《台語荒漠甘泉（漢羅版）》

 | | | 轉寄

永活ê上帝

作者 陳清俊 譯 林俊育 漢羅翻寫 2010.01.17

listen 正月十七(一月十七日)
「永活(éng-ua̍h) 上帝(siōng-tè) ê 奴僕(lô͘-po̍k)，但以理(Tān-í-lí) ah,你(lí) ê 上帝(siōng-tè)，你(lí) 所(só͘) 常常(siông-siông) 服事(ho̍k-sāi) ê,會(oē) 救(kiù) 你(lí) 脫離(thuat-lî) hiah-ê 獅(sai) mah?」(但以理6:20)

聖經(sèng-king) 中(tiong) 講(kóng)「永活(éng-ua̍h) ê 上帝(siōng-tè)」真(tsin) tsuē pái,但是(tān-sī) 咱(lán) 常常(siông-siông) suah 忽略(hut-lio̍k) 去(khì) tsit-ê 事(sū)。咱(lán) 知影(tsai-iáⁿ) 寫(siá)「永活(éng-ua̍h) ê 上帝(siōng-tè)」，總是(tsóng-sī) 日常(ji̍t-siông) 生活(sing-ua̍h) ê 時(sî)，suah 無(bô) 想(siūⁿ) 上帝(siōng-tè) 是(sī)「永活(éng-ua̍h)」，是(sī)「活活(ua̍h-ua̍h)」，buē 記得(kì-tit) 三(saⁿ) 四(sì) 千年(tshing-nî) 前(tsêng) ê 上帝(siōng-tè)，tī 今(kin) á 日(ji̍t) 伊(i) iáu 有(ū) siāng 款(khoán) ê 權柄(koân-pèng)，siāng 款(khoán) 對(tuì) 疼(thiàⁿ) 伊(i)、服事(ho̍k-sāi) 伊(i) ê 人(lâng) 施(si) 恩惠(un-huī)。幾(kuí) 千年(tshing-nî) 前(tsêng) 伊(i) 所(só͘) 做(tsoè) ê 事(sū)，今日(kim-ji̍t) 伊(i) 也會(iā-oē) 做(tsoè) tī 咱(lán) ê 身上(sin-tsiūⁿ)，因為(in-uī) 伊(i) 是(sī) 永活(éng-ua̍h) 無(bô) 改變(kái-piàn) ê。Tī 咱(lán) 人生(jîn-sing) 烏暗(o͘-àm) ê 時(sî)，咱(lán) tio̍h 確信(khak-sìn) tsit-ê 事實(sū-si̍t)，伊(i) tī 現今(hiān-kim)，tī 將來(tsiong-lâi)，永遠(éng-oán) 是(sī)「永活(éng-ua̍h) ê 上帝(siōng-tè)。」

你(lí) kap 伊(i) 同行(tâng-kiâⁿ)，仰望(gióng-bōng) 伊(i)，ǹg 望(bāng) 伊(i) ê 幫贊(pang-tsān)，伊(i) lóng buē hō͘ 你(lí) 失望(sit-bōng)。有(ū) 一個(tsi̍t-ê) 信(sìn) 主(Tsú) 超過(tshiau-kè) 四十(sì-tsa̍p) 年(nî) ê 老(lāu) 信徒(sìn-tô͘)，對(tuì) 阮(goán) án-ni 干證(kan-tsèng) 講(kóng)：「上帝(siōng-tè) m̄-bat 一(tsi̍t) pái hō͘ 我(goá) 失望(sit-bōng)。Tī 我(goá) 極(ke̍k) 困難(khùn-lân)，試煉(tshì-liān) siōng 深(tshim)，siōng 困苦(khùn-khó͘)，siōng 需要(su-iàu) 人(lâng) 幫忙(pang-bâng) ê 時(sî)，伊(i) m̄-bat 無(bô) tshap 我(goá)。因為(in-uī) 我(goá) 靠(khò) 伊(i) ê 恩惠(un-huī) 信靠(sìn-khò) 伊(i)，伊(i) 永遠(éng-oán) 是(sī) 我(goá) ê 幫贊(pang-tsān)。我(goá) 掠(lia̍h) 稱頌(tshing-siōng) 伊(i) ê 名(miâ) 做(tsoè) 快樂(khoài-lo̍k)。」──George Mueller

路德(Lō͘-tik) 馬丁(Má-ting)(Martin Luther) tī 伊(i) 性命(sìⁿ-miā) 極(ke̍k) 危險(guî-hiám) ê 時(sî)，切切(tshiat-tshiat) ài 掠(lia̍h) tio̍h hit-ê 看(khoàⁿ) buē tio̍h ê 大能(tāi-lêng)，有(ū) 人(lâng) 看(khoàⁿ) 伊(i) 用(ēng) 指頭(tséng-thâu) á tī 桌頂(toh-téng) 寫(siá)「伊(i) 活(ua̍h) teh!伊(i) 活(ua̍h) teh!」這(tse) 是(sī) 咱(lán) ê ǹg 望(bāng)，也(iā) 是(sī) 對(tuì) 真理(tsin-lí)，全(tsoân) 人類(jîn-luī) 應該(ing-kai) 有(ū) ê ǹg 望(bāng)。人生(jîn-sing)，人(lâng) 死(sí)，英雄(ing-hiông) 人物(jîn-bu̍t)，教師(kàu-su)，哲學家(tiat-ha̍k-ka)，講(kóng) 一(tsi̍t) 大(toā) 堆(tui)，存在(tsûn-tsāi) 一(tsi̍t) 時(sî) 久(kú)，了後(liáu-āu) 就(tsiū) 無(bô) 去(khì)，但是(tān-sī) 上帝(siōng-tè) 是(sī) 永活(éng-ua̍h) ê,in 死(sí) 去(khì)，上帝(siōng-tè) iáu 長長(tn̂g-tn̂g) 活(ua̍h) teh。

In ê 光(kng) 照(tsiò) 一(tsi̍t) tsūn,會(oē) 消滅(siau-bia̍t)。In 本是(pún-sī) tuì 上帝(siōng-tè) ê 真(tsin) 光(kng) 得(tit) tio̍h 光(kng)，上帝(siōng-tè) ê 光(kng) 永遠(éng-oán) teh 照(tsiò)。──Alenxander Maclaren

美國(Bí-kok) 作家(tsok-ka) Tshuán-bū(Tsarles Galludet Trumbull)án-ni 寫(siá)：「我(goá) tú-tio̍h 亞當(A-tong) 博士(phok-sū)(Dr. John Dooglas Adam)，對(tuì) 伊(i) 學(o̍h) tio̍h,伊(i) 偉大(uí-tāi) 屬靈(sio̍k-lêng) ê 力量(le̍k-liōng)，是(sī) 對(tuì) 伊(i) 明白(bêng-pe̍k)，耶穌(Iâ-so͘) 本身(pún-sin) 確確(khak-khak) 實實(si̍t-si̍t)，實實(si̍t-si̍t) 在在(tsāi-tsāi) kap 伊(i) 同在(tông-tsāi)。伊(i) 講(kóng)，知影(tsai-iáⁿ) 耶穌(Iâ-so͘) 真真(tsin-tsin) 實實(si̍t-si̍t) 經常(king-siông) kap 伊(i) 同在(tông-tsāi)，是(sī) 伊(i) ê 力量(le̍k-liōng) ê 最(tsoè) 大(toā) 來源(lâi-goân)。Tsit 種(tsióng) ê 體驗(thé-giām)，m̄ 是(sī) 用(ēng) 感覺(kám-kak) 伊(i) ê 價值(kè-ta̍t)、地位(tē-uī)、觀念(kuan-liām)，á 是(sī) 伊(i) ê 推理(thui-lí) 來(lâi) 知(tsai)‘耶穌(Iâ-so͘) án-tsuáⁿ kap 人(lâng) 同在(tông-tsāi)’所(só͘) ē-thang 明白(bêng-pe̍k)。」

Koh 講(kóng)：「基督(ki-tok) 是(sī) 伊(i) 思想(su-sióng) ê 中心(tiong-sim)，不管時(put-koán-sî) 伊(i) 就(tsiū) 是(sī) 想(siūⁿ) tio̍h 基督(ki-tok) 本身(pún-sin)。不管時(put-koán-sî)，伊(i) 單獨(tan-to̍k) ê 時(sî)，無論(bô-lūn) tī tó 位(uī)，伊(i) 大聲(toā-siaⁿ) ǹg 基督(ki-tok) 講話(kóng-oē)，親像(tsin-tshiūⁿ) kap 朋友(pêng-iú) 講話(kóng-oē) 一樣(tsi̍t-iūⁿ)，真(tsin) 輕鬆(khin-sang)、自然(tsū-jiân)。這(tse) 就(tsiū) 是(sī) 伊(i) 所(só͘) 講(kóng)，耶穌(Iâ-so͘) 真正(tsin-tsiàⁿ) 經常(king-siông) kap 伊(i) 同在(tông-tsāi) ê 體驗(thé-giām)。」


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com