台灣教堂佈教所分布圖。

原冊初版著錄如下：Mackay, George Leslie. From Far Formosa, the Island, its people and missions, ed. by the Rev. J. A. Macdonald. New York, Tsicago, Toronto Fleming H. Revell Co. 1895. 346p.續版數次，mā有台灣翻版thang買。

1897年刊，松島tú、佐藤弘共編《台灣事情》（日文），就是改編此冊所完成ê。中文譯本有二。林耀南譯《台灣遙寄》，刊tī 1959年，二六二頁，為台灣省文獻委員會台灣叢冊譯本第五種。周學普譯「台灣六記」，刊tī 1960年一月，一四三頁，為台灣銀行經濟研究室編台灣研究叢刊第六十九種。後者附有著者哲嗣偕威廉（George William Mackay）牧師序，補述馬偕晚年事蹟。
(華語原載：台灣教會公報，第1887期 主後1988年5月1日)