《台語荒漠甘泉（漢羅版）》

 | | | 轉寄

信靠天父

作者 陳清俊 譯 林俊育 漢羅翻寫 2010.03.07

listen 三月初七(三月七日)

「阮(goán)....凡事(hoân-sū) tú-tio̍h 患難(hoān-lān)，」(哥林多後書7:5)

為(uī) 什麼(sím-mih) 上帝(siōng-tè) tshuā 咱(lán) ê 路(lō͘)，lóng 是(sī) 有(ū) 不斷(put-toān) ê 大(toā) 壓力(ap-le̍k) tī 咱(lán) 身上(sin-tsiūⁿ)？伊(i) ê 用意(iōng-ì) 是(sī) ài 咱(lán) 明白(bêng-pe̍k)，tsit-ê 情形(tsêng-hêng) 比(pí) 無(bô) tú-tio̍h 困難(khùn-lân) á 是(sī) 試煉(tshì-liān)，koh-khah 有效(ū-hāu) 來(lâi) 彰顯(tsiong-hián) 上帝(siōng-tè) 完全(oân-tsoân) 充足(tshiong-tsiok) ê 能力(lêng-le̍k) kap 恩典(un-tián)。「若是(nā-sī) 阮(goán) 有(ū) tsit 號(hō) 寶貝(pó-poè) khǹg tī 土(thô͘) ê 器具(khì-kū)，是(sī) beh hō͘ 極(ke̍k) 大(toā) ê 權能(koân-lêng) 做(tsoè) 上帝(siōng-tè) ê,m̄ 是(sī) 出(tshut) tī 阮(goán)。」(哥林多後書4:7)

另外(lēng-goā) 一個(tsi̍t-ê) 用意(iōng-ì)，是(sī) ài 咱(lán) 警覺(kéng-kak) tio̍h 咱(lán) 時時(sî-sî) 需要(su-iàu) 伊(i)。上帝(siōng-tè) 不斷(put-toān) teh 教示(kà-sī) 咱(lán) 如何(jû-hô) uá 靠(khò) 伊(i)。咱(lán) 完完(ôan-ôan) 全全(tsôan-tsôan) 受(siū) 牽(khan) tī 伊(i) ê 手(tshiú)，uá 靠(khò) tī 伊(i) ê 照顧(tsiàu-kò͘) 下(ē)。
這(tse) 正是(tsiàⁿ-sī) 耶穌(Iâ-so͘) ê 立場(li̍p-tiûⁿ)，伊(i) 也(iā) ài 咱(lán) án-ni。咱(lán) ài 常常(siông-siông) uá 靠(khò) 伊(i)，無(bô) 靠(khò) 家己(ka-kī) ê 能力(lêng-le̍k)。咱(lán) uá 靠(khò) 伊(i) ê 表現(piáu-hiān)，ài 做(tsoè) 到(kàu) 咱(lán) 連(liân) 家己(ka-kī) mā m̄ 敢(káⁿ) 靠(khò) 家己(ka-kī) 踏(ta̍h) 一步(tsi̍t-pō͘) 出去(tshut-khì)。Án-ni 教示(kà-sī) 咱(lán) 信靠(sìn-khò) 伊(i)，koh-khah 完全(oân-tsoân)。

除了(tû-liáu) 經歷(king-le̍k) 試煉(tshì-liān)、受(siū) 患難(hoān-lān)，無(bô) 有(ū) 其他(kî-tha) ê 方法(hong-huat) 來(lâi) 學習(ha̍k-si̍p) 信心(sìn-sim)。試煉(tshì-liān) á 是(sī) 受(siū) 患難(hoān-lān) 是(sī) 天父(Thiⁿ-pē) 所(só͘) 設(siat) ê 信心(sìn-sim) 學校(ha̍k-hāu)。Tī 試煉(tshì-liān) 中(tiong) 學習(ha̍k-si̍p) 信心(sìn-sim) 比(pí) tī 安逸(an-ia̍t) 中(tiong) 學習(ha̍k-si̍p) khah 好(hó)、khah-tsuē。一旦(it-tàn) 咱(lán) 學(o̍h) tio̍h 信心(sìn-sim) ê 功課(kong-khò)，咱(lán) 就(tsiū) 永遠(éng-oán) 得(tit) tio̍h 伊(i)，是(sī) 得(tit) tio̍h 永遠(éng-oán) ê 財富(tsâi-hù)。人(lâng) 若(nā) 無(bô) 信靠(sìn-khò) 天父(Thiⁿ-pē)，雖然(sui-jiân) tī 地(toē) 裡(nih) 有(ū) 極(ke̍k) 大(toā) 財產(tsâi-sán)，也(iā) 是(sī) teh 感覺(kám-kak) sàn-tshiah。── tuì 「Tī 地(toē) ná tī 天(thiⁿ)」

為何(uī-hô) 我(goá) teh 哭(khàu)，別人(pa̍t-lâng) teh 唱歌(tshiùⁿ-kua)？
Beh 體驗(thé-giām) 受苦(siū-khó͘) ê 深(tshim) kap 大(toā)。
為何(uī-hô) 人(lâng) teh 歇睏(hioh-khùn)，我(goá) teh 工作(kang-tsok)？
Beh 有(ū) 上帝(siōng-tè) 所(só͘) 賜(sù) 能力(lêng-le̍k) ê 幸福(hēng-hok)。
為何(uī-hô) 人(lâng) teh 得(tit) tio̍h,我(goá) teh 損失(sún-sit)?
Beh ài 知(tsai) 失敗(sit-pāi)、痛苦(thòng-khó͘) ê 實質(si̍t-tsit)。
為何(uī-hô) 我(goá) ê 運命(ūn-miā) 無(bô) 你(lí) hiah 好(hó)？
因為(in-uī) 上帝(siōng-tè) 計畫(kè-oē) 我(goá) 有(ū) 永遠(éng-oán) ê 成果(sêng-kó)。
──(冬天(tang-thiⁿ) 風雪(hong-seh) 中(tiong) 細(soè) 隻(tsiah) 鳥(tsiáu) á 歌(kua))


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com