《賴永祥講書》

 | | | 轉寄

《教會史話》(1_015) 淡水學園ê馬偕研究

作者 賴永祥 2007.08.05

淡水是馬偕宣教ê基地，伊tī 1872年3月9日登陸tī淡水，1901年6月2日往生tī淡水，亦依伊遺言葬tī淡水。伊來淡水後無久就tī其寓所kap野外，並tī伊ê傳教路途上，到處授課hō͘門徒，而且tī 1882年始tī淡水建立「牛津學堂」（Oxford College），稱「理學堂大書院」。1909年書院改稱神學校。1912年3月神學校遷到台北市牛埔庄。1912年12月馬偕博士令郎偕叡廉先生專為籌辦中學由加來台， 1914年3月9日，mā就tī牛津學堂作校舍，開設五年制淡水中學校。羅虔益所設計ê中學校舍完竣tī 1925年。日據末期因為日本政府之壓迫，淡水中學連同女學，tī 1936年11月間不得不移讓hō͘當時台北州之財團經營，但「淡水學園」頭尾無bē記得過馬偕。日本人mā照約束用已經收tio̍h捐募款建築「馬偕博士紀念圖書館」。以下摘錄「淡水學園」有關日文著作三項。

陳瓊琚編「マツカイ博士略傳」，初版刊tī 1929年，共五十頁；koh再版1939年刊，四十三頁，列為淡水學園叢書第一編。陳瓊琚，大甲陳其祥長老次男，tī 1895年出世，tī 1945年過往；同志社大學畢業後，任教tī淡水中學。

柯設偕著《馬偕博士と台灣》，tī 1936 ~ 37年間連載tī「台灣時報」（196~199，201，203~204，206~207，209，212，217號）。著者ê父親柯維思，母親偕來便利是馬偕ê次女；tī台北帝國大學文政學部歷史科畢業後，就tī淡水中學任教。

齊藤勇編《マツカイ博士の業績》，1939年由淡水學園刊行，列為淡水學園叢書第二編。其內容包括研究、追憶kap雜纂。第一部研究篇，有七篇：馬偕博士kap台灣地質礦物資料（早坂一郎）、馬偕博士對台灣生物界ê觀察（早坂一郎）、馬偕博士傳教ê噶瑪蘭平埔族（移川子之藏．馬淵東一）、馬偕博士關係文獻解題（山中樵、中村孝志）、馬偕博士年表（柯設偕）、小說《華寰島》kap馬偕博士（島田謹二）、北部台灣ê使徒馬偕博士（烏住安臣）。第二部追憶篇，共十二篇，執筆者有偕叡廉、J. A. Macdonald、明有德、陳清和（陳和）、郭希信、劉寶琛、李牛港、柯維思、嚴彰、陳清義、蕭安居kap鍾天枝。第三部雜纂編，有訪馬偕氏（人忙我閒生）、博士對乃木總督ê印象（逸名氏）、小鱗回顧錄（細川瀏）kap新聞記事雜錄。後面有編輯餘錄（齊藤勇），共179頁。執筆陣容堅強，是一本馬偕研究ê好冊，值得推賞。
(華語原載：《台灣教會公報》第1888期 主後1988年5月8日)