《台語荒漠甘泉（漢羅版）》

 | | | 轉寄

Oh擔當ê擔

作者 陳清俊 譯 林俊育 漢羅翻寫 2009.11.15

listen 十一月十五(十一月十五日)
「受(siū) teh 重(tāng) 真(tsin) thiám 到(kàu) 當(tng) buē 起(khí)。」(哥林多後書1：8)
「hō͘ 基督(ki-tok) ê 氣力(khuì-la̍t) tuà tī 我(goá)。」(哥林多後書12：9)

上帝(siōng-tè) hō͘ 雅各(Ngá-kok) tī Piān-í-lī 面對(bīn-tuì) 性命(sìⁿ-miā) ê 危機(guî-ki)，伊(i) 學(o̍h) tio̍h 完全(oân-tsoân) ê 順服(sūn-ho̍k)，謙卑(khiam-pi) 誠懇(sêng-khún) ǹg 上帝(siōng-tè) 懇求(khún-kiû)。Hit 暝(mî)，伊(i) kap 上帝(siōng-tè) 相(sio) ián，掠(lia̍h) tiâu-tiâu 上帝(siōng-tè)，tī 真(tsin) 危險(guî-hiám) ê 時(sî)，hō͘ 伊(i) ê 信心(sìn-sim) kap 對(tuì) 上帝(siōng-tè) ê 認識(jīm-bat) 大(toā) 大(toā) 進步(tsìn-pō͘)，hō͘ 伊(i) 有(ū) 力量(le̍k-liōng) thang 過(kè) 重新(tiông-sin) 勝利(sèng-lī) ê 生活(sing-ua̍h)。

主(Tsú) ài 大衛(Tāi-pi̍t) 受(siū) 真(tsin) tsuē 年(nî) ê 苦楚(khó͘-tshó͘) 訓練(hùn-liān)，來(lâi) 學(o̍h) 會曉(oē-hiáu) 認識(jīm-bat) 上帝(siōng-tè) ê 全能(tsoân-lêng) kap 信實(sìn-si̍t)，也(iā) 增加(tsing-ka) 伊(i) 信心(sìn-sim) kap 虔誠(khiân-sêng)。這(tse) 是(sī) 做(tsoè) 以色列(Í-sik-lia̍t) 王(ông) 做(tsoè) 輝煌(hui-hông) 事工(sū-kang) 所(só͘) 需要(su-iàu) ê 原則(goân-tsik)。

保羅(Pó-lô) 受(siū) tio̍h siōng 危險(guî-hiám) ê 環境(khoân-kéng)，tsiah 學(o̍h) tio̍h 認識(jīm-bat) 上帝(siōng-tè) 應允(èng-ún) ê 完全(oân-tsoân) 意義(ì-gī)。這(tse) 應允(èng-ún) 是(sī)「有(ū) 我(goá) ê 恩(un)，你(lí) 就(tsiū) 夠額(kàu-gia̍h)。」(哥林多後書12：9)只有(tsí-ū) 經歷(king-le̍k) tio̍h 重大(tiōng-tāi) ê 試驗(tshì-giām) kap 危險(guî-hiám)，tsiah 會(oē) hō͘ 一部分(tsi̍t-pō͘-hūn) ê 人(lâng)，認識(jīm-bat) 主(Tsú)，信靠(sìn-khò) 主(Tsú)，也(iā) 當(tng) 需要(su-iàu) ê 時(sî)，對(tuì) 伊(i) 得(tit) tio̍h 真(tsin) tsuē 恩典(un-tián)。

困難(khùn-lân) kap 頭前(thâu-tsêng) ê 阻礙(tsó͘-gāi) 是(sī) 對(tuì) 咱(lán) 信心(sìn-sim) ê 挑戰(thiau-tsiàn)，tī 服事(ho̍k-sāi) ê 道路(tō-lō͘) tú-tio̍h 阻礙(tsó͘-gāi)。Ài 知(tsai)，tsiah-ê 阻礙(tsó͘-gāi) 擋路(tòng-lō͘) 是(sī) 信心(sìn-sim) ê 器具(khì-kū)，內面(lāi-bīn) 貯滿(té-moá) 耶穌(Iâ-so͘) 豐豐(hong-hong) 富富(hù-hù) ê 恩典(un-tián)。當(tng) 咱(lán) 憑(pîn) 信心(sìn-sim) 完全(oân-tsoân) 信靠(sìn-khò) 伊(i) 向前(hiòng-tsêng) ê 時(sî)，咱(lán) 可能(khó-lêng) 受(siū) tio̍h 考驗(khó-giām)。有時(ū-sî) ài 吞忍(thun-lún) thìng 候(hāu)，ài 知(tsai)，「吞忍(thun-lún) tio̍h hō͘ 伊(i) 到(kàu) 成功(sêng-kong)。」(雅各1：4)到尾(kàu-bé) 咱(lán) 會(oē) 發見(huat-kiàn)「石(tsio̍h) 已經(í-king) tuì 墓門(bōng-mn̂g) kō 開(khui)。」(路加24：2)主(Tsú) 本身(pún-sin) 準備(tsún-pī) 好(hó) teh 等(tán)，teh 期待(kî-thāi)，為(uī) 咱(lán) ê 考驗(khó-giām) 來(lâi) 加倍(ka-pē) 賜福(sù-hok)。──A. B. Simpson


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com