《台語荒漠甘泉（漢羅版）》

 | | | 轉寄

人看buē tio̍h ê位工作

作者 陳清俊 譯 林俊育 漢羅翻寫 2009.06.21

listen 六月二一(六月二十一日)

「人(lâng) 聽見(thiaⁿ-kìⁿ) 伊(i) tī 厝內(tshù-lāi)。」 (馬可(má-khó) 2:1)

珊瑚(san-ô͘) tī 水底(tsuí-toé) 起造(khí-tsō) 珊瑚(san-ô͘) 石(tsio̍h)，in lóng 無(bô) 想(siūⁿ) tio̍h 是(sī) 為(uī) tio̍h 一個(tsi̍t-ê) 島嶼(tó-sū) teh 造(tsō) 地基(tē-ki)。有(ū) 一日(tsi̍t-ji̍t)，tsit-ê 島嶼(tó-sū) beh 有(ū) 動物(tōng-bu̍t)、植物(si̍t-bu̍t)，也是(iā-sī) 上帝(siōng-tè) kiáⁿ兒(jî) 出世(tshut-sì) ê 所在(só͘-tsāi)，beh 享受(hióng-siū) kap 基督(ki-tok) 相仝(sio-kâng) 做(tsoè) 後嗣(hō͘-sû) (羅馬(lô-má)8:17) ê 永遠(éng-oán) 榮耀(êng-iāu)。

親愛(tshin-ài) ê 朋友(pêng-iú)，假使(ká-sú) tī 上帝(siōng-tè) ê 大(toā) 軍隊(kun-tuī) 中(tiong)，你(lí) ê 位(uī) 是(sī) tī 隱密(ún-ba̍t)、無(bô) 明顯(bêng-hián) ê 所在(só͘-tsāi)，m̄-thang 發(huat) 怨言(oàn-giân)，sē-sē 念(liām)；m̄-thang 違背(uî-poē) 伊(i) ê 旨意(tsí-ì)，隨便(suî-piān) 離開(lī-khui) 伊(i) 所(só͘) kā 你(lí)hē ê 所在(só͘-tsāi)。Ài 記得(kì-tit)，無(bô) 珊瑚(san-ô͘)，hit 所在(só͘-tsāi) 就(tsiū) 永遠(éng-oán) buē 形成(hêng-sêng) 一個(tsi̍t-ê) 島(tó)，上帝(siōng-tè) 會(ē) 召(tiàu) 一(tsi̍t)kuá 人(lâng) 來(lâi) 做(tsoè) 屬靈(sio̍k-lêng) ê 珊瑚(san-ô͘)。伊(i) tshē 求(kiû) hiah-ê 願意(gōan-ì) tī 人(lâng) 看(khoàⁿ) buē tio̍h ê 所在(só͘-tsāi) 工作(kang-tsok)。總是(tsóng-sī) in ê 所做(só͘-tsoè) tī 天頂(thiⁿ-téng) 是(sī) 看(khoàⁿ) 真(tsin) 明(bêng)，也是(iā-sī) 受(siū) 聖靈(sèng-lêng) 所(só͘) 支持(tsi-tshî) ê.

有(ū) 一日(tsi̍t-ji̍t) 耶穌(ia-so͘) beh 頒獎(pan-tsióng)，有(ū) ê 人(lâng) 奇怪(kî-koài) 你(lí) 有(ū) 資格(tsu-keh)得獎(ti̍t-tsióng)，雖然(sui-jiân) in lóng buē bat 聽見(thiaⁿ-kìⁿ) 你(lí)。但是(tān-sī) ài 知(tsai)，上帝(siōng-tè) 是(sī) buē m̄-tio̍h ê.

當(tng) 你(lí) khiā tī 衝突(tshiong-tu̍t) 內(lāi)，hia 是(sī) 你(lí) ê 所在(só͘-tsāi)，
你(lí) 想(siūⁿ) 講(kóng) 你(lí) 無路用(bô-lō͘-iōng)，免(bián) 掩(ng) 你(lí) ê 面(bīn)，勇敢(ióng-kám) khiā 在(tsāi)，
上帝(siōng-tè) hē 你(lí) tī hia 有(ū) 目的(bo̍k-tik)，不管(put-koán) 甚麼(sím-mih) 安排(an-pâi)，
伊(i) 所(só͘) 派(phài) hō͘ 你(lí)ê，忠心(tiong-sim) 去(khì) 做(tsoè) 是(sī) 應該(èng-kai)。
信靠(sìn-khò) 伊(i)，裝備(tsong-pī) 你(lí) ê 戰甲(tsiàn-kah)，無論(bô-lūn) 工作(kang-tsok) á 歇睏(hioh-khùn)，
無(bô) 懷疑(hoâi-gî) tī hia,上帝(siōng-tè) 路(lō͘) siōng 好(hó) koh 穩(ún)。
無論(bô-lūn) 是(sī) 戰鬥(tsiàn-tàu) á 守望(siú-bōng)，堅定(kian-tēng) 誠實(sêng-si̍t) 慇勤(un-khûn)，
這(tse) 是(sī) 主(tsú) hō͘ 你(lí) 所(só͘) tio̍h 做(tsoè) ê 恩(un)。

當(tng) 咱(lán) 平平(pêng-pêng) 安安(an-an) 離開(lī-khui) 眾(tsèng) 信徒(sìn-tô͘) ueh-khueh ê 所在(só͘-tsāi)，á 是(sī) 默想(be̍k-sióng) tī 山頂(suaⁿ-téng) ê 體驗(thé-giām)，á 是(sī) 離開(lī-khui) kap「齊全(tsiâu-tsn̂g) ê 義人(gī-lâng)」 (希伯來(hi-pik-lâi) 12:23) 好(hó) koh 幫贊(pang-tsān) ê 友誼(iú-gî) 交通(kau-thong) ê 機會(ki-hoē)，去(khì) 到(kàu) 咱(lán) hit ê 小小(sió-sió) ê Í-má-ngó͘ ê 地方(tē-hng)，á 是(sī) 去(khì) 到(kàu) hō͘ 人(lâng) 煩惱(hoân-ló) ê 歌羅西(ko-lô-se) 教會(kàu-hoē)，甚至(sīm-tsì) 到(kàu) tī 遠遠(hn̄g-hn̄g) ê 馬其頓(má-kî-tùn) ê 所在(só͘-tsāi)。咱(lán) thang 安心(an-sim) 得(tit) 保證(pó-tsèng)，無論(bô-lūn) 上帝(siōng-tè) hē 咱(lán) tī toh 一個(tsi̍t-ê) 所在(só͘-tsāi)，伊(i) 已經(í-king) 定(tiāⁿ) hō͘ 咱(lán) 境界(king-kài)，任命(jīm-bēng) 咱(lán) 做(tsoè) hit 所在(só͘-tsāi) 傳道(thoân-tō) 工程(kang-têng)，咱(lán) beh tī hia 得(tit) 勝利(sèng-lī)。── Northcote Deck


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com