《台語荒漠甘泉（漢羅版）》

 | | | 轉寄

關門，開門

作者 陳清俊 譯 林俊育 漢羅翻寫 2010.01.10

listen 正月初十(一月十日)
「因為(in-uī) 聖神(sèng-sîn) bat 禁(kìm) in 傳(thoân) 道理(tō-lí) tī 亞西亞(A-se-a)。」(使徒行傳16:6)

這(tse) 是(sī) 真(tsin) 趣味(tshù-bī) ê 事(sū)，早期(tsá-kî)，上帝(siōng-tè) án-tsuáⁿ 帶領(tài-niá) 早(tsá) 時(sî) 傳(thoân) 十字架(si̍p-jī-kè) 福音(hok-im) ê 使者(sù-tsiá)。方法(hong-huat) 是(sī) 禁止(kìm-tsí) in 去(khì)，in 想(siūⁿ) beh 去(khì)，但是(tān-sī) 不應該(put-ing-kai) 去(khì) ê 所在(só͘-tsāi)。保羅(Pó-lô) 想(siūⁿ) beh 去(khì) 亞西亞(A-se-a) 傳(thoân) 福音(hok-im)，聖靈(sèng-lêng) 禁止(kìm-tsí) in 去(khì)；in koh 想(siūⁿ) beh 去(khì) 小(sió) 亞西亞(A-se-a) ê Pì-tshui-nî,伊(i) 也(iā) 禁止(kìm-tsí) in。雖然(sui-jiân) 最後(tsoè-āu) 保羅(Pó-lô) tī 晚年(boán-nî)，tī 亞西亞(A-se-a)，所(só͘) 禁(kìm) ê 城市(siâⁿ-tshī)，有(ū) 做(tsoè) siōng 偉大(uí-tāi) ê 佈道(pò͘-tō) 事工(sū-kang)，但是(tān-sī) 現此時(hiān-tshú-sî)，聖靈(sèng-lêng) 卻(khiok) 無(bô) 允准(ín-tsún) in 去(khì)，將(tsiong) 門(mn̂g) 關(kuaiⁿ) 起來(khí-lâi)，因為(in-uī) 時(sî) iáu-buē 到(kàu)。Tuì 撒旦(Sat-tàn) 所(só͘) 防守(hông-siú) 堅強(kian-kiông) ê 所在(só͘-tsāi) 進攻(tsìn-kong)，必須(pit-su) 先(sing) hō͘ 阿波羅(A-pho-lô) 做(tsoè) 基層(ki-tsân) ê 工作(kang-tsok)。Tsit 時(sî) 別(pa̍t) ê 所在(só͘-tsāi) 需要(su-iàu) 保羅(Pó-lô) kap 巴拿巴(Pa-na-pa)，in 也(iā) 需要(su-iàu) khah-tsuē ê 操練(tshau-liān)，tsiah 負(hū) 會(oē) 起(khí) khah 大(toā) ê 責任(tsik-jīm)。

親愛(tshin-ài) ê 朋友(pêng-iú)，你(lí) 若(nā) m̄ 知(tsai) beh 行(kiâⁿ) ê 方向(hong-hiòng)，就(tsiū) 應該(ing-kai) 交(kau) hō͘ 聖靈(sèng-lêng) 決定(kuat-tēng)。伊(i) beh 關(kuaiⁿ) 所有(só͘-ū) ê 門(mn̂g)，tshun 所(só͘) 應該(ing-kai) 行(kiâⁿ) hit-ê 門(mn̂g) 開(khui)。你(lí) thang 對(tuì) 伊(i) 講(kóng)：「聖靈(sèng-lêng) ah,我(goá) 信任(sìn-jīm) 你(lí) 將(tsiong) 無(bô) 合(ha̍p) tī 上帝(siōng-tè) 旨意(tsí-ì) ê 門(mn̂g) 關(kuaiⁿ) 起來(khí-lâi)，hō͘ 我(goá) sūn-thàn 你(lí) ê 指揮(tsí-hui)，會(oē) 聽(thiaⁿ) tio̍h 你(lí) ê 聲(siaⁿ) 講(kóng)：「向(hiòng) 左(tsó)，向(hiòng) 右(iū)」。(申命記5:32)

Tsit 時(sî)，你(lí) 應該(ing-kai) 繼續(kè-sio̍k) 你(lí) ê 路程(lō͘-thêng)，堅守(kian-siú) 上帝(siōng-tè) ê 呼召(ho͘-tiàu)，若(nā) 無(bô) 上帝(siōng-tè) 清楚(tshing-tshó) ê 指示(tsí-sī)，m̄-thang 改變(kái-piàn)。天(thiⁿ) 路(lō͘) ê 旅客(lí-kheh) ah,耶穌(Iâ-so͘) ê 靈(lêng) án-tsuáⁿ 對待(tuì-thāi) 保羅(Pó-lô)，也(iā) beh án-ni 指示(tsí-sī) 你(lí)。咱(lán) ài 小心(sió-sim) 聽(thiaⁿ) 細細(soè-soè) ê 指示(tsí-sī) á 是(sī) 警告(kéng-kò)。信心(sìn-sim) ê 祈禱(kî-tó)，若(nā) 無(bô) 阻擋(tsó͘-tòng)，就(tsiū) 放心(hòng-sim) 去(khì) 行(kiâⁿ)。無(bô) 得(tit) 奇怪(kî-koài)，有時(ū-sî) tú-tú beh 踏(ta̍h) 出(tshut)，門(mn̂g) suah 關(kuaiⁿ) 起來(khí-lâi)，向(hiòng) 左(tsó)，向(hiòng) 右(iū) ê 門(mn̂g) lóng 關(kuaiⁿ) 起來(khí-lâi)，卻(khiok) 是(sī) beh ín-tshuā 你(lí) 去(khì) Ti̍k-lô-a 大(toā) 路(lō͘) ê 門(mn̂g) 大(toā) 開(khui)。Tī hia 有(ū) 同工(tâng-kang) 路加(Lō͘-ka) teh 等(tán) 你(lí)。異象(īⁿ-siōng) 會(oē) 指示(tsí-sī) tó 一(tsi̍t) 所在(só͘-tsāi) 有(ū) 機會(ki-hoē)，有(ū) 忠心(tiong-sim) ê 朋友(pêng-iú) teh 等(tán) 你(lí)。---F. B. Meyer

人生(jîn-sing) tú-tio̍h 問題(būn-tê) ê 時(sî)，
前途(tsiân-tô͘) 無知(bû-ti) 亦(ia̍h) 神秘(sîn-pì)，
上帝(siōng-tè) 顯明(hián-bêng) hō͘ 你(lí) 看見(khoàⁿ-kìⁿ)，
伊(i) 有(ū) 鎖匙(só-sî)。

人(lâng) 看(khoàⁿ) 好(hó) 時期(sî-kî)，
上帝(siōng-tè) 卻(khiok) 關(kuaiⁿ) 伊(i)，
信任(sìn-jīm) thìng-hāu 伊(i)，
伊(i) 有(ū) 鎖匙(só-sî)。

虔誠(khiân-sêng) 祈禱(kî-tó) 無(bô) 合意(kah-ì)，
Á 是(sī) 無(bô) 回(hoê) teh 延遲(iân-tî)，
上帝(siōng-tè) 漸漸(tsiām-tsiām) 顯明(hián-bêng) 伊(i) 旨意(tsí-ì)，
伊(i) 有(ū) 鎖匙(só-sî)。

耐心(nāi-sim) ê 上帝(siōng-tè) 是(sī) 全能(tsoân-lêng)、全智(tsoân-tì)，
耐心(nāi-sim) thìng-hāu,伊(i) buē 延遲(iân-tî)，
你(lí) beh 行(kiâⁿ) 入(ji̍p) ê 門扇(mn̂g-sìⁿ)，
伊(i) 有(ū) 鎖匙(só-sî)。

妥當(thò-tòng) 安慰(an-uì)，甘甜(kam-tiⁿ) 又(iū) 福氣(hok-khì)，
伊(i) 有(ū) 每(muí) ê 門(mn̂g) ê 鎖匙(só-sî)，
Tī siōng 適當(sik-tòng) ê 時(sî)，
Beh 交(kau) hō͘ 你(lí)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com