《賴永祥講書》

 | | | 轉寄

《教會史話》(1_063)甘治士「台灣紀略」

作者 賴永祥 2008.09.28

甘為霖ê著作「荷蘭統治下的台灣」第一部「台灣總說」第2節「住民誌」(Accoont of the Inhabitants, 在該書第9~25頁)，是甘治士牧師著作「台灣紀略」ê英譯。干治士(Georgius Candidius) 是荷蘭首任駐台宣教師，1627~1631年kap 1633~1637年間tī台灣，先tuà tī新港，後來tsiah般搬去赤崁(今台南)。

「台灣紀略」就是甘治士tī 1628年12月27日uì新港發出ê報文，伊寫著台灣ê自然、住民kap in ê生活方式、社會狀態、結婚離婚、房屋傢俱裝具、埋葬方式、宗教觀念等，是beh知影荷據以前，當時台灣ê狀況一定愛讀ê文獻。

「台灣紀略」ê荷語原文件tī J.A.Grothe ê「荷蘭海外宣教史料類纂」，Retsteren旅行記，C.E.S.「被忽略之台灣」等。有真tsē國ê翻譯文。英譯見於Tsurtsill ê「航海記全集」，John Harris ê「航海旅行記集」等。陳奇錄bat kā甘為霖譯本重譯做中文，因為伊所記述ê大部分是台南地方新港等八社住民ê風習，所以改題做「三百年前台南地方的住民」(見「台南縣志稿」，各為卷9雜志)，確實是一篇重要ê有關台灣平埔族ê早期文獻。

譬如講干治士-講著原住民ê信仰。講是另外一種形式ê宗教，以口授代代相傳，對宇宙ê創造suah啥麼攏m̄知，m̄相信世界會毀滅，m̄-koh相信靈魂不滅，人死了後伊ê靈魂會因為伊在生進前ê行為來受著報應。他們有真多應該做kap不應該做ê代誌，當然有一寡是阮認為有罪而且亦是in所認為不應該做ê: 譬如講白賊、偷拿物件kap謀殺等。也有一種咒tsuā，是tī公眾面頭前拆草咒tsuā。in信仰真多神，對in供奉犧牲，有使人美貌ê神，也有使人變做真bái ê神，也有戰神。招請神明[kap奉獻犧牲，是女巫，(叫做lnibs) ê職責，奉獻物包括殺豬、米飯、檳榔、酒kap野豬ê頭。若是tú著啥麼困難，in著愛請女巫來作法，作很多奇怪ê儀式。預測天氣(beh落雨iá是beh好天)是女巫ê職責。女巫koh應該除穢驅邪，因為in相信有很多邪靈惡鬼，女巫手執斧鉞，大聲叫著會凍kā這寡鬼靈趕入水內。tī路上四界攏設有祭壇，干治士本人mā bat走路ê時tsūn不小心pua̍h倒。

原住民ê風俗有真大ê無kâng(請讀該文，在此不贅)，信仰亦不同，荷蘭宣教師攏khai了很大ê功夫去學習in ê語言，來傳播基督ê福音。當時改信ê原住民，或者會答「教理問答」、念「祈禱文」，但是真正了解基督教真義ê有幾ê？



《台灣教會公報》 1942期 主後1989年5月21日