《台語荒漠甘泉（漢羅版）》

 | | | 轉寄

信靠順服

作者 陳清俊 譯 林俊育 漢羅翻寫 2010.01.24

listen 正月二四(一月二十四日)

「總是(tsóng-sī) tsíⁿ-á tshē 無(bô) 歇腳(hioh-kha) ê 所在(só͘-tsāi)，就(tsiū) tò-tńg 來(lâi) 大(toā) 船(tsûn) 挪亞(Ná-a) hia;....到(kàu) 下昏(ē-hng) tsíⁿ-á tò 來(lâi) 伊(i) hia,嘴(tshuì) 咬(kā) 一葉(tsi̍t-hio̍h) 新(sin) ê 橄欖葉(kaⁿ-ná-hio̍h)。」(創世記8:9,11)

上帝(siōng-tè) 知(tsai) 甚麼(sím-mi̍h) 時(sî) beh 放(pàng)，á 是(sī) 無(bô) beh 放(pàng)，明顯(bêng-hián) ê 訊號(sìn-hō) 來(lâi) 加添(ke-thiⁿ) 咱(lán) ê 勇氣(ióng-khì)。不管(put-koán) 是(sī) 有(ū) á 是(sī) 無(bô) 訊號(sìn-hō)，咱(lán) lóng 信靠(sìn-khò) 伊(i)，是(sī) juā-tsiâⁿ suí ê 事(sū)。Koh-khah suí ê,是(sī) tī lóng 總(tsóng) 無(bô) 明顯(bêng-hián) ê 訊號(sìn-hō)，咱(lán) 亦(ia̍h) 是(sī) 完全(oân-tsoân) 信靠(sìn-khò) 伊(i)。伊(i) ài hō͘ 咱(lán) bîng-pik 伊(i) ê 話(oē)，伊(i) ê 應允(èng-ún) 是(sī) 真實(tsin-si̍t)，是(sī) 可靠(khó-khò)，比(pí) 有(ū) 看(khoàⁿ) tio̍h 任何(jīm-hô) 訊號(sìn-hō) khah 要緊(iàu-kín)。伊(i) 送(sàng) 出(tshut) 訊號(sìn-hō) 是(sī) 真(tsin) 好(hó)，總是(tsóng-sī) 咱(lán) beh 信靠(sìn-khò) 伊(i)，無(bô) 需要(su-iàu) 因為(in-uī) 有(ū) 收(siu) tio̍h 訊號(sìn-hō) koh-khah 好(hó)。只要(tsí-iàu) 因為(in-uī) 伊(i) ê 話(oē)，無(bô) 任何(jīm-hô) ê 訊號(sìn-hō) 就(tsiū) 相信(siong-sìn) 上帝(siōng-tè) ê 會(oē) 得(tit) tio̍h 伊(i) siōng tsuē ê 疼痛(thiàⁿ-thàng)。──Tsarles Gallaudet Trumbull

相信(siong-sìn) 伊(i)；暴風(po̍k-hong) 密雲(ba̍t-hûn) 來臨(lâi-lîm)，
連(liân) 所有(só͘-ū) ê 天(thiⁿ) 也(iā) 無(bô) 回音(hoê-im)，
Iáu beh 相信(siong-sìn) 伊(i)？
伊(i) 聽(thiaⁿ) 每(muí) 一個(tsi̍t-ê) 祈禱(kî-tó) 聲音(siaⁿ-im)，
雀鳥(tshik-tsiáu) á 跋落(pua̍h-lo̍h)，伊(i) 也(iā) 關心(kuan-sim)。

O-ló 伊(i)；當(tng) 悲傷(pi-siong)、憂愁(iu-tshiû)、苦痛(khó͘-thàng) 近(kūn) uá,
連(liân) siōng 心愛(sim-ài) ê 物(mi̍h) 也(iā) 失去(sit-khì)，tsiah-nih 大(toā)，
Iáu beh o-ló 伊(i)？
咱(lán) ê 損失(sún-sit) 是(sī) beh 得(tit) khah 闊(khuah)，
所有(só͘-ū) 是(sī) 咱(lán) ê,若是(nā-sī) 伊(i) kap 咱(lán) tuà。

Tio̍h 滿足(moá-tsiok)；當(tng) 每(muí) 條(tiâu) 路(lō͘) 受(siū) 阻止(tsó͘-tsí)，
無(bô) koh 享受(hiáng-siū) 世間(sè-kan) 好(hó) 物(mi̍h)，
Iáu beh 滿足(moá-tsiok)？
相信(siong-sìn)、安然(an-jiân)，信靠(sìn-khò) 伊(i)，
伊(i) 來(lâi) kap 咱(lán) khiā 起(khí)。

祈禱(kî-tó)，iân-tshiân ê 回應(hoê-èng)，m̄ 是(sī) 拒絕(kū-tsua̍t)。Tsuē-tsuē ê 祈禱(kî-tó) lóng 收(siu) tio̍h koh 記錄(kì-lo̍k) 起來(khí-lâi)，並且(pēng-tshiáⁿ) 註明(tsù-bêng)，「時(sî) iáu-buē 到(kàu)」。上帝(siōng-tè) 有(ū) 伊(i) ê 時間(sî-kan) kap 定好(tēng-hó) ê 目的(bo̍k-tik)。Tsit 位(uī) 決定(kuat-tēng) 咱(lán) 性命(sìⁿ-miā) 長短(tn̂g-té) ê 上帝(siōng-tè)，也(iā) 是(sī) 決定(kuat-tēng) 咱(lán) 甚麼(sím-mi̍h) 時(sî) 得(tit) tio̍h 救(kiù) ê 上帝(siōng-tè)。



附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com