《台語荒漠甘泉（漢羅版）》

 | | | 轉寄

獻o-ló ê歌聲

作者 陳清俊 譯 林俊育 漢羅翻寫 2010.02.28

listen 二月二八(二月二十八日)

「所以(só͘-í) tio̍h 對(tuì) 耶穌(Iâ-so͘) 常常(siông-siông) 用(ēng) o-ló 做(tsoè) 祭(tsè)，獻(hiàn) hō͘ 上帝(siōng-tè)；」(希伯來13:15)

Tī 貧民(pîn-bîn) 窟(khut) 工作(kang-tsok) ê 傳道師(thoân-tō-su)，行(kiâⁿ) 入(ji̍p) 去(khì) 一(tsi̍t) 棟(tòng) 公寓(kong-gū) 烏烏(o͘-o͘) 暗暗(àm-àm) ê 巷路(hāng-lō͘)，聽(thiaⁿ) tio̍h 有(ū) 聲(siaⁿ) 問(mn̄g) 講(kóng)：「是(sī) 甚麼(sím-mi̍h) 人(lâng) ah?」伊(i) 用(ēng) 番(huan) á 火(hé) 點(tiám) to̍h,目睭(ba̍k-tsiu) 前(tsêng)，看(khoàⁿ) 是(sī) 屬世(sio̍k-sè) ê 缺乏(khiàm-kheh) kap 苦難(khó͘-lān)，有(ū) 帶(toà) tio̍h 聖人(sèng-jîn) tik ê 信靠(sìn-khò) kap 安寧(an-lêng) ê 氣質(khì-tsit)，看見(khoàⁿ-kìⁿ) 一個(tsi̍t-ê) 滿面(moá-bīn) 皺(jiâu) phè-phè ê 面容(bīn-iông)，有(ū) 一(tsi̍t) 對(tuì) 堅定(kian-tēng)、吸引(khip-ín) 人(lâng) ê 目睭(ba̍k-tsiu)，親像(tsin-tshiūⁿ) 烏(o͘) ê 木料(bo̍k-liāu) 所(só͘) 刻(khik) ê hiah-ni̍h 金(kim) 滑(ku̍t) koh 發(huat) 光彩(kong-tshái)。這(tse) 是(sī) tī 二(jī) 月(ge̍h) 寒冷(hân-léng) ê 暗時(àm-sî)，伊(i) 倒(tó) tī 一(tsi̍t) 頂(téng) 破破(phoà-phoà) ê 眠床(bîn-tshn̂g)，無(bô) 火爐(hé-lô͘)，無(bô) 燒氣(sio-khì)，也(iā) 無(bô) 電火(tiān-hé)。伊(i) 無(bô) 食(tsia̍h) 早餐(tsá-tshan)、中晝(tiong-tàu) kap 暗頓(àm-tǹg)。Ná 親像(tshin-tshiūⁿ) 啥(siáⁿ) 物(mi̍h) mā 無(bô)，只有(tsí-ū) 風濕病(hong-sip-pīⁿ) kap 伊(i) 對(tuì) 上帝(siōng-tè) ê 信心(sìn-sim)。舒適(su-sik) ê 環境(khoân-kéng) 離(lī) 伊(i) 真(tsin) 遠(hn̄g)，總是(tsóng-sī) 下(ē) 面(bīn) 是(sī) 伊(i) 所(só͘) 唱(tshiùⁿ) 出(tshut) ê 歌(kua) 聲(siaⁿ)：

無(bô) 人(lâng) 知(tsai) 我(goá) ê 痛苦(thòng-khó͘)，
無(bô) 人(lâng) 知(tsai)，除了(tû-liáu) 主(Tsú) 耶穌(Iâ-so͘);
無(bô) 人(lâng) 知(tsai) 我(goá) ê 苦楚(khó͘-tshó͘)，
吟(gîm) 榮耀(êng-iāu) Ha-lé-lú!

有時(ū-sî) 起(khí)，有時(ū-sî) 落(lo̍h)，
有時(ū-sî) tī 土腳(thô͘-kha) 倒(tó)，
有時(ū-sî) 出(tshut) 聲(siaⁿ) o-ló,
吟(gîm) 榮耀(êng-iāu) Ha-lé-lú!

繼續(kè-sio̍k) 唱(tshiùⁿ) 落去(lo̍h-khì)，「無(bô) 人(lâng) 知(tsai) 我(goá) 所(só͘) 做(tsoè) ê 工(kang)，無(bô) 人(lâng) 知(tsai) 我(goá) 所(só͘) tú-tio̍h ê 艱難(kan-lân)，」lóng suah siōng 尾(bé) 句(kù)，「吟(gîm) 榮耀(êng-iāu) Ha-lé-lú!」直到(ti̍t-kàu) 最後(tsoè-āu) 一節(tsi̍t-tsat) 是(sī) án-ni:

無(bô) 人(lâng) 知(tsai) 我(goá) 真(tsin) 喜樂(hí-lo̍k)，
無(bô) 人(lâng) 知(tsai)，除了(tû-liáu) 主(Tsú) 耶穌(Iâ-so͘)!

「阮(goán) 凡事(hoân-sū) 受(siū) 患難(hoān-lān)，若是(nā-sī) 無(bô) 困迫(khùn-pik)、為難(uî-lân)，也(iā) 無(bô) 失望(sit-bōng)；tú-tio̍h 窘逐(khún-tio̍k)，也(iā) 無(bô) 受(siū) 放(pàng) sak;受(siū) phah 倒(tó)，也(iā) 無(bô) 死(sí) 無(bô)；」(哥林多後書4:8，9) Tsit-ê 經文(king-bûn) tsiah 會(oē) thang 說明(suat-bêng) tsit 位(uī) 老(lāu) 烏(o͘) 婦人(hū-jîn) ê 喜樂(hí-lo̍k)。
你(lí) kiám 知(tsai) 路德(Lō͘-tik) 馬丁(Má-ting)(Martin Luther) beh 死(sí) ê 時(sî) 所(só͘) 傳(thoân) ê 信息(sìn-sit)：「今生(kim-sing) ê 痛苦(thòng-khó͘) kap 難處(lân-tshù) ná 親像(tshin-tshiūⁿ) 活字版(ua̍h-jī-pán)，人(lâng) 看(khoàⁿ) 是(sī) tó-páiⁿ 排(pâi) ê,看(khoàⁿ) buē 出(tshut) 伊(i) ê 意思(ì-sù)，lóng 無(bô) 意義(ì-gī)。總是(tsóng-sī) 上帝(siōng-tè) 將(tsiong) 咱(lán) ê 來世(lâi-sè) tuì 活字版(ua̍h-jī-pán) 印(ìn) 出來(tshut-lâi) ê 時(sî)，卻(khiok) 變做(pìⁿ-tsoè) 真(tsin) suí ê 文章(bûn-tsiuⁿ)。咱(lán) 也(iā) m̄ 免(bián) 等到(tán-kàu) hit 時(sî) tsiah 會(oē) 知(tsai)，親像(tshin-tshiūⁿ) 使徒(sù-tô͘) 保羅(Pó-lô) tī 海(hái) 上(siōng) tú-tio̍h 危險(guî-hiám)，伊(i) 行(kiâⁿ) 到(kàu) 甲板(kah-pán) 頂(téng) 對(tuì) 水手(tsuí-siú) 講(kóng)：「我(goá) 勸(khǹg) lín 安心(an-sim)；」(使徒行傳27:22)保羅(Pó-lô)、路德(Lō͘-tik) 馬丁(Má-ting)，也(iā) 有(ū) tsit-ê 老(lāu) 婦人(hū-jîn)，lóng 親像(tshin-tshiūⁿ) 人間(jîn-kan) ê 太陽花(thài-iông-hue)，tī 充滿(tshiong-moá) 烏暗(o͘-àm) ê 世界(sè-kài) 中(tiong)，會(oē) tshē 求(kiû) 並(pēng) 看見(khoàⁿ-kìⁿ) hit-ê 大(toā) 光(kng)，就(tsiū) 是(sī) 基督(ki-tok)。──William C. Garnett


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com