《賴永祥講書》

 | | | 轉寄

《教會史話》(1_070)標天才ê回憶

作者 賴永祥 2008.11.16

標天才是白水溪初代ê傳道師。甘為霖牧師tī白水溪遭難ê時，伊mā tuà tī禮拜堂ê宿舍。伊回憶著hit時ê情形，講kah tsiâⁿ趣味。

「甘牧師tuà tī白水溪禮拜堂宿舍，時間已經過了半暝a，突然間有匪賊群手the̍h武器，放火包圍教會一直喊： 紅毛蕃！今仔日要你ê命啦！」 tsit ê時tsūn兩ê人邦是真驚惶，神不附體。好加在甘牧師機智非凡，緊將毛氈內面ê棉被捲做一丸，tàn出去禮拜堂外hō͘匪徒kè-sī甘牧師本人已經走出去＝a。匪徒一看著棉被suah全部攏圍過去，相爭beh下手，用刀槍烏白phut，in兩ê人tsiah趁tsit ê機會uì禮拜堂圍籬ê縫偷走＝去。甘牧師暗是teh睏ê時tiâⁿ-tiâⁿ攏無穿外褲，走出包圍陣了後，一時看無天才，tī黑暗中摸真久，tsiah發視tī黑暗ê樹叢中有一ê物件leh陣動，甘牧師kè-sī匪徒藏leh hia，就摩拳擦掌作一決鬪ê姿勢。表情真緊張，等到發現是天才ê時tsūn，甘牧師一時buē凍kā攻擊ê姿勢變做懷柔ê態度，所以iáu是氣phut-phut講：天才啊！.今仔日你險險á為著我失去一條姓命，.兩個人tī驚險中互相發現平安無事，感激相lám leh哭。甘牧師借用天才ê褲子，匆匆起程，跋涉崎嶇ê山路，到隔tńg工ê黎明才趕到嘉義縣衙門去報案。不料衙門辦公ê時間iáu未到，有守衛者tú睡醒，手the̍h一支長柄煙斗，悠然地應接；iáu buē聽詳細，就懶洋洋ê嘆口氣講“「攏是你這ê紅毛蕃ê事情」。甘牧師看衙役真無誠意、一時氣buē凍忍，當場著發脾氣，向桌頂當一下，huah講beh馬上見縣老爺。到tsia來，衙役才知道代誌無好＝a，趕緊入去恭請縣座 出廳聽案，縣座看甘牧師是一ê外國人，而所叩縣臣出廳聽案。縣座看甘牧師是一ê外國人，伊所講ê情形，又確實是真嚴重，馬上著派一隊衛兵護送甘牧師tńg去台南」。

據李嘉嵩撰「100年來」第一章，標天才是嘉嘉嵩阿祖輩ê人，bat追隨甘為霖牧師為導遊，也兼作kuāⁿ行李e kap廚師傳道助手。李嘉嵩ê阿叔崑峰，長老教中學ê校友，曾牧崗林教會多年。李昆峰為著「長榮中學70週年校慶紀念特刊」（民國54年刊），寫了一篇「60年前一母校的回顧（由李嘉嵩代述記），對甘為霖牧師是真佩服。云：各位校長內面，情感豐富奇特，行動變化萬千，趣話無窮ê，就是甘為霖牧師.....。標天才是李崑峰ê舅公，所以就kā標天才ê回憶談寫落來（見該刊105頁）。 　
《台灣教會公報》 1950期 主後1989年7月16日