《台語荒漠甘泉（漢羅版）》

 | | | 轉寄

koh活

作者 陳清俊 譯 林俊育 漢羅翻寫 2010.04.25

listen
四月二五(四月二十五日)

「有(ū) 抹大拉(Bua̍t-tāi-lah) ê 馬利亞(Má-lī-a)，kap 別(pa̍t) 個(ê) 馬利亞(Má-lī-a) tī hia，坐(tsē) tī 墓(bōng) ê 對面(tùi-bīn)。」(馬太27:61)

Ah，人(lâng) tī 悲哀(pi-ai) ê 時(sî)，真(tsin) oh 去(khì) 看(khoàⁿ) 清楚(tshing-tshó)，oh 明白(bêng-pe̍k)，oh 去(khì) 了解(liáu-kái)！悲傷(pi-siong) hō͘ 人(lâng) 頭殼(thâu-khak) 空空(khang-khang)，無(bô) 願意(goān-ì) 去(khì) 學(o̍h)，去(khì) 明白(bêng-pe̍k) tāi-tsì。悲哀(pi-ai) ê 婦女(hū-lú)「坐(tsē) tī 墓(bōng) ê 對面(tùi-bīn)」，in kiám 會(oē) 看(khoàⁿ) tio̍h 兩(nn̄g) 千年(tshing-nî) 後(āu) ê 勝利(sèng-lī) 成果(sêng-kó) mah?除了(tû-liáu) tshē 無(bô) 基督(ki-tok)，in kiám 有(ū) 看(khoàⁿ) tio̍h 甚麼(sím-mi̍h) mah?

你(lí) 我(goá) 所(só͘) 知(tsai) ê 基督(ki-tok) 就(tsiū) 是(sī) tuì in 所(só͘) 失去(sit-khì) ê，tuì in ê 悲傷(pi-siong)，有(ū) 真(tsin) tsuē 哀痛(ai-thòng) 傷心(siong-sim) ê 人(lâng) 看(khoàⁿ) tio̍h koh 活(ua̍h) ê ǹg 望(bāng)。抹大拉(Bua̍t-tāi-lah) ê 馬利亞(Má-lī-a) 傷心(siong-sim) 到(kàu) 無(bô) 看(khoàⁿ) tio̍h koh 活(ua̍h) ê 開始(khai-sí)。In 想(siūⁿ) 是(sī) 性命(sìⁿ-miā) ê 結束(kiat-sok)，卻(khiok) 是(sī) 基督(ki-tok) 做(tsoè) 王(ông) 受(siū) 加冕(ka-bián) ê 準備(tsún-pī)。基督(ki-tok) 恬恬(tiām-tiām) 受釘(siū-tèng)，等待(tán-thāi) 伊(i) koh 活(ua̍h) ê 大(toā) 能力(lêng-le̍k)。

婦女(hū-lú) 無(bô) 看(khoàⁿ) tio̍h tsit 點(tiám)，in 哀痛(ai-thòng)、啼哭(thî-khàu)、走去(tsáu-khì)，koh 傷心(siong-sim) 回(hoê) 到(kàu) 墳墓(hûn-bōng) hia。總是(tsóng-sī) 所(só͘) 看(khoàⁿ) ê，iáu 只是(tsí-sī) 一個(tsi̍t-ê) 墓(bōng) nā-tiāⁿ，無(bô) 聲音(siaⁿ-im)，無(bô) 兆頭(tiāu-thâu)。

咱(lán) 也(iā) 是(sī) siâng 款(khoán)，每(múi) 一(tsi̍t) 人(lâng) tī 家己(ka-kī) ê 花園(hue-hn̂g) 裡(nih)，坐(tsē) tī 墳墓(hûn-bōng) 對面(tùi-bīn)，講(kóng)：「Tsit-ê 慘劇(tshám-kio̍k) 是(sī) 無(bô) 伊(i) ê，無(bô) 辦法(pān-huat) thang 補救(pó͘-kiù) ê，我(goá) 看(khoàⁿ) buē-tio̍h 有(ū) 甚麼(sím-mi̍h) 利益(lī-ik)，也(iā) buē-thang tuì 伊(i) 來(lâi) 得(tit) tio̍h 安慰(an-ùi)。「總是(tsóng-sī) tī 咱(lán) siōng 沉重(tîm-tāng)、siōng 悲傷(pi-siong) ê 逆境(ge̍k-kéng) 中(tiong)，咱(lán) ê 基督(ki-tok) tī hia，等待(tán-thāi) koh 活(ua̍h)。

Tī 咱(lán) 差不多(tsha-put-to) beh 死(sí) 去(khì) ê 時(sî) tsūn，咱(lán) ê 救主(kiù-tsú) tī hia。咱(lán) 希望(hi-bōng) ê 盡尾(tsīn-bé)，beh 看(khoàⁿ) tio̍h siōng 光明(kong-bêng) ê 光輝(kong-hui) 開始(khai-sí) 出現(tshut-hiān)。Tī siōng 烏暗(o͘-àm) 中(tiong)，是(sī) 準備(tsún-pī) siōng 燦爛(tshàn-lān) ê 光(kng) 出現(tshut-hiān)。一旦(it-tàn) 咱(lán) 得(tit) tio̍h 體驗(thé-giām)，就(tsiū) 會(oē) 發現(huat-hiān) 咱(lán) ê 花園(hue-hn̂g) ê 景色(kéng-sik) 無(bô) hō͘ 墳墓(hûn-bōng) 破壞(phò-hoāi)。

帶(toà) 有(ū) 悲傷(pi-siong) ê 喜樂(hí-lo̍k)，tsit-ê 喜樂(hí-lo̍k) koh-khah 有(ū) 意義(ì-gī)。當(tng) 上帝(siōng-tè) ê 喜樂(hí-lo̍k) 種(tsèng) tī 咱(lán) ê 周圍(tsiu-ûi)，咱(lán) ê 悲傷(pi-siong) beh koh-khah 燦爛(tshàn-lān) 光明(kong-bêng)。起頭(khí-thâu) 花園(hue-hn̂g) ê 花(hue) 可能(khó-lêng) m̄ 是(sī) 咱(lán) 所(só͘) 心愛(sim-ài) ê，咱(lán) beh 學習(ha̍k-si̍p) tio̍h hiah-ê 生(siⁿ) tī 心(sim) 中(tiong) ê 花(hue)。Tī 墳墓(hûn-bōng) 邊(piⁿ) 基督徒(ki-tok-tô͘) 心(sim) 中(tiong) 所(só͘) 栽種(tsai-tsèng) ê 花(hue)，有(ū) 疼(thiàⁿ)、ǹg 望(bāng)、信心(sìn-sim)、喜樂(hí-lo̍k) kap 平安(pêng-an)。

Tsit 條(tiâu) 憂傷(iu-siong) ê 路橋(lō͘-kiô)，
基督(ki-tok) 進入(tsìn-ji̍p) 安歇(an-hioh)，
Tī tsia，是(sī) teh tshē 玫瑰(mûi-kùi) 花(hue)，
Á 是(sī) 受(siū) 祝福(tsiok-hok) ê 地(toē)？
天堂(thian-tông) siōng 白(pe̍h) ê 百合花(pik-ha̍p-hue)，
開(khui) tiàm 人間(jîn-kan) 患難(hoān-lān) 刺(tshì) phuè。
Tī tsia，伊(i) 謙卑(khiam-pi) 背(pē) 十字架(si̍p-jī-kè)，
Tī hia，有(ū) 王(ông) ê 紫袍(tsí-phàu) 穿(tshēng) teh。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com