《台語荒漠甘泉（漢羅版）》

 | | | 轉寄

細漢偷挽瓠，大漢偷牽牛

作者 陳清俊 譯 林俊育 漢羅翻寫 2010.04.04

listen
四月初四(四月四日)

「以利沙(Í-lī-sa) 祈禱(kî-tó) 講(kóng)，耶和華(Iâ-hô-hua) ah,求(kiû) 你(lí) 開(khui) 伊(i) ê 目睭(ba̍k-tsiu)，hō͘ 伊(i) 能(oē) 看見(khoàⁿ-kìⁿ)。」(列王紀下6:17)

這(tse) 是(sī) 咱(lán) 需要(su-iàu) 為(ūi) 家己(ka-kī) kap 別人(pa̍t-lâng) 互相(hō͘-siong) 祈禱(kî-tó) ê 祈禱詞(kî-tó-sû)：主(Tsú) ah,求(kiû) 你(lí) 開(khui) 阮(goán) ê 目睭(ba̍k-tsiu)，hō͘ 阮(goán) 能(oē) 看見(khoàⁿ-kìⁿ)，hō͘ 阮(goán) 親像(tshin-tshiūⁿ) 先知(sian-ti) 以利沙(Í-lī-sa) hō͘「遍(piàn) 山(suaⁿ) 火尾(hé-bé) 火車(hé-tshia) 圍(ûi)，」(列王紀下6:17)等待(tán-thāi) 載(tsài) 阮(goán) 去(khì) 榮光(êng-kng) 勝利(sèng-lī) ê 所在(só͘-tsāi)。

一旦(it-tàn) 開(khui) 咱(lán) ê 目睭(ba̍k-tsiu)，咱(lán) 便(piān) 能(oē) 將(tsiong) 一生(it-sing) 大大(toā-toā) 細細(soè-soè)，悲哀(pi-ai) á 是(sī) 喜樂(hí-lo̍k) ê 事(sū)，看(khoàⁿ) 做(tsoè) 是(sī) 來(lâi) 保護(pó-hō͘) 咱(lán) 靈魂(lêng-hûn) ê「戰車(tsiàn-tshia)」。咱(lán) 若(nā) 會(oē) án-ni 看(khoàⁿ)，咱(lán) 所(só͘) tú-tio̍h ê 一切(it-tshè) lóng 是(sī) beh 載(tsài) 咱(lán) ê 戰車(tsiàn-tshia)。反面(hoán-bīn) 來(lâi) 講(kóng)，細細(soè-soè) ê 試探(tshì-thàm)，咱(lán) 若(nā) 無(bô) tsha̍p 伊(i)，伊(i) 也會(iā-oē) 大(toē) 到(kàu) 能(oē) teh 碎(tshùi) 咱(lán) 頭前(thâu-tsêng) ê 一切(it-tshè) ê 物(mi̍h)，hō͘ 咱(lán) 痛苦(thòng-khó͘) kap 絕望(tsua̍t-bāng)。

差別(tsha-pia̍t) 是(sī) 在(tsāi) tī 咱(lán) 如何(jû-hô) 選擇(soán-te̍k)，m̄ 是(sī) 在(tsāi) tī 事(sū) ê 本身(pún-sin)，是(sī) 在(tsāi) tī 咱(lán) tuì 事(sū) ê 看法(khoàⁿ-huat)。若是(nā-sī) 咱(lán) beh 倒(tó) teh,hō͘ 一切(it-tshè) ê 物(mi̍h) 來(lâi) teh,來(lâi) 研(géng) tī 咱(lán) ê 身上(sin-tsiūⁿ)，咱(lán) 會(oē) hông 研(géng) 到(kàu) 碎(tshùi) kô͘-kô͘,án-ni hit-ê 物(mi̍h) 就(tsiū) 是(sī) 控制(khòng-tsè) buē-tiâu ê 毀滅(húi-bia̍t) 車(tshia)；但是(tān-sī) 咱(lán) peh tī 車(tshia) 頂(téng)，駛(sái) hit-ê 物(mi̍h)，伊(i) 就(tsiū) 變做(pìⁿ-tsoè) 勝利(sèng-lī) 車(tshia)。In 就(tsiū) 是(sī) 上帝(siōng-tè) ê「火車(hé-tshia)」，凱旋(khái-soân) 將(tsiong) 咱(lán) 帶(toà) 向前(hiòng-tsêng)，帶(toà) 上(tsiūⁿ) 天(thiⁿ)。──Hannah Whitall Smith

一個(tsi̍t-ê) 受(siū) teh 碎(tshùi) ê 靈(lêng)，連(liân) 主(Tsú) 也(iā) 無(bô) 辦法(pān-huat)。這(tse) 是(sī) 為(ūi) 什麼(sím-mih) hit-ê 反對(hoán-tùi) 咱(lán) ê 撒旦(Sat-tàn)，lóng beh hō͘ 上帝(siōng-tè) ê 子民(tsú-bîn) 對(tùi) in ê 環境(khoân-kéng)，感覺(kám-kak) 絕望(tsua̍t-bāng)，無(bô) 人(lâng) thang 幫贊(pang-tsān)。有(ū) 人(lâng) 講(kóng)，軍隊(kun-tūi) ê 士氣(sū-khì) 若(nā) 低低(kē-kē)，散慢(sàn-bān) 無(bô) 精神(tsing-sîn)，去(khì) 戰場(tsiàn-tiûⁿ) 一定(it-tēng) 會(oē) 輸(su)，會(oē) 失敗(sit-pāi)。我(goá) 聽(thiaⁿ) tio̍h 一位(tsi̍t-ūi) 傳教師(thoân-kàu-su)，講(kóng) 伊(i) 回復(hoê-hok) 就(tsiū) 破病(phoà-pīⁿ)，心情(sim-tsêng) 真(tsin) bái,因為(in-ūi) 伊(i) 精神(tsing-sîn) 上(siōng) 已經(í-king) 失去(sit-khì) 勇氣(ióng-khì)，就(tsiū) 引起(ín-khí) 身體(sin-thé) 無(bô) 好勢(hó-sè)，suah 破病(phoà-pīⁿ)。

咱(lán) tio̍h ài 認識(jīm-bat) 撒旦(Sat-tàn) 如何(jû-hô) 打擊(tá-kik) 咱(lán) ê 心靈(sim-lêng) kap 如何(jû-hô) 來(lâi) 抵抗(té-khòng) ê 方法(hong-huat)，若是(nā-sī) 伊(i) 會(oē) 搖動(iô-tāng) 咱(lán) ê 立場(li̍p-tiûⁿ)，伊(i) 就(tsiū) beh 用(ēng) 長期(tn̂g-kî) 圍困(ûi-khùn) ê 方法(hong-huat)。「In beh 搶奪(tshiúⁿ-tua̍t) 王(ông) ê 權(koân)，毀壞(húi-hoāi) 伊(i)，滅(bia̍t) 無(bô) 伊(i) 到(kàu) 徹底(thiat-té)。」(但以理7:25)直到(ti̍t-kàu) 咱(lán) 軟弱(loán-jio̍k) suah 放棄(hòng-khì) 一切(it-tshè) 勝利(sèng-lī) ê 希望(hi-bōng)。



附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com