《台語荒漠甘泉（漢羅版）》

 | | | 轉寄

鐵鏈

作者 陳清俊 譯 林俊育 漢羅翻寫 2009.12.27

listen 十二月二七(十二月二十七日)
「伊(i) 受(siū) 鐵鏈(thih-liān) 綑縛(khún-pa̍k)；」(詩篇105：18)

少年(siàu-liân) ê 時(sî)，背(pē) 重擔(tāng-tàⁿ)，受(siū) 憂傷(iu-siong) kap 失望(sit-bōng) ê 鐵鏈(thih-liān)，心靈(sim-lêng) 抵抗(té-khòng) 罪惡(tsoē-ok) ê 引誘(ín-iú)，lóng 是(sī) 發展(huat-tián) 出(tshut) 親像(tsin-tshiūⁿ) 鐵(thih) 一般(tsi̍t-puaⁿ) ê 堅定(kian-tēng) 意志(ì-tsì)，有(ū) 忍耐(jím-nāi)，有(ū) 毅力(gē-le̍k)。
Tsiah-ê 性質(sèng-tsit) 是(sī) 高超(ko-tshiau) 性格(sèng-keh) 所(só͘) buē-thang 無(bô) ê 基本(ki-pún) 基礎(ki-tshó͘)。

你(lí) ê 一生(it-sing) 是(sī) m̄ 是(sī) tī 單調(tan-tiāu) 生活(sing-ua̍h) 中(tiong) 浪費(lōng-huì) 掉(tiāu)，溜(liu) 過去(kè-khì)？你(lí) kiám bat 受(siū) 人(lâng) 反對(hoán-tuì)，受(siū) 人(lâng) 誤會(gō͘-hoē)，受(siū) 人(lâng) 責備(tsik-pī) mah？你(lí) ê 苦痛(khó͘-thàng) kiám 親像(tsin-tshiūⁿ) tī 深山(tshim-suaⁿ) 林內(nâ-lāi)，所(só͘) 踏(ta̍h) ê 樹葉(tshiū-hio̍h) 樹枝(tshiū-ki) 雜草(tsa̍p-tsháu) hiah 深(tshim)，hiah pháiⁿ 行(kiâⁿ)，hiah pháiⁿ 忍受(jím-siū) mah？若是(nā-sī) án-ni，m̄-thang 灰心(hue-sim)，ài 用(ēng) 心(sim)，因為(in-uī) 上帝(siōng-tè) 將(tsiong) 你(lí) hē tī 鐵般(thih-puaⁿ) ê 訓練(hùn-liān)。Ài 食苦(tsia̍h-khó͘)，tsiah 會(oē) 得(tit) 榮光(êng-kng) ê 金帽(kim-bō)。苦痛(khó͘-thàng) 進入(tsìn-ji̍p) 你(lí) ê 靈(lêng)，變(piàn) 鋼鐵(kǹg-thih)，hō͘ 你(lí) 堅強(kian-kiông) 勇敢(ióng-kám)。──F. B. Meyer

無(bô) 嫌(hiâm) 路(lō͘) 高低(koân-kē) 無(bô) 平(pîⁿ)，無(bô) 嫌(hiâm) 路(lō͘) 真(tsin) 崎(kiā)，
寒冷(hân-léng) ê 透早(thàu-tsá)，á 是(sī) 炎熱(iām-jia̍t) ê 中晝(tiong-tàu) lóng m̄ 驚(kiaⁿ)，
無(bô) 偏(phian) 左(tsó) 偏(phian) 右(iū)，也(iā) 無(bô) ua̍t-tńg 身(sin) 行(kiâⁿ)，
向前(hiòng-tsêng) 行(kiâⁿ)，不管(put-koán) 是(sī) 日時(ji̍t-sî) á 是(sī) 烏暗(o͘-àm) 也(iā)，
Tsit 條(tiâu) 路(lō͘) 是(sī) 透(thàu) tńg 去(khì) 厝(tshù)──天(thiⁿ) 城(siâⁿ)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com