《賴永祥講書》

 | | | 轉寄

《教會史話》(1_062)對字典ê期待

作者 賴永祥 2008.09.21

林錦生協助甘為霖編修字典ê時，tī大學(神學院ê通稱)有一ê教員，叫黃信期(秀輝，1866~1936)。in老父黃西經，1879年受洗，1881年任長老，是嘉義教會第一ê受設立ê長老，信期入去大學是1885年。1907年應聘任太平境教會牧師ê高金聲suah赴任大學，擔任「新舊約ê總論」、「基督本記」等等ê課，最近20年。1912年1月至1918年9月間做太平境教會長老。東門教會成立了後移籍去，1924年被任東門長老。

針對字典編修ê代誌，黃信期真tsē擺1攏bat表示伊ê意見。他謂:「嘗 看甘牧師之自署甘為霖三字，字劃偏斜，點撥歪扭，宛似破筆（昔時入熟拜師曰破筆）未久者之塗鴉。可見伊所bat ê字，是真有限ê。今仔日竟然計劃beh出版，伊ê志氣真可嘉，伊ê勇氣真可佩」。「試想以一ê beh退休ê外籍教士身份，竟然奮志修編字典，這若m̄是有平常人所不能企及ê臆識kap毅力，ná有可能按呢做？」

koh講著「字典ê生命，是tī伊ê讀音是m̄是正確。字音若正確，字典本身ê評價，自然著會提昇。若是潦草疏忽，必誤大事」。幸者，甘牧師對讀音ê必須準確，是真頂真。另謂:：「tsit本廈門音字典，解說用閩南俗語，工具又koh是羅馬字。編修頂面，也無遣詞造句ê困擾，難免有引用文獻ê麻煩。單刀直入，干taⁿ說白話。不須要luā久，事半功倍，原稿儼然成軼矣」。自錦生向甘牧師報到ê 1907年(3月)算起至字典刊行ê 1913年，其間6年林錦生陳大鑼兩位學生鑽研努力奠定著字典ê地位。

讀「黃武東回憶錄」(見50~53頁)，有一段tī神學校一年á (19？年入學)得罪著林燕臣牧師ê故事。林燕臣是前清秀才，tī神學校教漢文。他ê「音解」一課，是自漢文文理kap合聖經選出khah困難ê字，一音一解。黃武東坐tī前排，拿起別ê書khǹg tī桌頂，頭也不giâ，干taⁿ看自己ê，教師問:「為什麼聽課？」答:「一音一解，買一本甘字典來自己翻，自己查著好啊，何必tī課堂內面浪費心神kap時間？」歸班吵吵鬧鬧，林燕臣真受氣。甘為霖編「廈門音新字典」，當時tī一般人心目中已經是權威ê著作。

話koh講回來，黃信期mā bat建議，一定愛匯集日文內面慣用ê漢字文句成語，以提高字典ê效用。以錦生當時ê日文能力當然無法達成tsit項任務，只有「自嘆心有餘力不足，徒抱愧歉而已」。黃信期ê這寡見解，攏寫tī林錦生「七十年前之回憶」。
　
《台灣教會公報》 1941期 主後1989年5月14日