《台語荒漠甘泉（漢羅版）》

 | | | 轉寄

信就beh成

作者 陳清俊 譯 林俊育 漢羅翻寫 2010.03.21

listen 三月二一(三月二十一日)

「照(tsiàu) lín ê 信(sìn)，kā lín 做成(tsoè-tsiâⁿ)。」(馬太9:29)

「迫切(pik-tshiat) 祈禱(kî-tó)」ê 意思(ì-sù) 是(sī)「進入(tsìn-ji̍p) tī 完全(oân-tsoân) 信心(sìn-sim) ê 祈禱(kî-tó)」。就(tsiū) 是(sī) 你(lí) iáu teh 祈禱(kî-tó) ê 時(sî)，你(lí) ê 祈禱(kî-tó) 已經(í-king) 受(siū) 聽(thiaⁿ) tio̍h，koh 接納(tsiap-la̍p) lah。Tī 事情(sū-tsêng) iáu buē 實現(si̍t-hiān) ê 事先(sū-sian)，你(lí) 已經(í-king) 有(ū) 把握(pá-ak) 得(tit) tio̍h 你(lí) ê 請求(tshéng-kiû)。

會(oē) 記得(kì-tit)，tī 地上(tē-tsiūⁿ) 無(bô) 任何(jīm-hô) 情況(tsêng-hóng) 會(oē) 阻擋(tsó͘-tòng) 上帝(siōng-tè) ê 話(oē) ê 應驗(èng-giām) kap 實現(si̍t-hiān)。咱(lán) 必須(pit-su) 堅定(kian-tēng) 不疑(put-gî) ǹg 望(bāng) 伊(i) 永(éng) 永(éng) buē 變(piàn) ê 話(oē)，m̄-thang 看(khoàⁿ) tsit 世界(sè-kài) ê 變化(piàn-hoà)。上帝(siōng-tè) ài 咱(lán) tī 無(bô) 任何(jīm-hô) 證據(tsèng-kù) ê 時(sî)，就(tsiū) 相信(siong-sìn) 伊(i) ê 話(oē)，然後(jiân-āu)，伊(i) 就(tsiū) 會(oē) 按照(àn-tsiàu) 咱(lán) ê 信(sìn) 來(lâi) 實現(si̍t-hiān)。

當(tng) 伊(i) ê 話(oē) 一下(tsi̍t-ē) 講(kóng)，
當(tng) 伊(i) 講(kóng)：「我(goá) beh」(參考希伯來13:5)
事(sū) 就(tsiū) án-ni tshòng，
伊(i) ê 應允(èng-ún) 永遠(éng-oán) tī-teh。(參考哥林多後書1:20)

五旬節(gō͘-sûn-tsiat) 時代(sî-tāi) ê 祈禱(kî-tó) 是(sī) tsiah-nih 簡單(kán-tan) ê 信(sìn)，就(tsiū) 親像(tshin-tshiūⁿ) 去(khì) 銀行(gîn-hâng) 從(tsiong) 支票(tsi-phiò) 兌現(tūi-hiān)，換(oāⁿ) 做(tsoè) 現金(hiān-kim) 一樣(tsi̍t-iūⁿ)。──Robert Anderson

「上帝(siōng-tè) 講(kóng)，...就(tsiū) 有(ū) án-ni。」(創世記1:9)


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com