《台語荒漠甘泉（漢羅版）》

 | | | 轉寄

信心ê行做

作者 陳清俊 譯 林俊育 漢羅翻寫 2010.03.28

listen 三月二八(三月二十八日)
「到(kàu) 扛(kng) 普天下(phó͘-thiⁿ-ē) ê 主(tsú) 耶和華(Iâ-hô-hua) ê 約櫃(iok-kùi) ê 祭司(tsè-si)，in ê 腳(kha) khiā tī 約旦(Iok-tàn) 河(hô) ê 水(tsúi)，約旦(Iok-tàn) 河(hô) ê 水(tsúi)，就(tsiū) 是(sī) tuì 頂面(téng-bīn) 流(lâu) 落來(lo̍h-lâi) ê 水(tsúi)，beh 截斷(tsia̍t-tn̄g)，khiā 起來(khí-lâi) kui 堆(tui)。」(約書亞3:13)

Ta̍k-ê 人(lâng) lóng 欽佩(khim-phoè) hiah-ê 勇敢(ióng-kám) ê 利未(Lī-bī) 人(lâng)！In 扛(kng) 約櫃(iok-kùi) 到(kàu) 水(tsúi) 裡(nih)，河水(hô-tsúi) 是(sī) ài 到(kàu)「腳(kha) 踏(ta̍h) 入(ji̍p) 水(tsúi)」(約書亞3:15)tsiah 分開(pun-khui)，上帝(siōng-tè) ê 應允(èng-ún) 指示(tsí-sī) án-ni。

上帝(siōng-tè) 所(só͘) 看重(khoàⁿ-tiōng) ê 信心(sìn-sim)，就(tsiū) 是(sī) 堅定(kian-tēng) ê 信心(sìn-sim)，只(tsí) 看(khoàⁿ) 伊(i) ê 應允(éng-ún)，kap 仰望(gióng-bōng) 伊(i) ê 信心(sìn-sim)。咱(lán) thang 想像(sióng-siōng)，今日(kim-ji̍t) ê 旁觀者(pông-kuan-tsiá)(khiā tī 邊(piⁿ) á 看(khoàⁿ) ê 人(lâng))beh tuì 當(tng) 時(sî) 上帝(siōng-tè) ê 聖徒(sèng-tô͘)，如何(jû-hô) 扛(kng) 約櫃(iok-kùi) 向前(hiòng-tsêng) 行(kiâⁿ) ê 時(sî)，講(kóng)：「阮(goán) íng 無(bô) ài 冒(mō͘) hit-ê 危險(gûi-hiám)。約櫃(iok-kùi) 會(oē) hō͘ 水(tsúi) 沖(tshiong) 去(khì)oh。」總是(tsóng-sī) hiah-ê 祭司(tsè-si) tī 乾(ta) 地(toē) 恬恬(tiām-tiām) khiā teh。(約書亞3:17)咱(lán) 無(bô) 得(tit) 忽略(hut-lio̍k) tsit 件(kiāⁿ) 事(sū)，就(tsiū) 是(sī) 咱(lán) ê 信(sìn) 會(oē) 幫贊(pang-tsān) 父(pē) 上帝(siōng-tè) 執行(tsip-hêng) 伊(i) ê 計畫(kè-oē)，咱(lán) ài 願意(goān-ì) 幫贊(pang-tsān) 主(tsú)。

約櫃(iok-kùi) 兩(nn̄g) pîng 有(ū) 鋼(kǹg)，祭司(tsè-si) 將(tsiong) in 扛(kng) tī 肩胛(king-kah) 頂(téng)。上帝(siōng-tè) ê 約櫃(iok-kùi) 並(pēng) buē 家己(ka-kī) 振動(tín-tāng)，是(sī) ài 人(lâng) 來(lâi) 扛(kng) ê。上帝(siōng-tè) 是(sī) 建築師(kiàn-tio̍k-su)，人(lâng) 是(sī) 疊(thia̍p) 磚(tsng) ê 人(lâng)，是(sī) 工人(kang-lâng)。人(lâng) ê 信心(sìn-sim) thang 幫贊(pang-tsān) 上帝(siōng-tè)，hō͘ 獅(sai) 嘴(tshùi) 合(ha̍p) 合(ha̍p)，能(oē) 消滅(siau-bia̍t) 有(ū) 大(toā) 破壞(phò-hoāi) ê 火(hé)。信心(sìn-sim) 敬重(kèng-tiōng) 上帝(siōng-tè)，上帝(siōng-tè) 也(iā) 尊重(tsun-tiōng) 信心(sìn-sim)。

Ah，咱(lán) 需要(su-iàu) tsit 種(tsióng) ê 勇敢(ióng-kám) 向前(hiòng-tsêng) ê 信心(sìn-sim)，hō͘ 上帝(siōng-tè) tī 伊(i) 所(só͘) 定(tiāⁿ) tio̍h ê 時(sî)，實現(si̍t-hiān) 伊(i) ê 應允(èng-ún)。咱(lán) 同齊(tâng-tsoê) 做(tsoè) 利未(Lī-bī) 人(lâng) ê，hō͘ 咱(lán) 扛(kng) 起(khí) 咱(lán) ê 重擔(tāng-tàⁿ)，重櫃(tāng-kùi)，m̄-thang 親像(tshin-tshiūⁿ) 扛(kng) 棺材(kuaⁿ-tshâ) hit 款(khoán) ê 悲傷(pi-siong)；ài 知(tsai)，咱(lán) 所(só͘) 扛(kng) ê 是(sī) 永活(éng-ua̍h) 真(tsin) 神(sîn) ê 約櫃(iok-kùi)，thang 大聲(toā-siaⁿ) 唱歌(tshiùⁿ-kua)，向(hiòng) 大(toā) 水(tsúi) 進前(tsìn-tsêng) 行(kiâⁿ)！──Thomas Tsampness Tī 新約(sin-iok) 教會(kàu-hoē) 時代(sî-tāi) ê 一個(tsi̍t-ê) 特別(te̍k-pia̍t) ê 標記(piau-kì)，就(tsiū) 是(sī)「大膽(toā-táⁿ)」，替(thè) 上帝(siōng-tè) 做(tsoè) 大(toā) 事(sū)。Ǹg 望(bāng) 上帝(siōng-tè) beh 成就(sêng-tsiū) 大(toā) 事(sū) ê 信心(sìn-sim)，有(ū) 一個(tsi̍t-ê) 大(toā) koh 重要(tiōng-iàu) ê 因素(in-sò͘)，就(tsiū) 是(sī) 神聖(sîn-sèng) ê 大膽(toā-táⁿ) kap 無(bô) 驚惶(kiaⁿ-hiâⁿ)。Thang ǹg 上帝(siōng-tè) 討(thó) khah tsuē。實在(si̍t-tsāi) 講(kóng)，「討(thó) khah tsuē」比(pí)「討(thó) khah 少(tsió)」，是(sī) khah 容易(iông-īⁿ)。憑(pîn) 信心(sìn-sim) 大膽(toā-táⁿ) khiā 在(tsāi)，比(pí) 小心(sió-sim) khiā-tī 岸(hoāⁿ) 邊(piⁿ) khah 容易(iông-īⁿ)。

聰明(tshong-bêng) ê 水手(tsúi-siú) 憑(pîn) 信心(sìn-sim)，將(tsiong) 船(tsûn) 開(khui) 到(kàu) 水(tsúi) 深(tshim) ê 所在(só͘-tsāi)。Beh 發見(huat-kiàn)，在(tsāi) 上帝(siōng-tè) 無(bô) 有(ū) oh 做(tsoè) ê 事(sū)。(路加18:27)。「有(ū) 信(sìn) ê 人(lâng)，ta̍k 項(hāng) lóng 會(oē)。」(馬可9:23) 今(kin) á 日(ji̍t)，hō͘ 咱(lán) 來(lâi) 替(thè) 上帝(siōng-tè) 做(tsoè) 偉大(úi-tāi) ê 事(sū)，接受(tsiap-siū) 伊(i) 所(só͘) 賜(sù) ê 信心(sìn-sim)，相信(siong-sìn) 會(oē) 做(tsoè) 偉大(úi-tāi) ê 事(sū)，靠(khò) 伊(i) ê 力量(le̍k-liōng) 來(lâi) 完成(oân-sêng)。──tuì「Tī 地(toē) ná tī 天(thiⁿ)」


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com