《台語荒漠甘泉（漢羅版）》

 | | | 轉寄

主koh來

作者 陳清俊 譯 林俊育 漢羅翻寫 2009.12.06

listen 十二月初六(十二月六日)

「我(goá) 緊緊(kín-kín) 到(kàu)；你(lí) 所有(só͘-ū) ê tio̍h 持守(tshî-siú) 伊(i)，免(bián) 得(tit) 有(ū) 人(lâng) 搶(tshiúⁿ) 你(lí) ê 冕旒(bián-liû)。」(啟示-liok 3：11)

Plymooth兄弟(hiaⁿ-tī) 會(oē) 一個(tsi̍t-ê) 領導(léng-tō) 人(lâng) George Mueller bat án-ni 見證(kiàn-tsèng) 講(kóng)：「Tī 主後(Tsú-āu) 1829 年(nî) 七(tsit) 月(ge̍h)，上帝(siōng-tè) 啟示(khé-sī) 主(Tsú) 耶穌(Iâ-so͘) koh 來(lâi) ê 真理(tsin-lí) hō͘ 我(goá) 看(khoàⁿ)，指出(tsí-tshut) 我(goá) ê 大(toā) 錯誤(tshò-ngō͘)：坐(tsē) teh thìng 候(hāu) 世人(sè-jîn) ê 完全(oân-tsoân) 悔改(hoé-kái)，hō͘ 我(goá) 靈魂(lêng-hûn) 受(siū) 深深(tshim-tshim) ê 感動(kám-tōng)。我(goá) 主動(tsú-tōng) 去(khì) 同情(tông-tsêng) teh 沈淪(tîm-lûn) ê 罪人(tsoē-jîn)，kap 受(siū) 邪惡(siâ-ok)，對敵(tuì-te̍k) 重眠(tāng-bîn) ê 世界(sè-kài)。我(goá) 開始(khai-sí) 想(siūⁿ)，我(goá) kiám 無(bô) 應該(ing-kai) 盡(tsīn) 我(goá) ê 力量(le̍k-liōng)，tī 伊(i) koh 來(lâi) 以前(í-tsêng)，喚起(hoàn-khí)，叫醒(kiò-tshíⁿ) teh 重眠(tāng-bîn) ê 教會(kàu-hoē) mah？」

Tī 伊(i) koh 來(lâi) 實現(si̍t-hiān) 前(tsêng)，可能(khó-lêng) iáu 有(ū) 真(tsin) tsuē 困難(khùn-lân) 年(nî) thang phah 拚(piàⁿ) 工作(kang-tsok)。

現今(hiān-kim) 伊(i) koh 來(lâi) ê 兆頭(tiāu-thâu) hō͘ 人(lâng) 真(tsin) 興奮(hing-hùn) 鼓舞(kó͘-bú)。事實(sū-si̍t) 上(siōng) 若是(nā-sī) 今(kin) á 日(ji̍t) tī 日落(ji̍t-lo̍h) 以前(í-tsêng)，有(ū) 天使(thiⁿ-sài) 展開(tián-khui) in ê 翼(si̍t)，勝利(sèng-lī) teh 飛(pe) 來(lâi)，我(goá) mā buē 感覺(kám-kak) 奇怪(kî-koài)。假使(ká-sú) 明(bêng) á 早起(tsá-khí)，新聞(sin-bûn) 宣佈(suan-pò͘) 驚(kiaⁿ) 人(lâng) 人(lâng) 大(toā) 消息(siau-sit) 講(kóng)，主(Tsú) 耶穌(Iâ-so͘) 已經(í-king) 降臨(kàng-lîm) tī 橄欖山(Kaⁿ-ná-suaⁿ) á 是(sī) tī 各各他(Kok-kok-thaⁿ) 山(suaⁿ)，宣告(suan-kò) 統治(thóng-tī) 掌管(tsiáng-koán) 全(tsoân) 世界(sè-kài)，我(goá) 也(iā) buē tio̍h 驚(kiaⁿ)。

Ah，死死(sí-sí) 無(bô) 活氣(ua̍h-khì) ê 教會(kàu-hoē)，醒(tshíⁿ) 起來(khí-lâi) ah！基督(ki-tok) ah，請(tshiáⁿ) 降臨(kàng-lîm)！帶(toà) 傷(siong)ê頭(thâu)，戴(tì)你(lí) ê 冠冕(kuan-bián)！受傷(siū-siong) ê 雙手(siang-tshiú) the̍h 起(khí) 你(lí) 權柄(koân-pèng) ê 拐(koáiⁿ)！受傷(siū-siong) ê 雙腳(siang-kha)，行(kiâⁿ) 到(kàu) 你(lí) ê 寶座(pó-tsō)！「因為(in-uī) 國(kok) lóng 是(sī) 你(lí) ê。」(馬太6：13)

當(tng) 你(lí) 一日(tsi̍t-ji̍t) ê 工(kang) 做完(tsò-oân)，可能(khó-lêng) tī 暗時(àm-sî)，
你(lí) 有(ū) 閒(êng)，有(ū) 時間(sî-kan) 看(khoàⁿ) 日頭(ji̍t-thâu) 沉落(tîm-lo̍h) 去(khì)，
日光(ji̍t-kng) 漸漸(tsiām-tsiām) 消失(siau-sit) tī 海(hái) 裡(nih)，
平靜(pêng-tsēng) 神聖(sîn-sèng) ê 時(sî)，思想(su-sióng) 我(goá) ê 時(sî)，
聽(thiaⁿ) tio̍h gín-ná tī 街路(kue-lō͘) 走來(tsáu-lâi) 走去(tsáu-khì)。

行(kiâⁿ) 過(kè) ê 腳步(kha-pō͘)，可能(khó-lêng) 有(ū) 我(goá) ê 腳步(kha-pō͘) 聲(siaⁿ)，
我(goá) kā 你(lí) 講(kóng)，tio̍h 驚醒(kéng-séng)！看(khoàⁿ) 暗暝(àm-mî) 天星(thiⁿ-tshiⁿ) ê 影(iáⁿ)。
房間(pâng-king) ná 來(lâi) ná 暗(àm)，ná 雲(hûn) 遠(hn̄g) 遠(hn̄g) 無(bô) 實在(si̍t-tsāi)。
關(kuaiⁿ)門(mn̂g) tshuàⁿ 好(hó)，等(tán) tī 厝內(tshù-lāi)，
可能(khó-lêng) 今(kin) 暝(mî) 我(goá) beh 來(lâi)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com