《台語荒漠甘泉（漢羅版）》

 | | | 轉寄

暗中ê信息tī光明tiong宣揚

作者 陳清俊 譯 林俊育 漢羅翻寫 2010.04.11

listen
四月十一(四月十一日)

「我(goá) tī 暗中(àm-tiong) kā ín 講(kóng) ê,lín tio̍h tī 光明(kong-bêng) ê 所在(só͘-tsāi) 講(kóng) 出(tshut)；Àⁿ tī 耳孔(hīⁿ-khang) kā lín 講(kóng) ê,tio̍h tī 厝頂(tshù-téng) 傳(thoân) 伊(i)。」(馬太10:27)

咱(lán) ê 主(Tsú) 常常(siông-siông) tī 暗中(àm-tiong) kā 咱(lán) 講話(kóng-oē)，可能(khó-lêng) 是(sī) 當(tng) 失去(sit-khì) 親人(tshin-lâng) 單獨(tan-to̍k) tī 暗暗(àm-àm) ê 厝內(tshù-lāi)，也(iā) 可能(khó-lêng) 是(sī) tī 孤獨(ko͘-to̍k)、悽慘(tshi-tshám) ê 時(sî)，也(iā) 有時(ū-sî) tī 破病(phoà-pīⁿ) buē-thang 起來(khí-lâi)，無(bô) kap 人(lâng) 接觸(tsiap-tshiok) ê 時(sî)，也(iā) 有時(ū-sî) 是(sī) tī 悲傷(pi-siong) 失望(sit-bōng) ê 烏暗暝(o͘-àm-mî)。

Tī hia,伊(i) 將(tsiong) 伊(i) ê 偉大(úi-tāi)、奇妙(kî-biāu)、永活(éng-ua̍h) ê 奧祕(ò-pì) kā 咱(lán) 講(kóng)。咱(lán) hō͘ 世間(sè-kan) ê 事務(sū-bū) 迷(bê) kah bū-bū ê 目睭(ba̍k-tsiu)，伊(i) hō͘ 咱(lán) 看(khoàⁿ) ǹg 天(thiⁿ) ê 燦爛(tshàn-lān)。咱(lán) ê 耳孔(hīⁿ-khang) 也(iā) beh 聽(thiaⁿ) tio̍h,常常(siông-siông) hō͘ 世間(sè-kan) 吵鬧(tshá-nāu) 所(só͘) 蓋(khàm) 伊(i) ê 聲音(siaⁿ-im)，可能(khó-lêng) 是(sī) tī 耳孔(hīⁿ-khang) 邊(piⁿ) 細細(soè-soè) ê 話(oē)。不過(put-kò)，tsiah-ê 啟示(khé-sī) 也(iā) 帶(toà) 來(lâi) 責任(tsik-jīm)：「我(goá) tī 暗中(àm-tiong) kā lín 講(kóng) ê,lín tio̍h tī 光明(kong-bêng) ê 所在(só͘-tsāi) 講(kóng) 出(tshut)；....，tio̍h tī 厝頂(tshù-téng) 傳(thoân) 伊(i)。」咱(lán) m̄ 是(sī) 永遠(éng-oán) 停(thêng) tī 暗室(àm-sik)，留(lâu) tī 暗中(àm-tiong)，無久(bô-kú)，咱(lán) beh 受(siū) 呼召(ho͘-tiàu) 到(kàu) 人生(jîn-sing) ê 喧嘩(suan-hoâ) kap 暴風雨(pō-hong-ú) 中(tiong) ê 所在(só͘-tsāi)。Hit 時(sî) 咱(lán) tio̍h 將(tsiong) 咱(lán) 所(só͘) 學(o̍h) tio̍h ê 講(kóng) 出來(tshut-lâi)，宣揚(suan-iông) 出來(tshut-lâi)。

Án-ni 受苦(siū-khó͘) 有(ū) 新(sin) ê 意義(ì-gī)。受苦(siū-khó͘) siōng 悲哀(pi-ai) ê 部分(pō͘-hūn) 定定(tiāⁿ-tiāⁿ) 是(sī) 引起(ín-khí) 無(bô) 路用(lō͘-iōng) ê 感覺(kám-kak)。咱(lán) buē 免(bián) 會(oē) 想(siūⁿ) tio̍h「我(goá) tsiah-nih 無(bô) 路用(lō͘-iōng)，我(goá) 所(só͘) 做(tsoè) ê 有(ū) 甚麼(sím-mi̍h) 路用(lō͘-iōng)？我(goá) 靈魂(lêng-hûn) ê 貴重(kùi-tiōng) ê 香油(hiuⁿ-iû)(參考約翰12:3)為什麼(ūi-sím-mih) 浪費(lōng-hùi) 掉(tiāu)？」Tsiah-ê lóng 是(sī) 受苦者(siū-khó͘-tsiá) ê 呼叫(ho͘-kiò)，但是(tān-sī) 父(pē) 上帝(siōng-tè) tī 這(tse) 一切(it-tshè) lóng 有(ū) 伊(i) ê 旨意(tsí-ì)。伊(i) beh 將(tsiong) 伊(i) ê 子民(tsú-bîn) 帶(toà) 到(kàu) kap 伊(i) khah 高(koâiⁿ) 交往(kau-óng) ê 層次(tsân-tshù)，hō͘ in 能(oē) 聽(thiaⁿ) tio̍h 伊(i) ê 講話(kóng-oē)，「面對面(bīn-tùi-bīn) 講話(kóng-oē)，親像(tshin-tshiūⁿ) 人(lâng) kap 朋友(pêng-iú) 講話(kóng-oē) 一般樣(tsi̍t-puaⁿ-iūⁿ)。」(出埃及記33:11)然後(jiân-āu) 落山(lo̍h-suaⁿ) 對(tùi) 人(lâng) 宣揚(suan-iông) 伊(i) ê 信息(sìn-sit)。摩西(Mô͘-se) tī 山頂(suaⁿ-téng) 四十(sì-tsa̍p) 日(ji̍t) kiám 是(sī) 浪費(lōng-hùi) 掉(tiāu) mah?以利亞(Í-lī-a) tī 何烈(Hô-lia̍t) 山(suaⁿ) 所(só͘) 過(kè) ê 日子(ji̍t-tsí)，á 是(sī) 保羅(Pó-lô) tī 阿拉伯(A-la̍h-pik) 沙漠(sua-bô͘) 所(só͘) 過(kè) ê 年(nî) 日(ji̍t)，也(iā) kiám 是(sī) 浪費(lōng-hùi) ê mah?

過(kè) 信心(sìn-sim) ê 生活(sing-ua̍h) 是(sī) 無(bô) khah 短(té) ê 路(lō͘) thang 行(kiâⁿ)，信心(sìn-sim) ê 生活(sing-ua̍h) 是(sī) 聖潔(sèng-kiat)、勝利(sèng-lī) ê 一生(it-sing) 所(só͘) 絕對(tsua̍t-tùi) 需要(su-iàu) ê。咱(lán) 必須(pit-su) 有(ū) 一段(tsi̍t-toāⁿ) 單獨(tan-to̍k) kap 上帝(siōng-tè) tī-teh ê 深思(tshim-su) 時間(sî-kan)。咱(lán) ê 靈魂(lêng-hûn) 需要(su-iàu) kap 伊(i) 作伙(tsoè-hé) tī 山頂(suaⁿ-téng) á 是(sī) 大(toā) 石頭(tsio̍h-thâu) ê 音影(im-iáⁿ) 中(tiong) 感受(kám-siū) tio̍h 安寧(an-lêng) ê 時(sî) tsūn。咱(lán) 需要(su-iàu) tī 烏暗(o͘-àm) 遮蓋(jia-khàm) 大(toā) 地(toē) 一切(it-tshè)，萬物(bān-bu̍t) lóng 靜靜(tsēng-tsēng)，星光(tshiⁿ-kng) teh 照(tsiò) 過(kè) 暝(mî)。這(tse) hō͘ 咱(lán) ê 眼光(gán-kong) 看(khoàⁿ) khah 闊(khuah)，顯(hián) 出(tshut) 無限(bû-hān) kap 永遠(éng-oán)。Tsiah-ê 種種(tsióng-tsióng) 事(sū) lóng 是(sī) 親像(tshin-tshiūⁿ) 食物(tsia̍h-mi̍h) 對(tùi) 咱(lán) ê 身體(sin-thé) 所(só͘) buē-thang 欠缺(khiàm-kheh)。

咱(lán) 若(nā) 有(ū) tsit 款(khoán) kap 上帝(siōng-tè) 同在(tông-tsāi) ê 感受(kám-siū)，咱(lán) ê 靈魂(lêng-hûn) 就(tsiū) 永遠(éng-oán) buē 動搖(tōng-iâu)，咱(lán) beh 親像(tshin-tshiūⁿ) 詩篇(si-phian) 所(só͘) 講(kóng) ê「耶和華(Iâ-hô-hua) ah!你(lí) 是(sī) 近(kūn) 近(kūn)。」(詩篇119:151) ──F. B. Meyer

有(ū) ê 人(lâng) ê 心(sim) 親像(tshin-tshiūⁿ) 夜來香(iā-lâi-hiong)，tī 人生(jîn-sing) 陰暗(im-àm)、暗暝(àm-mî) ê 時(sî)，開(khui) kah 特別(te̍k-pia̍t) ê suí。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com