《台語荒漠甘泉（漢羅版）》

 | | | 轉寄

單獨

作者 陳清俊 譯 林俊育 漢羅翻寫 2009.12.20

listen 十二月二十(十二月二十日)

「總是(tsóng-sī) 我(goá) m̄ 是(sī) 家己(ka-kī) tī-teh，因為(in-uī) 父(Pē) kap 我(goá) tī-teh。(約翰16：32)
無(bô) 必要(pit-iàu) 講(kóng)，為(uī) tio̍h 信仰(sìn-gióng) ê 實現(si̍t-hiān) tio̍h 做(tsoè) 真(tsin) 大(toā) ê 犧牲(hi-sing)。不過(put-kò) tio̍h tuì 某(bó͘) 種(tsèng) 人(lâng) kap 事(sū) 隔離(keh-lī)，ná 親像(tsin-tshiūⁿ) 有(ū) 感覺(kám-kak) 奇怪(kî-koài) ê 失落(sit-lo̍h) kap 孤單(ko͘-tuaⁿ)。一個(tsi̍t-ê) 人(lâng) 會(oē) 親像(tsin-tshiūⁿ) 鷹(ing) 飛(pe) 高高(koâiⁿ-koâiⁿ)，tuà tī 上帝(siōng-tè) ê 榮光(êng-kng) 下(ē)，應該(ing-kai) 能(oē) 滿意(moá-ì) tī 一種(tsi̍t-tsióng) khak 孤獨(ko͘-to̍k) ê 生活(sing-ua̍h)。

鳥類(tsiáu-luī) 中(tiong)，大(toā) 鷹(ing) 是(sī) siōng 孤獨(ko͘-to̍k) ê 鳥(tsiáu)，咱(lán) m̄-bat 看(khoàⁿ) tio̍h 鷹(ing) kui 群(kûn) teh 飛(pe)，也(iā) 真(tsin) 難得(lân-tit) 看(khoàⁿ) tio̍h 兩(nn̄g) 隻(tsiah) 鷹鳥(ing-tsiáu) 作伙(tsoè-hé) tī 空中(khong-tiong)。一個(tsi̍t-ê) 奉獻(hōng-hiàn) 性命(sìⁿ-miā) hō͘ 上帝(siōng-tè) ê 人(lâng)，掠(lia̍h) 認識(jīm-bat) 上帝(siōng-tè)，享受(hiáng-siū) kap 上帝(siōng-tè) 交往(kau-óng) 做(tsoè) 快樂(khoài-lo̍k)，是(sī) 無管(bô-koán) 沿路(iân-lō͘) 會(oē) 失去(sit-khì) juā-tsuē 世間(sè-kan) ê 友誼(iú-gî)。

上帝(siōng-tè) tshē 求(kiû) 親像(tsin-tshiūⁿ) 鷹(ing) ê hit 種(tsióng) 人(lâng)，人(lâng) 若(nā) buē 曉(hiáu) 單獨(tan-to̍k) kap 上帝(siōng-tè) 同行(tâng-kiâⁿ)，就(tsiū) tī 伊(i) 靈性(lêng-sèng) 生活(sing-ua̍h) buē-thang 充分(tshiong-hun) 認識(jīm-bat) 上帝(siōng-tè) siōng 好(hó) siōng-suí ê 物(mi̍h)。咱(lán) 看(khoàⁿ) 亞伯拉罕(A-pik-la̍h-hán) 單獨(tan-to̍k) tuà 「迦南(Ka-lâm) 地(toē)，羅得(Lô-tik) khiā 起(khí) 平洋(pîⁿ-iûⁿ) tsiah-ê 城(siâⁿ)，徙(soá) 伊(i) ê 布棚(pò͘-pîⁿ) 到(kàu) 所多瑪(Só͘-to-má)。」(創世記13：12)摩西(Mô͘-se) 雖然(sui-jiân) 有(ū) 埃及(Ai-ki̍p) 所有(só͘-ū) ê 智識(tì-sik)，iáu tio̍h 單獨(tan-to̍k) tī 沙漠(sua-bô͘) kap 主(Tsú) 同在(tông-tsāi) 四十(sì-tsa̍p) 年(nî)。保羅(Pó-lô) 雖然(sui-jiân) 有(ū) tsuē-tsuē 希臘(Hi-lia̍p) ê 智識(tì-sik)，koh 做(tsoè)「Ka-má-lia̍t ê 學生(ha̍k-sing)」(使徒行傳22：3)，當(tng) tú tio̍h 耶穌(Iâ-so͘) 了後(liáu-āu)，就(tsiū)「獨獨(to̍k-to̍k) 去(khì) A-lat-pik」 (加拉太1：17)，生活(sing-ua̍h) tī 沙漠(sua-bô͘) 地(toē) 單獨(tan-to̍k) ǹg 上帝(siōng-tè) 學習(ha̍k-si̍p)。

願(goān) 咱(lán) hō͘ 上帝(siōng-tè) 孤立(ko͘-li̍p) 咱(lán)，m̄ 是(sī) 親像(tsin-tshiūⁿ) 修道院(siu-tō-īⁿ) hit 種(tsióng) ê 隔離(keh-lī)，是(sī) tī 隔離(keh-lī) 經驗(king-giām) 中(tiong) 主(Tsú) tī 咱(lán) 內面(lāi-bīn) 產生(sán-sing) 一種(tsi̍t-tsióng) 生活(sing-ua̍h) kap 信心(sìn-sim) ê 獨立(to̍k-li̍p)，心內(sim-lāi) 無(bô) koh uá 靠(khò) 別人(pa̍t-lâng) ê 幫贊(pang-tsān)，祈禱(kî-tó) 信心(sìn-sim) ê 鼓勵(kó͘-lē) kap 照顧(tsiàu-kò͘)。別人(pa̍t-lâng) ê 幫贊(pang-tsān) kap 鼓勵(kó͘-lē) 是(sī) 必要(pit-iàu)，tī 基督徒(ki-tok-tô͘) ê 成長(sêng-tióng) 是(sī) 真(tsin) 重要(tiōng-iàu)，不過(put-kò) tī 某(bó͘) 一個(tsi̍t-ê) 時(sî) tsūn 也會(iā-oē) 妨礙(hông-gāi) tio̍h 信心(sìn-sim) ê 成長(sêng-tióng)。

上帝(siōng-tè) 知(tsai) 怎樣(tsáiⁿ-iūⁿ) 改變(kái-piàn) 咱(lán) ê 環境(khoân-kéng) hō͘ 咱(lán) 孤獨(ko͘-to̍k) 一(tsi̍t) 人(lâng) 來(lâi) 培養(poê-ióng) 咱(lán)，咱(lán) 一旦(it-tàn) 順服(sūn-ho̍k) 上帝(siōng-tè)，得(tit) tio̍h tsit 種(tsióng) 孤獨(ko͘-to̍k) ê 經歷(king-le̍k)，咱(lán) 就(tsiū) 無(bô) koh uá 靠(khò) 咱(lán) 周圍(tsiu-uî) ê 人(lâng)，雖然(sui-jiân) 咱(lán) iáu-kú 親像(tsin-tshiūⁿ) 過去(kè-khì) hiah-nih 疼(thiàⁿ) in。然後(jiân-āu) 咱(lán) 就(tsiū) 認識(jīm-bat) tio̍h，上帝(siōng-tè) tī 咱(lán) 內面(lāi-bīn) 做(tsoè) 了(liáu) 一件(tsi̍t-kiāⁿ) 新(sin) ê 事(sū)，咱(lán) 心靈(sim-lêng) ê 翼股(si̍t-kó͘) 已經(í-king) 學(o̍h) 會曉(oē-hiáu) 飛(pe) ǹg 空中(khong-tiong)lah。

咱(lán) 必須(pit-su) 有(ū) 勇氣(ióng-khì) 敢(káⁿ) 單獨(tan-to̍k) 生活(sing-ua̍h)，親像(tsin-tshiūⁿ) 雅各(Ngá-kok) 必須(pit-su) tī 單獨(tan-to̍k) 一(tsi̍t) 人(lâng)，hō͘ 上帝(siōng-tè) ê 使者(sù-tsiá) thang tī 伊(i) ê 耳孔(hīⁿ-khang) 邊(piⁿ) 細(soè) 聲(siaⁿ) 講(kóng)：「你(lí) ê 名(miâ) 無(bô) beh koh 叫(kiò) 雅各(Ngá-kok)，beh 叫做(kiò-tsoè) 以色列(Í-sik-lia̍t)。」(創世記32：28)親像(tsin-tshiūⁿ) 但以理(Tān-í-lí) 單獨(tan-to̍k) 一(tsi̍t) 人(lâng)，tsiah 看見(khoàⁿ-kìⁿ) 天頂(thiⁿ-téng) 來(lâi) ê 異象(īⁿ-siōng)；約翰(Iok-hān) 受(siū) 放逐(hòng-tio̍k) 到(kàu) Pua̍t-mô͘ 海島(hái-tó)，tsiah 會(oē) 得(tit) tio̍h hâm 記錄(kì-lo̍k)「耶穌(Iâ-so͘) 基督(ki-tok) ê 啟示(khé-sī)，就(tsiū) 是(sī) 上帝(siōng-tè) 所(só͘) hō͘ 伊(i)。」(啟示錄1：1)

伊(i) 為(uī) tio̍h 咱(lán)「家己(ka-kī) 一個(tsi̍t-ê) 踏(ta̍h) 酒窟(tsiú-khut)。」(以賽亞63：3)所以(só͘-í) 咱(lán) 有(ū) 準備(tsún-pī) 一個(tsi̍t-ê) 時間(sî-kan) 是(sī)「榮耀(êng-iāu) 上帝(siōng-tè) 單獨(tan-to̍k) 一(tsi̍t) 人(lâng)」(參考約翰17：1) Á 是(sī) 會(oē) hō͘ 伊(i) 失望(sit-bōng)？



附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com