《台語荒漠甘泉（漢羅版）》

 | | | 轉寄

Siōng烏暗ê時

作者 陳清俊 譯 林俊育 漢羅翻寫 2009.12.13

listen 十二月十三(十二月十三日)
「我(goá) beh 將(tsiong) 暗中(àm-tiong) ê 寶物(pó-bu̍t)...賞賜(siúⁿ-sù) 你(lí)。」(以賽亞45：3)

Tī Bê-lú-jín ê 首都(siú-to͘) Bu-lú-se-lú (Brussels, Belgium)有(ū) 一間(tsi̍t-king) lè-sú (lace) 店(tiàm)(做(tsoè) 衫(saⁿ) 用(ēng)，車(tshia) tī 衫(saⁿ) 墘(kîⁿ))內面(lāi-bīn) 有(ū) 特別(te̍k-pia̍t) 房(pâng)，專門(tsuan-bûn) 織(tsit) 世界(sè-kài) siōng-suí siōng 好(hó) ê lè-sú，也(iā) 有(ū) siōng 特殊(te̍k-sû) ê 花樣(hue-iūⁿ)。每(muí) 一間(tsi̍t-king) lóng 是(sī) 暗(àm) so-so，只有(tsí-ū) 一個(tsi̍t-ê) 細細(soè-soè) ê 窗(thang) hō͘ 光(kng) 照(tsiò) tī 所(só͘) beh 織(tsit) ê 絲(si) á 線(soàⁿ) 頂面(téng-bīn)。每(muí) 一間(tsi̍t-king) 只有(tsí-ū) 一個(tsi̍t-ê) 人(lâng)，專心(tsuan-sim) tī 烏暗(o͘-àm) 中(tiong) 織(tsit)，只有(tsí-ū) án-ni，光(kng) 只有(tsí-ū) 照(tsiò) tī 所(só͘) beh 織(tsit) ê 線(soàⁿ)，所(só͘) 織(tsit) 出來(tshut-lâi) tsiah 會(oē) 織(tsit) 了(liáu) 真(tsin) 幼(iù)，真(tsin) 精密(tsing-bi̍t)。

咱(lán) ê 人生(jîn-sing) 有時(ū-sî) 比(pí) 這(tse) khah 烏暗(o͘-àm)，因為(in-uī) 咱(lán) 看(khoàⁿ) buē-tio̍h 咱(lán) 所(só͘) 織(tsit) ê 物(mi̍h)，也(iā) 無(bô) 了解(liáu-kài) 咱(lán) teh 做(tsoè) 甚麼(sím-mi̍h)，咱(lán) 也(iā) 看(khoàⁿ) buē-tio̍h 咱(lán) 所(só͘) 經歷(king-le̍k) ê 美麗(bí-lē) kap 利益(lī-ik)。總是(tsóng-sī) 咱(lán) 忠心(tiong-sim) 向前(hiòng-tsêng) 行(kiâⁿ)，「m̄-thang 失志(sit-tsì)。」(加拉太6：9)有(ū) 一日(tsi̍t-ji̍t)，咱(lán) beh 知(tsai) 一生(it-sing) siōng 奇妙(kî-biāu) ê 工作(kang-tsok) 就(tsiū) 是(sī) tī siōng 烏暗(o͘-àm) ê 時(sî) 完成(oân-sêng)。

假使(ká-sú) 你(lí) 生活(sing-ua̍h) tī 深深(tshim-tshim) ê 烏暗(o͘-àm) 中(tiong)，莫得(bo̍h-tit) 驚(kiaⁿ)，因為(in-uī) 上帝(siōng-tè) 用(ēng) 這(tse) 特別(te̍k-pia̍t) koh 奧妙(ò-biāu) ê 方法(hong-huat) teh 行(kiâⁿ) tāi-tsì。憑(pîn) 信心(sìn-sim) kap 疼心(thiàⁿ-sim) 向前(hiòng-tsêng) 行(kiâⁿ)，對(tuì) 伊(i) 永(éng) 無(bô) 懷疑(hoâi-gî)。伊(i) 看顧(khoàⁿ-kò͘) 你(lí)，tī 你(lí) 一切(it-tshè) ê 痛苦(thòng-khó͘) 目屎(ba̍k-sái) 了後(liáu-āu)，beh hō͘ 你(lí) ê 是(sī) 美善(bí-siān) 有(ū) 好處(hó-tshù)。──J. R. Miller

伊(i) ê 梳(so͘) 照(tsiàu) 伊(i) ê 心意(sim-ì) 織出(tsit-tshut) 伊(i) 設計(siat-kè) ê 圖樣(tô͘-iūⁿ)，
M̄-thang siuⁿ 緊(kín) 嫌(hiâm) 伊(i) ê 工(kang) kap 伊(i) ê 主張(tsú-tiuⁿ)，
看(khoàⁿ) tio̍h 烏烏(o͘-o͘) 絲線(si-soàⁿ) 顯(hián) tī 織品(tsit-phín) 上(tsiūⁿ)，
也(iā) beh 有(ū) 金(kim) sih-sih ê 金線(kim-soàⁿ) 作伙(tsoè-hé) 鑲(siuⁿ)。

用(ēng) 歡喜(huaⁿ-hí)，m̄ 是(sī) 啼哭(thî-khàu) 來(lâi) 織(tsit)，
伊(i) 體念(thé-liām) 你(lí) ê 品質(phín-tsit)，
小(sió) 心(sim) koh 祈禱(kî-tó) ê 心情(sim-tsêng) 織(tsit)，
用(ēng) 甚麼(sím-mi̍h) 絲線(si-soàⁿ) 在(tsāi) tī 上帝(siōng-tè) ê 手筆(tshiú-pit)。──tuì「加拿大家庭雜誌」



附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com