《台語荒漠甘泉（漢羅版）》

 | | | 轉寄

祈禱生活

作者 陳清俊 譯 林俊育 漢羅翻寫 2010.06.06

listen
六月初六(六月六日)

「Tio̍h 驚醒(kéng-séng)，tio̍h 祈禱(kî-tó)，免(bián) 得(tit) 入(ji̍p) tī 迷惑(bê-he̍k)。」 (馬太(Má-thài) 26:41)

朋友(pêng-iú)，m̄-thang 無(bô) 祈禱(kî-tó) 就(tsiū) 入(ji̍p) tī 危險(gûi-hiám) ê 世界(sè-kài)。有(ū) 真(tsin) tsuē ê 誘惑(iú-he̍k) hō͘ 你(lí) ê 祈禱(kî-tó) 縮短(sok-té)。一工(tsi̍t-kang) 辛辛(sin-sin) 苦苦(khó͘-khó͘) 工作(kang-tsok) 了(liáu)，目睭(ba̍k-tsiu) 已經(í-king) 澀(siap)，當(tng) 你(lí) 暗暝(àm-mî) 祈禱(kî-tó) ê 時(sî)，無(bô) 因為(in-ūi) 倦(siān)、thiám，想(siūⁿ) ài 睏(khùn)， 需要(su-iàu) khah 早(tsá) 歇睏(hioh-khùn) 做(tsoè) 借口(tsioh-kháu)，來(lâi) 簡單(kán-tan) 潦潦(ló-ló) 草草(tshó-tshó) 祈禱(kî-tó)；á 是(sī) 天光(thiⁿ-kng)，睏(khùn) 過頭(kè-thâu)，就(tsiū) 無(bô) ài 早(tsá) 時(sî) ê 祈禱(kî-tó)；á 是(sī) 緊緊(kín-kín) 祈禱(kî-tó)，簡單(kán-tan) 交代(kau-tāi) 就(tsiū) 好(hó)。Ài 抵抗(té-khòng) tsiah-ê 誘惑(iú-he̍k)，無(bô) 時間(sî-kan) 來(lâi)「驚醒(kéng-séng) 祈禱(kî-tó)」，犧牲(hi-sing) 了(liáu) 應該(ing-kai) ê 驚醒(kéng-séng)，tsit-ê 損失(sún-sit) 是(sī) 無法度(bô͘-huat-tō͘) 補救(pó͘-kiù) ê。無(bô) 驚醒(kéng-séng) 祈禱(kî-tó)，就是(tsiū-sī) 家己(ka-kī) tshē 麻煩(mâ-hoân)、受苦(siū-khó͘)。

誘惑(iú-he̍k) tshē 機會(ki-hoē) 攻擊(kong-kik) 你(lí)，你(lí) 無(bô) 準備(tsún-pī) 來(lâi) 抵抗(té-khòng)，你(lí) ê 靈(lêng) 是(sī) 有(ū) 罪惡感(tsoē-ok-kám)，你(lí) kap 上帝(siōng-tè) 漸漸(tsiām-tsiām) 疏遠(so͘-oán)，距離(kū-lî) ná 遠(hn̄g)。當(tng) 你(lí) 容允(iông-ún) 厭倦(ià-siān) 來(lâi) 干涉(kan-sia̍p) tio̍h 你(lí) ê 祈禱(kî-tó)，但是(tān-sī) 你(lí) tī 工作(kang-tsok) 上(siōng) 感覺(kám-kak)，tú-tio̍h 失職(sit-tsit)，是(sī) 無(bô) 甚麼(sím-mi̍h) 奇怪(kî-koài) ê。

咱(lán) ǹg pîn-tuāⁿ 屈服(khut-ho̍k)，所(só͘) 失去(sit-khì) ê 祈禱(kî-tó) 時刻(sî-khik) 是(sī) the̍h buē 倒(tó) tńg 來(lâi)。Tuì tsit-ê 功課(kong-khò) beh 學(o̍h) tio̍h 祈禱(kî-tó) 所(só͘) 帶(toà) 來(lâi) 豐盛(hong-sēng) kap 力量(le̍k-liōng)，也(iā) suah 無(bô) 去(khì)。──Frederick William Robertson

全能(tsoân-lêng) 上帝(siōng-tè) ê kiáⁿ 耶穌(Iâ-so͘)，每(múi) 透早(thàu-tsá) 向(hiòng) 伊(i) ê 父(pē) 祈禱(kî-tó)，吐出(thò͘-tshut) 伊(i) ê 心聲(sim-siaⁿ)。咱(lán) kiám 無(bô) koh-khah tio̍h 向(hiòng) 賜(sù)「好(hó) ê 賞賜(siúⁿ-sù) kap 完全(oân-tsoân) ê 恩賜(un-sù)」(雅各(Ngá-kok)1:17)，也(iā) 是(sī) 供應(kiòng-èng) 咱(lán) 所(só͘) 需要(su-iàu) 一切(it-tshè) ê 上帝(siōng-tè) 祈禱(kî-tó) mah?

咱(lán) m̄ 知(tsai) 耶穌(Iâ-so͘) tuì 祈禱(kî-tó) 得(tit) tio̍h 甚物(sím-mi̍h)，總是(tsóng-sī) 咱(lán) 知(tsai)，無(bô) 祈禱(kî-tó) 就(tsiū) 生活(sing-ua̍h) 無(bô) 力(la̍t)。無(bô) 祈禱(kî-tó)，生活(sing-ua̍h) 可能(khó-lêng) 是(sī) 真(tsin) 活動(ua̍h-tāng)，充滿(tshiong-moá) 聲音(siaⁿ-im)，真(tsin) 鬧熱(nāu-jia̍t)，tsiâng-tsiâng-kún，總是(tsóng-sī) 卻(khiok) 離開(lī-khui) 暝日(mî-ji̍t) 為(ūi) 咱(lán) 祈禱(kî-tó) ê 主(Tsú) 遠遠(hn̄g-hn̄g)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com