《台語荒漠甘泉（漢羅版）》

 | | | 轉寄

親近主

作者 陳清俊 譯 林俊育 漢羅翻寫 2009.11.08

listen
十一月初八(十一月八日)
「耶穌(Iâ-so͘) 帶(toà) 彼得(Pí-tet)、約翰(Iok-hān)、雅各(Ngá-kok) 相(saⁿ) kap 上山(tsiūⁿ-suaⁿ) 祈禱(kî-tó)。祈禱(kî-tó) ê 時(sî)，伊(i) ê 面貌(bīn-māu) 有(ū) 各樣(koh-iūⁿ)，伊(i) ê 衫(saⁿ) 白(pe̍h)，koh 光(kng) nà-nà。...彼得(Pí-tet) kap 同(tâng) tī-teh ê 人(lâng)...看見(khoàⁿ-kìⁿ) 耶穌(Iâ-so͘) ê 榮光(êng-kng)。」(路加9：28-29，32)

「我(goá) taⁿ 若(nā) tī 你(lí) ê 面前(bīn-tsêng) 得(tit) tio̍h 恩典(un-tián)，求(kiû) 你(lí) 將(tsiong) 你(lí) ê 路(lō͘) 指示(tsí-sī) 我(goá)。」(出埃及記33：13)

耶穌(Iâ-so͘) tshuā 三(saⁿ) 個(ê) 學生(ha̍k-sing) 上山(tsiūⁿ-suaⁿ)，hō͘ in kap 伊(i) 有(ū) 親密(tsin-bi̍t) ê 交陪(kau-poê)，in 「看見(khoàⁿ-kìⁿ) 伊(i) ê 榮光(êng-kng)，」koh 講(kóng)：「咱(lán) tī tsia 真(tsin) 好(hó)。」(路加9：32-33) Tuì hiah-ê 跟(kun) tè 主(tsú) tī 山頂(suaⁿ-téng) ê 人(lâng)，天堂(thian-tông) 永遠(éng-oán) 是(sī) buē 真(tsin) 遠(hn̄g)。

咱(lán) 中間(tiong-kan) 有(ū) 甚麼(sím-mi̍h) 人(lâng) tī 默想(be̍k-sióng)，祈禱(kî-tó) ê 是(sī) 無(bô) 看(khoàⁿ) tio̍h 天國(thian-kok) ê 門(mn̂g) ah？有(ū) 甚麼(sím-mi̍h) 人(lâng) kap 上帝(siōng-tè) 單獨(tan-to̍k) 溝通(kau-thong) ê 時(sî)，無(bô) 感覺(kám-kak) tio̍h 內心(lāi-sim) 大(toā) 激動(kik-tōng)，tam tio̍h 受(siū) 祝福(tsiok-hok) 喜樂(hí-lo̍k) ê 滋味(tsu-bī) ah？

主(tsú) kap 伊(i) ê 學生(ha̍k-sing) 安靜(an-tsēng) ê 交談(kau-tâm) lóng 是(sī) tī 特別(te̍k-pia̍t) ê 時間(sî-kan) kap 地點(tē-tiám)。有(ū) 一(tsi̍t) pái tī Hik-bûn 山(suaⁿ)，koh- khah 常(siông) 是(sī) tī 橄欖山(Kaⁿ-ná-suaⁿ)。每(muí) 一個(tsi̍t-ê) 基督徒(ki-tok-tô͘) lóng 應該(ing-kai) 有(ū) 伊(i) 家己(ka-kī) ê 橄欖山(Kaⁿ-ná-suaⁿ)。今(kin) á 日(ji̍t)，大多數(toā-to-sò͘) ê 人(lâng)，特別(te̍k-pia̍t) tuà tī 都市(to͘-tshī) ê 人(lâng)，生活(sing-ua̍h) 緊張(kín-tiuⁿ)，tuì 透早(thàu-tsá) 到(kàu) 暗(àm)，無(bô) 閒(êng) tshih-tshih，真(tsin) 少(tsió) 有(ū) 機會(ki-hoē) thang 默想(be̍k-sióng)、讀經(tha̍k-king)、祈禱(kî-tó)，心靈(sim-lêng) kap 主(tsú) ê 溝通(kau-thong)。

但以理(Tān-í-lí) tuà tī 崇拜(tsông-pài) 偶像(ngó͘-siōng) ê 巴比倫(pa-pí-lûn) ê 喧鬧(suan-nāu)中(tiong)，有(ū) 伊(i) 本身(pún-sin) ê 橄欖山(Kaⁿ-ná-suaⁿ) tī 伊(i) ê 房間(pâng-king)；彼得(Pí-tet) tī Iok-phàⁿ 有(ū) 一個(tsi̍t-ê) thang 祈禱(kî-tó) ê 厝頂(tshù-téng)；路德(Lō͘-tik) 馬丁(Má-ting)(Martin Luther) 有(ū) 一間(tsi̍t-king) 樓頂(lâu-téng) tī Ui-tin-bó (Wittenberg) thang 靈修(lêng-siu)、祈禱(kî-tó)；到(kàu) 現在(hiān-tsāi)，hit 所在(só͘-tsāi) 受(siū) 認定(jīm-tēng) 做(tsoè) 聖地(sèng-tē)，teh hông 參觀(tsham-kuan)。

十九(tsa̍p-káu) 世紀(sè-kí) 英國(Ing-kok) 公理會(Kong-lí-hoē) 牧師(bo̍k-su) Joseph Parker bat 講(kóng)：「假使(ká-sú) 咱(lán) 做(tsoè) 教會(kàu-hoē)，無(bô) 靈性(lêng-sèng) ê 異象(īⁿ-siōng) 見(kìⁿ) tio̍h 天國(thian-kok)，無(bô) 想(siūⁿ) khah 大(toā) ê 榮光(êng-kng) kap 性命(sìⁿ-miā)，咱(lán) 會(oē) 失去(sit-khì) 咱(lán) ê 信仰(sìn-gióng)，án-ni 咱(lán) ê 聖壇(sèng-toâⁿ) 只是(tsí-sī) tsit-tè 冰冰(ping-ping) 冷冷(léng-léng)，空空(khang-khang) ê 石頭(tsio̍h-thâu)，得(tit) buē-tio̍h 天(thiⁿ) 來(lâi) ê 祝福(tsiok-hok)。」現今(hiān-kim) 世界(sè-kài) 所(só͘) 需要(su-iàu) ê 就(tsiū) 是(sī) 有(ū) 看(khoàⁿ) 過(kè) 主(tsú) ê 人(lâng)。──tuì《失去默想ê藝術》

親近(tshin-kūn) 主(tsú)！可能(khó-lêng) 伊(i) 今日(kim-ji̍t) 帶(toà) 你(lí) 到(kàu) 山頂(suaⁿ-téng)，就(tsiū) 是(sī) 伊(i) 帶(toà) 容易(iông-īⁿ) 出錯(tshut-tshò) ê 彼得(Pí-tet)，kap 雅各(Ngá-kok)、約翰(Iok-hān)，就(tsiū) 是(sī)「雷(luî) ê kiáⁿ」(馬可3：17)常常(siông-siông) 誤解(gō͘-kái) 主(tsú) kap 伊(i) 使命(sú-bēng) 常常(siông-siông) 去(khì) ê 所在(só͘-tsāi)。伊(i) 無(bô) 理由(lí-iû) m̄ 帶(toà) 你(lí) 去(khì)，所以(só͘-í) m̄-thang 拒絕(kū-tsua̍t) 家己(ka-kī) 講(kóng)：

「Hiah-ê 主(tsú) ê 奇妙(kî-biāu) 異象(īⁿ-siōng) kap 啟示(khé-sī) 是(sī) 為(uī) 別人(pa̍t-lâng)，m̄ 是(sī) 為(uī) 我(goá)！」其實(kî-si̍t) tsiah-ê lóng 是(sī) 為(uī) tio̍h 你(lí)！──John Thomas McNeill


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com