《賴永祥講書》

 | | | 轉寄

《教會史話》(1_047)補述荷蘭宜教文獻

作者 賴永祥 2008.06.08

徐謙信牧師所寫ê「荷蘭時代台灣基督教史」(前篇)，原本連載tī「瀛光」132149期(1963年12月起到1964年9月)，1965年4月作為「基督教台灣宣教百週年紀念叢書」ê一本冊，單行出版，總共有80頁。Tsit本冊緒言(第一章)，(一)講研究荷籣時代台灣基督教史ê意義kap重要性、(二)荷蘭ê獨立kap海外ê發展、(三)荷蘭人tī台灣傳教ê史料。本文(第二章)講荷蘭人據台前期ê傳教、分11節: (一)荷蘭遠征艦隊tī中國海、(二)1624年ê台灣、(三)印度公司kap宣教師、(四)做傳教先驅ê甘治士、(五)siōng早7年間tī新港ê傅教、(六)tī安平附近以北各部落ê教勢擴展、(七)學校教育之開始、(八)宣教師之移動、(九)安平南方各部落ê傳教、(十)tuì台灣北部驅出西班牙人、(十一)尤羅伯之最後任期。


有前篇當然ài刊後篇，徐牧師希望我ē-tàng寫，我mā bat試過。m̄-koh最後mā是改變主意，另外以「十七世紀荷蘭tī台灣之傳教」作為題目寫了幾篇文章。「明末荷蘭駐台傳教人員ê陣容」(台灣風物16卷3期，1966年6月刊)kap「明末荷蘭宣教師編纂ê蕃語文獻」(台灣風物15卷3期,1965年八月刊)就是其中之二。其他稿成未刊。


1970年我將過去初步讀書記錄，譯譯，簡kap書目，總共14篇，輯刊tī「台灣史研究初集」，其中有4篇是中村孝志教授大作ê譯述。中村孝志tsit工本福島縣人，1910年生，tuì xx 畢業台北帝國大學文政學部史學科，多年任天理大學教授，當代荷據時期台灣史之權威。「荷蘭人對台灣原住民ê教化­—以1659年中南部視察報告為中心而述」一文，就是荷蘭人據台後期傳教ê寫照。Koh「十七世紀西班牙人tī台灣ê佈教」(收tī 112-146頁)一文述西班牙人tī 1626-1642年間tī北部台灣傳天主教ê情形盡詳實，值得一讀。


編「基督教台灣宣教史文獻」(1965年．台灣基督長老教會百年史卷未附錄)，有一項「近世初期荷蘭人ê台灣宣教」，已經記錄tī歷史kap彙編、宣教師ê著作、聖經ê翻譯、論述、教化留落來ê等等攏真詳細，無beh tī-tsia重述。西文方面，J.J.A.M. Kuepers tio̍h The Dutts Reformed Tsurts in Formosa 1627-1662，bat刊tī Noovelle Revue de science missionnaire 33(1977)，34(1978)，1978年合刊(共46頁)是「文獻」刊出後所出該提起ê一論作罷。

《台灣教會公報》 1924期 主後1989年1月15日